السلام عليكم
انا مملكه ليا شهرين تقريبا زارني خطيبي من الظهر وجلس معايا وخرجنا نشوف الشقه انا وهو ووالدتي واشترينا اغراض ورجعنا واتأخر م راح الين الين الساعه 10 الا قال ابغى انام هنا جيبولي فراش طبعا امي رفضت بس باسلوب راقي انو لاتزعل نحنا م عندنا الخطيب ينام عند خطيبته قبل الزواج وبعد الزواج لو تبغى تسكن م اقولك شي علما بانه دايما يقول ابغى انام معاك بغرفتك وانا فهمته انو هذا الشي مو عندنا وامي م حترضى خاصه انو البيت م فيه رجال المهم خرج من عندي وللان له 5ايام لايرد علي ولا يكلمني وحتى رسايلي يقراها ويطنش والشقه خلاني احجزها واساله انو عيب نخلي الشقه ونحنا متفقين مع الرجال بس رد عليا ف هذا الموضوع ونفس الشي ولا كأني اكتب
هل صحيح اللي سويته وهل زعله هذا ممكن يطلقني وليش الزعل وانا م غلطت عليه ولا فتحت فمي حتى وهل هو صادق انو الخطيب ينام عند خطيبته ف بيتهم
ساعدوني الله يسعدكم وايش اسوي هل اطنشه خلاص
o'dfd dfyn dkhl uk]d
المصدر...
24th January 2019
خطيبي يبغى ينام عندي
تقرأ وترحل شارك معنا برد أو بموضوع
العرض الشجري