يومياتى فى الوصول الى الرشاقه

السلام عليكم ورحمة الله وبركاته

اخواتى حبيبات قلبى اعتذر لكم عن التقصير
وان شاء الله اكون معكم باستمرار واتابعكم
وسامحونى لتقصيرى
حبيبتى ام احمد يسر الله امرك
وما فى اسف حبيبتى بينا
والف مبروك ع الوزن الجديد وان شاء الله تحققى الوزن المناسب
واللى انتى عايزه توصلي له
وبخصوص ان الرجيم محتاج لذهن صافى ده
فعلا صح والله يكون فى العون
بخصوص بقى الشيكولاته
مع انك مستمره على الرجيم لكن زوتيها شويه
مع 3 قطع الشيكولاته مره واحده
مش شايفه انهم كتييييير فى يوم واحد
عموما حصل خير
وربنا ييسر لك امرك وترجعى لينا بالسلامه
فى انتظارك يا غاليه
وتمشى ع النظام اللى يساعدك انك توصلى به للقمه
فى رعايه الله
renad

اقتباس:
المشاركة الأصلية كتبت بواسطة ام عمار بن ياسر
السلام عليكم ورحمه الله وبركاته

غاليتى ريناد شفاكِ الله وعفاكِ

حبيبتى انا للاسف الفتره السابقه كنت مشغوله عن الكتابه
لكن الحمد لله ملتزمه بالريجيم ولكن ليس على نظام بعينه

والحمد لله وصلت ل 89,7

اشعر انى انجزت بنزولى عن ال90

وبالامس خرجت ومشيت حوالى 7 كيلو

الله المستعان

ان شاء الله التزم بنظامك وتعليماتك
دمتم فى طاعة الله

حبيبة قلبى ام عمار
جزاك الله خيرا على سؤالك عليا
وما اتحرم منك ابدا
حبيبتى انا عارفه ومقدره انشغالك الله يكون ف عونك
ومبروك على الوزن الجديد وان شاء الله
توصلى للوزن اللى انت عايزاه
وفى انتظارك حبيبتى
ولكن التمسى لى العذر عن التاخير عنكم فى المتابعه وانت عارفه السبب طبعا
ولا يمنعنى عنكم غير شئ جامد جدااااا
أحبكن فى الله يالغاليات
renad

اقتباس:
المشاركة الأصلية كتبت بواسطة همسة حق

وعليكم السلام ورحمة الله وبركاته
ما شاء الله تبارك الرحمن أخواتي الحبيبات
أنا اول مرة ادخل الصفحة دي وبصراحة استمتعت جداً معكم
ما شاء الله متحمسات ومتعاونات وبتفيدو بعض
الله يوفقكم وتوصلو لمرادكم بإذن الله

أم عمار بصراحة من كلامك في البداية خليتيني اتخيل وزنك فوق 100 كيلو
وسلامة الأحبال الصوتية حبيبتي بجد ضحكتيني يا عسل .. بعيد الشر عنك حبيبتي

يسر الله اموركم حبيباتي
والحمدلله انظمت لكم ريناد وبتفيدكم بخبرتها ونصائحها إن شاء الله
شدو الهمة وبتوصلو إن شاء الله

وسبحان الله ناس بتعاني من النحافة وناس بتعاني من السمنة
انا عانيت من النحافة والحمدلله الآن الوزن في تحسن
فلا تيأسو النحيف بيزيد والتخين بيخس إن شاء الله .. وأهم شيء الصحة والعافية والرضا

متعكن الله بالصحة والعافية والسعادة في الدنيا والآخرة ..



حبيبتى هموسه الاموره
اكيد نورتى طبعا
بمرورك العطر وكلامك الجميل
وانا معك فى النحافه أنا الحمد لله عاملا رجيييييم ربانى
وزى ما بتقولى ماحدا بيعجبه حاله
لا النحيف عجبه ونفسه يتخن شويه ولا السمين عجبه ونفسه يخس
ربنا ييسر لكل واحد أمره
حبيبتى هموسه ولو احتاجتى منى اى شئ
بخصوص النحافه انا تحت امرك او فى اى شئ اخر
وهكذا أخواتى لو اى أخت أحتاجت منى اى شئ انا تحت امرها
بارك الله فيكن
وبجد وحشتونى جدااااااا أخواتى جميعااااااا
أسالكم الدعاااااء أخواتى
دمت بودكم وحبكم
Renad

السلام عليكم اخواتى الغاليات

اختى الغاليه ام عمار جزاكى الله خيرا على الموضوع ومبروك عليكى حبيبتى الوزن الجديد

وعقبال ما توصلى للوزن اللى تحبيه لنفسك

دى اول مشاركه لى فى هذا الموضوع

بس للاسف حصلى احباط مبكر

لان انتو بتتكلموا فى اوزان قبل المائه وان شاء الله تكون سهله وميسره لكم

انا بقى طبعا مش هقول وزنى ............بس بكل الاحوال فوق ال100

.لكن ممكن اقول طولى

165سم

بجد محتاجه دعواتكم ان ربنا يشفينى واخس بصحه

عجبنى الاعشاب اللى ذكرتها اختى الغاليه ام حفص

ولكن بعض الانظمه لا استطيع عملها .........ده لانى حاولت كتير فى الانظمه الغذائيه ولكن فشلت

وده عشان اسلوب حياتى مع زوجى والاولاد ,,,,,,,,بس ممكن اقلل من الكميه

وبما انى لا اخرج ,,,,,,,,,,,,,,فانا افكر بشراء مشايه كهربائيه

فياريت لو حد يفيدنى فى الموضوع

وكمان عايزه حد يلزمنى بالرياضه والمشى ويسألنى ويتابع معايا

وهبدا فى الاول بالمشى والرياضه داخل الشقه لحد ما اجيب المشايه بأذن الله

ربى ييسر لكم الحال ويعنكم وييسرلى حالى ويعنى

عشان حاسه بأحباط شديد جدا من الوزن اللى وصلت اليه

بارك الله فى كل اخت ساهمت فى هذا الموضوع

جزاكم الله خيرا ونفع بكم

السلام عليكم ورحمة الله وبركاته

حياكِ الله اختنا زهره

اسال الله ان يرزقكِ الصحه والعافيه

انا انشات الصفحه مخصوص من اجل المنافسه

باذن الله تنتظمى ولا تيأسى (مثلى من قبل)

فى البدايه هيكون لخبطه ونقنقه بس صدقينى هتتعودى

انا كان وزنى قبل بدايه الموضوع 93,5

والان اصبح 88 ونصف

طبعا بخس ببطء لكن اعتقد ان كده افضل

لانى باكل كل الى نفسى فيهه

لكن منعت العشاء وبدأت امارس الرياضه(المشى)

واشعر الان ان شهيتى فى الاكل قلت كثيرا

النقطه الثاني الا وهى المشاااااااااايه

انصحك ان تشتريها الان

اكثر من رائعه

لكن ياريت تنتظمى عليها لانى اتركها كثيرا لكن عند بداية الريجيم التزم بالمشى

نتائجها رائعه

اشعر وقتها بانى خفيفه فى حركاتى و اشعر بسهولة التنفس

ارجو منكِ اختى عدم الاحباط

وتقبلى منافستى (لانى مفتقده منافستى ام احمد)

ولاحظى الفرق بينى وبين ام احمد فى الوزن وبالرغم من ذلك كنا نتنافس

لا تحبطى حبيبتى وراعى ان المرأه معرضه للسمنه لما تواجهه من حمل وولاده ورضاعه

وايضا عدم الخروج يساعد فى زيادة الوزن(عدم حركه ونقنقه)

جددى نيتك حبيبتى انك تريدى الرشاقه من اجل حسن التبعل
وكذلك الصحه والعافيه

نبداء باذن الله


http://rawdatelquran.com/vb/showthread.php?t=2560

وابداءى ممارسه الرياضه

ربنا يرزقك الصحه والعافيه

جزاكـِ الله خيرا وبارك فيكـِ ورزقك الفردوس الأعلى من الجنة

حبيبتى همسه جزاكـِ الله خيرا وبارك فيكـِ ورزقك الفردوس الأعلى من الجنة

حقيقى استعجب بشده عندما اجد من تعانى من النحافه

صينيه بسبوسه او كمية شيكولاته او طبق رنجه بالليمون والطحينه والطماطم او حلة محشى

هتحل المشكله فى 24 ساعه

يبدو ان فى جسم بيكون قابل للطخن وجسم لا

ربنا يرزقكم الصحه والعافيه

اهم شئ تتابعم الهيموجلبين

جزاكى الله خيرا اختى ام عمار

انا قرأت الرجيم وعجبنى جدا

وان شاء الله احاول وربنا معانا جميعا

وان شاء الله اجيب المشايه عشان تساعدنى

بارك الله فيكى على الدعوه ولكى مثلها وزياده

حبيبتي زهرة الجبل لازم تكون عندك اراده وتنوي مع الأخوات من الان انك تنحفي

ولازم تعرفي ان وزنك هذا ممكن يسببلك الامراض ,,, احنا في موضوع أم عمار هذا بنشجع كل وحده محتاجه تنحف

وممكن تفيدك أيضا الأخت ريناد في هذا الموضوع ,, وا شاءالله تبشرينا عن قريب بنزول وزنك

ولازم تمشي قدر المستطاع ومسافات طويله ولو ماتقدري جيبي الجهاز الكهربائي ,,, والله يسرلك

السلام عليكم ورحمة الله وبركاته

اختى الغاليه نسيم الصبا

جزاكى الله خيرا على ردك وتشجيعك لى

وفقنى الله واياكى الى ما فيه الخير

اشكرك على النصيحه الغاليه

انا الحمد لله بدات والامس تناولت غذائى مبكرا حوالى ال7 ونصف وطبعا مفيش عشاء

وكمان بأخذ الاعشاب التى اشارت بها اختى ام حفص قبل الوجبات

دعواتكم لى بتيسير الامور وان شاء الله اكمل

والله المستعان

ربنا ييسر لك امرك زهره حبيبتى

ياريتك تشجعينى لان بعد ام احمد ما سافرت واشعر بالوحده

انا هبداء اكتب يوميات من اليوم لكن الخميس والجمعه اجازه

اليوم

افطار

سندوتش جبن قريش +كوب شاى اخضر

الغداء

3 م رز+ ملوخيه +قطعه فرخه

شاى اخضر

يتبع