مولودتي الأولى وأهل زوجي

مولودتي الأولى وأهل زوجي

السلام عليكم

مرحبا بالكل


انا حملت بعد زواجي بشهر ونص تقريبا مشكلتي تتخلص في اني حابه اخذ بنفسي
ملابس لمولودتي الاولي زوجي يحبني وكل شى تمام بس اتفق معى نأجل الشراء بعدها
بشهر عطاني مبلغ صغير للطفله قال لي اخذ الضروريات وبعدهانكمل الباقي
وكان ملزم علي اسمع كلامه ونختار سوا. بعدين راح ناخذ بس جزء جزء
بعدها قال ان اهله بيجيبون هدايا اخته بتجيب سرير ومادري مين بيجيب اغراض
امه جابت كرسي هزاز وطقم شنطه وسرير خفيف شفتهم وقلت حلوين
باقي اخنا نروح. قال طيب وبعدين تعبت وماقدرت اطلع وتاجل
والحين قاللي كلام جديد ان اغراض المولوده كله بتجيبها امه وقالت ماعليك من شي
انا انقهرت وقلت مايصير كذل اول طفله واول فرحه كيف انا مااتسوق لها
طول عمري احلم بهاللحظه كيف يفرح فيها غيري وانا وين مكاني وين رايي
مو ذنبي ان خلفه خواته اولاد ومن سنين خاطرهم ببنوته. هي حقتي انا لي مخلفتها من حقي اختار لها
وغير كذا قبل كان في خلاف وانحل بس انا للحين مو مندمجه مع اهله بسب خلاف من اول
عشان كذا مابي اقرب وانقرص. اهم شي بحياتي زوجي وعلاقتي فيه
توني داخله الثامن وبموت من القهر افكر لما ازور امى امر السوق اخذ ملابس لبنتي بدون علمه
روحي متقطعه نفسي حيل اعيش لحظات اختيار الملابس للمولوده تكفون شوروا علي

انا صارحته وقلت اني ام جديده وحابه افرح لاتحرمني قال ادري بناخذ كم شغله
يعني اخاف بكره يقول كنسلنا ماني حابه انفعل بهالفتره لاني صايره حساسه جدا
وابكي كثير وافكر كثير واحلم بصوت طفل يبكي واوقات فجاءه احس اني محتاجه اضم بيبي صغيرون واشم ريحته شعور يذبح ماعرف اوصفه. ودي اتهاوش عشان يفهم لي احس فيه بس اخاف علي نفسي
لان اذا عصبت مافي شي يهديني وتقوم علي معدتي لان عندي قولون عصبي ومايهديني الا ابره مسكنه وانا مو حابه بشوفني بهالوضع ابدا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

l,g,]jd hgH,gn ,Hig .,[d

المصدر...