تشيز كيك عالبارد من مطبخ مايا علي , تشيز كيك عالبادر بصوص الشوكولاتة 2016

تشيز كيك عالبارد من مطبخ مايا علي , تشيز كيك عالبادر بصوص الشوكولاتة 2016


السلام عليكم ورحمة الله وبركاته

أهلين حبيباتى
عملت تشيز كيك بالصيف اللى فات قبل رمضان
كتييييييير مننا بيحب التشيز كيك وعشان تشتري قطعة بتبقى غالية ولما دقتها أول مرة قلت لازم أجرب أعملها
ولما عملتها لقيتها سهلة ومابتتكلفش قد مانتى حتشتري بالقطعة
يعنى عشان أشتر صينية زى اللى عملتها حتكون
توصل تكلفتها 120 ج
التشيز كيك اللى عملتها عالبارد فيه طريقة ليها في الفرن بس أنا ماجربتهاش لسه بس ان شاء الله بجربها وأنزلها علطول

المقادير

3 علب جبنة كيرى
كوب كريمة خفق للحلويات وتكون من قبلها في التلاجة
2 كوب أو 3 سكر بودر حسب ماتدوقى وتلاقي كريمة الجبن حلوة
1/2 1 ملعقة كبيرة جيلاتين بودر ذوبيه في ماء دافئ
2 علبة كبيرة بسكوت دايجيستيف
صوص شوكولاتة للتزيين
3 ملاعق زبدة سايحة

الطريقة

1)نطحن البسكوت ونقلب الزبدة مع البسكوت جيدا ويضغط في صينية مقاس 24 من اللى بتتفتح من الجنب ويوضع في التلاجة لمدة ربع ساعة وقت تحضير كريمة الجبن.
2)نضع مكونات كريمة الجبن (كريمة الخفق والسكر بودر وجبن كيرى واللبن والفانيلا على سرة عالية ثم نضع الجيلاتين المذوب في ربع كوب ماء دافئ ونضرب .
3)نطلع الصينية وأنا قسمت الكريمة جزئين جزء أبيض وجزء خلطت معاه نسكويك.
4)نضع الجزء الأبيض ونضعه بالفريزر لمدة 10 دقايق عشان يمسك شوية ونحط الجزء اللى عليه الشوكولاتة.
5)نحط الجزء التانى ونضعه بالتلاجة طوال الليل.
نطلعها تانى يوم ونفك الصينية من الجنب ونحاول ننزلها بالراحة وبعدين قطعى براحتك.
آخر حاجة حطى صوص الشوكولاة عالوجه وقدمى في طبق التقديم مع صوص الشوكولاتة وبألف هنا.

تعالوا نشوف الصور








ده شكلها وهى متماسكة قدامكم









وبألف هنا شوفا حبيباتى ياريت تجربوها حتعجبكم ان شاء الله انتى ممكن تعملى صينية أصغر بس أنا بعمل الكبيرة عشان بحب أهادي جيرانى
مع تحياتى مايا علي:0451:




المصدر: منتدى عدلات

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...