الجزء الثانى عزومتى في رمضان 2015,الشوربة و الأطباق الرئيسية

الجزء الثانى عزومتى في رمضان 2015,الشوربة و الأطباق الرئيسية


السلام عليكم ورحمة الله وبركاته

تابعونى حبيباتى في عزومتى لروضان 2015
في الجزء ده حاعرض طريقتى في الشوربة والأطباق الرئيسية للعزومة

نشوف الشوربة أولا



دى شوربة الشعيرية والعدس طعمها يجنن واتعلمتها من والدى العزيز

طريقتها بيبقى انتى سلقتى لحوم أو طيور وبتحتفظى بشوربتها وبتحطى سمن ومعاها 3 فصوص ثوم كبار متقطعين صغير وندبلهم وننزل بالشعيرية نحمرها تاخد لون مناسب أوعى تغمقيها وتنزلى بالشوربة وتحطى العدس زى ماهو ياخد غلوتين وظبطي الملح وحطى ليمون ناشف متكسر في الشوربة
وبالهنا والشفا:7:

ده الليمون الناشف من عند العطار








الأطباق الرئيسية

1)الديك الرومى

تنظيف الرومى أهم خطوة فيه لازم يتنظفيه كويس جدا جدا
الأول نظفيه من أى ريشة لسه ماتشالتش كويس وحطيه في ماية تغطيه وحطى كوب خل وانقعيه لمدة نصف ساعة
هاتى كيس ملح خشن وافتحيه عشان حنعمل شوية مساج للديك عشان يبقى مبسوط ونضيف وصفى الديك من الماية وخدى بإيدك شوية ملح واعملى زى التدليك للديك من كل منطقة حتلاقيه بيبرق وزى الفل زى كده




شايفين بيبرق وزى الفل ازاى بيبقى بيزيق من كتر نضافته وأنا بجيب الييمون بعصر عليها كمان وبقلب الليمونة وبمسح بيها على أى طيور بيبقى ريحتها فريش وجميلة

المهم بجهز ماية سلق الديك طبعا بتجيبيه من 8:6 ك وزنه كده مناسب وحلوونسيبها تغلي بنحط الديك في الماية ولما تغلى بنشيل أى ريم ظهر ونحط الملح والفلفل وورق اللورا والحبهان وجزر وكرفس ونسيبه لحد مايستوى كويس
بتطلعيه في مصفاة كبيرة وتجهزى عندك بولة فيها صلصة طماطم وزبدة وزيت ذرة وملعقة عسل نحل وملح وفلفل وزعتر ورشة جوزة الطيب وبابريكا وتصبيها على الديك وادهنيه من كل ناحية وحطيه تحت الشواية وقلبيه لما يتحمر كل جانب وطلعيه وسيبيه يرتاح ربع ساعة قبل التقطيع عشان العصارة



ده ماكانش تصويري لانى ماكنتش فاضية وقتها فاعذرونى على ان التصوير مش موضحه كويس


2) اللحمة المشوية مع البصل المكرمل والبطاطس
واللحمة المشوية على الشواية

تتبيلتى في اللحوم واحدة عموما بصل مضروب ضرب متوسط وصويا صوص ودبس رمان وخل ومايونيز ومستردة وملح وفلفل وبابريكا وكركم وزعتر وروز مارى بخلطهم مع بعض وبغطى بيهم اللحمة الضانى كويس وبسيبها في التلاجة طول الليل وتانى يوم بقطع البطاطس زى ماتحبيها شرائح أو قطع مربعة او جوانح ونخلطها مع اللحمة ونجهز كيس فرن حجم كبير واحطها في الفرن على درجة 220 لمدة ساعة واختبرها من بره بخلة الأسنا لو لقيت الخلة بتدخل بسهولة أفك الكيس واحطها تحت الشواية لما تتحمر

بالنسبة للبصل المكرمل
حضري 15 بصلة قاورما عدد يكون كويس لان بصراحة طعمه راااائع مع4 ملاعق سكر ونكرمل على النار ونقدمه معاه

وبالنسبة للمشوية علي الشواية نفس التتبيلة لكن بحط عصير بصل بدل البصل المفروم ودى تتبيلتى في الاتنين























تابعونى



المصدر: منتدى عدلات

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...