|
|
|
1st February 2016
|
#1 | |
|
مدير ومالك المنتديان
|
تدخلات الأهل
تدخلات الأهل السلام عليكم ورحمة الله وبركاته اسعد الله صباحكم أخواني و أخواتي بكل خير و سعادة عندي مشكلة و المشكلة مصيرية وهي أني موظف و مديون علي قروض و يتبقى القليل من راتبي ولكن أقول الحمدلله و الشكر لله على كل حال ..القرض أخذت مبلغ كبير حسب طلب أبوي و اعتبره فزعة ما قصر معي بكل شي .. خله يذوق نفع عياله توكلت على الله و اخذت له قرض ..الحاصل لقيت وظيفة أفضل و اكثر راتب و الترقيات تترقى على طول اما وظيفتي الحاليه الترقيات صعبه وتقعد فترة طويلة ما تترقى و عنصرية و الدورات الداخلية و الخارجية محكورة لناس معينة ..الله يعلم تكملت مع المدراء وماخليت شي ما قلته ولكن مالقيت أي تجاوب و الوظيفة الي افكر فيها بس بمنطقة تبعد 3 ساعات عن منطقتي و رفعت أوراقي طلب النقل من جهة الى جهة حكومية اخرى و المنطقة الي بنقل لها فيها اخوي متوظف هناك نزل تعيينه ..انا تقدمت بطلب نقل مع نقل خدمات..الحاصل ادعي ربي ليل نهار بأن الله يسر أمرها لي و يكتب لي فيها الخير ..حلمت حلم و الحلم طلع حصولي على الوظيفة وان حالي بيتغير و تكون الوظيفه فاتحة خير لي ووقع الحلم زي ماقاله الي المفسر.. كلمني شخص وقال أنت لك معاملة وشفتها وأنا مستعد بالي تبي ..ولكن كلن يستخير والي ربي كاتب لي و لك يصير ولا نستعجل كلنا و بعدها راسلني رقم وطلعت بنت وقالت مستعده اسوي الي اقدر عليه وعسى ربي يكتبها لك اذا فيها خير ..حتى والله ماعرفها ولا تعرفني مدري كيف درت ..الوظيفه فيها مميزات و بدلات و اشياء ثانية وحكومية يعني ماهي قطاع خاص موقتة .. أول ما قلت لأبوي ثار على طول وانت مستعجل وانتم مطيور وانت ووو انا ماقدرت اكمل معه الكلام لاني مابعد شرحت له الكلام الا القليل و بهدوء و اسلوب طيب و شرح لكل المكالمة الحاصلة بيني و بين الشخص الي كلمني وقلت له الي يشوفني اني خلاص بمشي مدري يمكن يقولون لا ما تنطبق عليك أو يكون فيه شي يحيل بيني و بينها وهذي ماراح استعجل فيها ...المهم ابوي حاول انه ينهي الموضوع بكلامه الي يغث و يجرح وهذا اسلوبه معي واعرفه زين اذا كان فيه شي يخصني يحاول يضغط علي واذا خالفته وقلت رايي يتجه لاسلوب التجريح عشان اغلق الموضوع و ينتهي ولا افتحه من جديد.. ضغط علي بخصوص الجامعه قلت طيب و ضغط علي بخصوص الوظيفه قلت ما عليه و ضغط علي بخصوص الزواج وانا واقسم بالله في بالي بنت خاله وهو يعرفها ويعرف كل شي وأخر شي اخوي رايح لمه وقاله البنت الي يبيها متعرف عليها من النت ..انصدمت صراحه وجلست ابرر له قلت بنت خالك كيف تعرفت عليها ولاني سربوت ولا صايع ولا ضايع اخاف ربي و عارف وش اسوي مايحتاج تجربني بس مكذبني و مصدق اخوي قلت طيب موعدنا أمام رب العالمين واقسم اخذ حقي منك يوم القيامة ..لكن يضغط علي وأنا عمري فوق 29 و عندي عيال و يبي يفرض علي رايه و يلغي رايي هذا الي يحصل و تدخل بحياتي و طلعاتي و ما نعني اطلع مع اخوياي او اسافر معهم يقول اعزمهم هنا وشوله تطلع ..حتى سفرتي مع عيالي ما نعني ..قسم برب العزة اخوي الي اصغر مني الي قال متعرف على البنت هذا طالع لدبي مع اخوياه و حصل له شرب خمر هو والي معه بس اني سترت عليه ولا كان يحصل ما لا يحمد عقباه ..انا قلت ليه تسمح له ولا اخواني وانا تمنعني وعلى طول حاول يرتكب مشكلة عشان اقفل الموضوع.. والله الذي لا اله الا هو معاملته معي سيئة واقسم بالله تحملت كل شي عشان رضاه ولا عمري زعلته او طلعت عن شوره ..لكن انا خلاص تعبت و تعبت من إلغاء رأيي و فرض رأيه علي بالقوة بدون ما ابدي رأيي ..مع العلم أخواني الباقين قسم كلن يسوي الي يبي و رأيه ينفذه .. قلت له يا يبه هذي الوظيفة كذا و راتبها كثير وفيها كذا و كذا و ساعات العمل كذا وكذا و الحمدلله يعني ماهي افصل من وظيفتي ..الي في باله خاف اني اطلب منه فلوس عشان اثاث شقتي بعد ما انقل وهذا هو الي يدور في باله ولكن انا مقسم ريال واحد ما بي منه ولا راح اطلب منه .. كافي الي جاني منه ماعاد متحمل خلاص صرت بين يديه مثل الريموت يغيرني زي مايبي .. تعبت لا ليلي ليل ولا نهاري نهار معاملته و تحيزات و تفضيل الى متى من تزوجت تسلطو علي وعلى زوجتي من امي الى البنات و المشكلة مصدقهن ..اسئلكم بالله وش الحل معه المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين j]oghj hgHig المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض العادي
