مشكلتي مع خطيبتي وأفكر بالطلاق

مشكلتي مع خطيبتي وأفكر بالطلاق

السلام عليكم
تحية طيبة للجميع


انا خطبت وحدة فيها عزة نفس علي
تخيلوا من بعد 4 أيام من ملكتنا عصبت علي عشان نست بطاقة الصرافة في بيتهم!
اشتكيت لها من اشياء تضايقني قلبت الموضوع علي وقالت هذا كله من اسلوبك معي!
اكثر من مرة تقول لي انا ما ابغاك ولمن اقول لها خلاص بكلم اهلك ترجع تبكي عندي والله ما اقدر استغني عنك وانا اتراجع عن قراري.
اذا صارت مشكلة بيننا تحط علي الغلط تقريبا 95% من مشاكلنا حطت الغلط علي.
احاول احل المشكلة بالطيب تعصب علي والله جيتها بكل الطرق ما ينفع الحل معها تنشف ريقي حتى نتفاهم.
والله في مرات تزعل من كلام خرج بالخطأ.
لمن تعرف انها غلطانة ومافي مخرج يخليني غلطان والله بس احس انها تبغى تعتذر اسامحها.

شايفين اسلوبها طبقته مرة وحدة معها حصلت مشكلة وما فكرت ان الخطأ مني او منها اتصلت عشان نتفاهم رديت نعم بصوت عالي قالت خلاص باي
واتصلت على امي والحمدلله امي متفاهمة كلمتني: البنت تشتكي منك وتقول انها تبغى الطلاق انا ارسلت رسايلها لامي وقلت الحكم بيدك بعد ما شفات رسايلها قالت انا بروح لامها لومن راحت طلعوا اهلها ما يدرون عن السالفة واستغربوا من كلامها ضدي. المهم انهوا المشكلة وسمعوا كل الي بخاطرها. امي قالت لي خلاص انتهت المشكلة وكلمت ابوها وأكدت على انتهاء المشكلة طيب اتصلت عليها برضها زعلانة ومنفسة علي!! ايش تبغى اكثر من كذا ما أدري؟.

انا بصراحة تعقدت ما ادري ايش اسوي معها وانا شخص ابغى الزواج.
وعشانها طلعت عن المدينة الي عايش فيها وتوجهت للرياض حتى اعمل على اكثر من وظيفة واسوي زواجي واعيشها بكرامة.

حاليا وضعي معها: ما اكلمها ولا شي. بالنسبة لي ابغى زوجة تحبني واحبها ونكون سند لبعض. اما هي عادي نكون متزوجين امام الناس بس نكره بعض في قلوبنا وانا هالشي ما ابيه ابدا. انا حيكون علي ديون بعد الزواج تقريبا 4000 ريال شهريا ما ابغى اضحي عشان زواج قدام الناس

اعطوني حل الله يسعدكم

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gjd lu o'dfjd ,Ht;v fhg'ghr

المصدر...