ابوي حبيبي

ابوي حبيبي

السلام عليكم،

محدثتكم بنت عمري 23 ، و الله انا ما ادري هذي مشكلة و لا انا حساسة بزيادة و ورعة و لا شلون. بس انا ما جيت اكتب هنا الا لاني مو قادرة انام من الصياح.

بداية انا ولدت لام و أب اميين بذلوا جهدهم و اكثر عشان يوفرون لنا حياة كريمة بحسب نظرهم. ابوي قضى عمره بالجبال عشان لقمة العيش و كذلك امي الله يجزيهم عنا خير الجزاء.

امي و ابوي الحين كبار بالسن و انا من بين اصغر عيالهم.
والدي بدا يمرض تدريجياً من عمري 17 و فالسنوات الاربع الاخيرة زاد مرضه و الحين طريح الفراش.
مشكلتي هي اني بس من كم شهر صرت احسني فاقده ابوي! طبعاً انا أبداً ماني مستغربه اني ما فقدته كل هالسنين والدي الله يرفع عنه ربانا تربية قاسية جدا جداً؛ يعني بنظري ما كان سوا مصدر عقاب الا ان كانت في لحظات بطفولتي احن عليه يعني مثلاً كنت أصيح من ورا امي اذا سافرنا مكان بدونه .. ابوي اتربى يتيم الام و الأب صفقته الدنيا يمين شمال و اعتقد ان هذا تمثل في تربيته لنا و اظن وجوده بين الجبال كل هالعمر له دور في قسوته.

انا زي ما قلت لكم فجأة صرت فاقدة ابوي فجأة صارت تلفت نظري سوالف البنات عن ابوهم و اتحسر يوم وحده تحكي مشوارها مع ابوها و لا اللي تحكي ابوها وش سولف لها و اللي و اللي ... انا مستغربة حيل من نفسي يعني اشوفني كبرت على ذي المشاعر و خصوصاً اني ما عرفتها من صغري يعني شي متعودة ع فقده من الصغر وش فيني الحين؟! تعبت أصيح عنده كل ما اكلته و لا سويت له شي أعطيه الاكل و دموعي ع خدي و وأحيان اجلس أعاتب بقلبي. مره مشتاقة كثير يكون ابوي بحيله أسولف معه بدون ما اخاف منه زي زيي اي احد بس خلاص راح كل شي. بس الله وحده يعرف وش كثر احب ابوي.

المشاعر الاي في طبيعية؟ و لا انا نكدية و لا وش وضعي؟ لان نفسيتي تدمرت والله من ذا الموضوع من شهور و انا في صياح.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hf,d pfdfd

المصدر...