زوجي رفع قضية طلاق وانا للحين ابيه و السبب اتفه من التافه

زوجي رفع قضية طلاق وانا للحين ابيه و السبب اتفه من التافه

-


السلام عليكم ورحمة الله وبركاته ..



حصل بيني وبين زوجي سوء تفاهم من شهر ورحت بيت اهلي بدون ماستأذنه وقعدت عندهم زعلانه عليه
لانه مايبي يصير مسؤول اهلي اللي يوصلوني ويرجعوني و حضرته مع الشباب .. تغليت عليه شهر كامل
بعدها اتصل علي وانا نايمه ومارديت و كلمني واتس اب ويعد مارديت لاني زعلانه عليه .. كلم ابوي ومارد قال مب بنتي اللي ترجع باتصال خله يجي البيت نتفاهم وعشان ابوي شديد خاف وجاوا اهله وتفاهموا مع بعض بعدها بيومين اتصل قال عندي قضية طلاق .. المشكله ماتستاهل وانا استخرت واستخرت واستخرت ومارتحت حتى لما رحنا قال القاضي بنحاول نصلح بينكم وحولونا ع استشارات عائليه مادري متى بيكلمون ..


المهم اهلي عصبوا قالوا مجرجرنا في المحاكم مااستحى خلاص يطلق شفهي مب لازم ورقة وطلقني امس .. الولد سمعت انه يقول لامه تبيني ارجعها واخليها تحمل واطلقها ؟ عشانها تبكي تبيني ارجع .. بس قلت يمكن من الحره لاني مارديت عليه ..

الحين قااعده احس بتأنيب ضميير غير طبيعي احس اني ابيه بس هو حاط بباله اني ماحبه عشان كذا عزم على نية الطلاق و مافيه نيه يتراجع من الناس اللي يكابرون ويعاندون .. و سمعت انه بيخطب وبيتزوج بهالسرعه ! قلبي يتقطع ولله اخاف اخذ واحد غيره واندم لاني ماصبرت عليه و الحمدالله صار لي عنده كم شهر وماحملت

اسألكم بالله تدعون لي ربي يفرج كربتي ويرده لي ردآ جميلا .. ويكتب لي الخير حيث كان جدآ مكتئبه واحاول ماابين هالشي لاهلي ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d vtu rqdm 'ghr ,hkh ggpdk hfdi , hgsff hjti lk hgjhti

المصدر...