تعقيب للمره الاولى بموت قهر من الندم

بموت قهر من الندم

السلام عليكم ، حابة اشكر كل من ردو وحابة اوضح لكم ليش وافقت منة واوضح للي يقولون صلحي علاقتك ب ابوك .

http://forum.z4ar.com/f116/t402930.html




( ف البداية الي قالوا وش قصدك ب اني احبة ) ، كنت احب هالشخص قبل الزواج قبل 8سنوات ،وتركتة فترة قصيرة وهو رجع ونيتة يتزوجني مسيار . انا رضيت بالهزواج لان ماعندي احد يهتم فيني ويدير شؤني الخاصة ، كنت محتاجة سايق يوصلني للجامعة واخواني كلهم رفضوا يودوني وهالرجال يوصلني ويرجعني ويرجع مدينتة ومرات يستآجر قريب من منطقتي ، وانا كنت اقول بس علشان اعطية 300من مكافئة وش يبي ب 300 دام انة موظف حتى انة قدم نقل بمطقة الي انا فيها ، انا حبيت هالشخص لانة قدم لي اشياء ماشفتها ف اهلي ، علمني اشياء انا ماادري عنها ، حتى السوق لمن اطلب اخواني يرفضون الكل يقول انا مشغووول كل يوم كل شهر كل سنة مشغولين والحقيقة غير ذلك مشغولين بالواتس وجالسين في مجلس الرجال 24 ساعة ،طبعا اتصلي على سايق يوديك ويجيبك وماعندي الا ذآ الرجال ، ومرات هالرجال يدفع عني يدفع مقاضي السوق بدل عني ،
الي حبيت اقولة ابوي متغير علينا منذ 19 سنة ..
بقولكم ليش علاقتي ب ابوي مليح .
# ليلة العيد فتاه عمرها 12سنة تذهب مع اخوانها لبيت ابوها الثاني عند مرتة الثانية بشوق وقلقانة ليش ماجاء هالعيد يعيد علينا في صباح كل سنة تتفاجاء ب استقبال ابوها المخزي ويا زوجتة استقبال الله لا يوريكم .. ضرب +سب +زوجتة تقول كلام بحق امي وابوي ساكت .
انا ماكرتة مرآ هنآ
#لاكن كرهتة وقطعت علافتة يوم قذفني وانا عمري 17سنة والسبب زوجتة الثانية قايلة كلام بحقي لاني ماسلمت عليها يوم جات زوارة عند جداني .. مو بس قذفني ظربني بكل انواع الاسحلة وانا مالي ذنب حتى الشيء الي قالة ماكنت اعرفة الا يوم قالة كتبتة بقوقل وعرفت شنهو ..
حتى انة ما اعتذر مني ولا جاء ولاسأل عني بعدها
كيف اسئل عن انسان مايسأل عني يصدق الناس ولا يجي يسأل عن موضع صحتة من عدمة !
ما اضن احد يقذفكم بعد ذآ كلة تعطونة احترام . او تحاولون تصلحون علاقتكم معة سلام مافية ، لشافني في شارع اتصل على امي يحقق وين انا رايحة ولجيت يسال اخواني شفت معها اغراض وشهي لقالوا مندري يقلب مشاكل ..
وعلى فكرة ابوي مايصرف علية ، من فتحت عيني عرفت ان الي كان يصرف علية امي واخواني . واخواني الي كان يصرف عليهم خوالي وجدي
لآكن يوم كبرت اخواني غسلوا يدهم عني بس مقاضي البيت لاكن اغراض شخصية من يجيبها ماعندي فلوس ورافضين اخواني اني اتوضف
كنت اخذ من هذا الرجال (الي هو الحين زوجي )
يحول لي فلوس على حسابي لين جاء حافز وقلت لة لاعاد ترسل . وشكرتة كثير وماينسى وقفتة معي .
وتركت الرجال يضن اني تركتة اني راعية فلوس ويوم جاني فلوس تخليت عنه انا تركتة علشان ماابي استمر اكثر واطيح بالغلط ،
انا زوجي مافية ضعف ولا شيء لان زوجتة الاولى حامل (كلمتة قبل يومين عن هالموضوع انكر ف البداية وسمعتة التسجيل واعترف لي وقال ابشرك انها حامل ) ، صحيح اني زعلت شوي بس قلت الله يثبت حملها .
بقولكم هو يقول لمن اتقرب منك يقول احس بشيء ثقيل على صدري كابتني شيء يمنعني ويصددني منك يقول اشوفك وحش ولمن ابتعد منك اشوفك انسانة .
ومرات قبل العلاقة لمن يدخل دوره مياة وانتم بكرامة يقول اسمع احد يهددني بالقتل اذا تقربت منك .
وانا الحمدلله مافيني شيء ولا اسمع هالشيء الي يقولة ولا احس بالشيء الي هو يحس فية ..،
الي يقول دخلي اهلك انا ما ابي ادخل اهلي بمشاكلي اخاف تكبر وتتعقد ،
بحاول قدر ما اقدر انصحة بالمستشفى وان شاء الله يستجيب ،
اليوم سالتة من باب سؤال لو اطلب طلاق بتطلقني قال لآ لو اصريتي رجعي لي مهر كامل وشبكة قلت اي مهر كامل الي عطيتني ياه 30 الف وباقي 10الف وتقول ابوك اخذها وابوي يقول حلف منها وعطاك اياها سكت ماقال شيء ..
الرجال مومقصر معي بشيء يجيب لي اكل وملبس ومشرب ويعطيني مصروف اقل من مصروف زوجتة الاولى رغم اني ما اطلب شيء يجي من 12 الظهر بعد شغلة ويجلس عندي الين 9ليلا ويرجع لزوجتة الاولى . والمصروف الي يعطيني ياه لجوني اهلي اعشيهم واجيب فيها حلويات واشياء تخص الضيفان .
ولاتنسون عندي اخت اصغر مني اعطيها 200من الفوس مصروفي علشان تشتري اغراض خاصة لانها جالسة تعيش نفس معاناتي . وانا ماابي اختي تعاني اكثر من الي انا عانيته
عموما ذا مو محور حديثنا
الحين لو بتطلق جد من وين ارجع مهر ؟ الشبكة لسى معاية بس فلوس صرفتها كلها ، مقدر اطلب من اخواني راح يتمننون عليه الفلس الواحد يقعدون يذكروني فيه حتى لو رجعتها عليهم .

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fl,j riv lk hgk]l

المصدر...