[من مطبخي] طريقة عمل صينية مكرونة بالبشاميل واللحمة المفرومة بالخطوات والصور ان شاء الله تعجبك

طريقة عمل صينية مكرونة بالبشاميل واللحمة المفرومة بالخطوات والصور ان شاء الله تعجبك



ازيكم حبايبي العدولات وحشتوني جدا جيبالكم انهردة طريقة المكرونة البشاميل باللحمة
المفرومة بالخطوات والصور تبعيني ياقمر وان شاء الله تستفيدي هذه الاكلة تكفي 6 : 8 اشخاص

المكونات :-
2 كيس مكرونة الملكة 400 جرام
ملح + ربع كوب زيت

العصاج :-
ا كيلو لحمة مفرومة
2 بصلة + 2 ماجي
توابل (حسب الرغبة)

البشاميل :
3 كوب لبن + 6 ملاعق كبيرة دقيق
2 ماجي + 3 ملاعق صلصه بيوريه
2 بيض

وللوجه حطي عدد 2 بيضة مضروبه مع شوية فلفل اسمر وشوية ملح


الطريقة :
1- اسلقي المكرونة بوضع حله علي النار فيها معلقه كبيرة ملح
وربع كوب زيت وعند الغليان قومي
بوضع المكرونة وقلبيها عشان متلزقش في القاع وبعد السواء صفي المكرونة واغسليها
(في ناس مش بتغسلها بس انا بحب اغسلها عشان النشا)


2- بعد سلق المكرونة احضري حله لعمل العصاج حطي ملعقة سمنه وحطي اللحمة المفرومة وخرطي
البصلتين وحطي الصلصة والتوابل والماجي وربع كوب ماء وارتكيها حوالي نص ساعه لحد ماتعملي البشاميل



3- لعمل البشاميل هاتي حلة فيها ملعقتين سمنه وشوية زيت صغيرين

- لما السمنه تسخن حطي الدقيق وقلبي علي طول عشان الدقيق ميتحرقش منك


- لما تحسي ان لونه اصفر شويه حطي اللبن وقلبي بمضرب البيض اللي
عندك باستمرار بايدك التانية شوية بشويه


- هتلاقي البشاميل اتجانس مع بعضه واختلط حطي بقي التوابل والماجي وقلبي

- وبعدين حطي الصلصه وبرده قلبي


4- هاتي طبق عميق واخلطي 3 ملاعق كبار من البشاميل مع نص كمية المكرونة المسلوقه
وقلبي وحطيهم في الصينية المدهونة سمنه وبعدين حطي اللحمة المفرومة وعليها باقي المكرونة
وباقي البشاميل

5- اضربي عدد 2 بيضة مع شوية فلفل اسمر وملح وحطيهم علي وجه الصينية
6- ولعي فرنك فوق وتحت وخليها من تحت مش علي الشبكه علي درجة حرارة 180
واخيرا بالهنا والشفا ياقلبي

اتمني تكون وصفه سهله وتعجبكم حبايبي العدولات اشوفكم علي خير




المصدر: منتدى عدلات

للوصول الينا ومتابعة كل جديد اكتبي بمحرك البحث (منتدى عـدلات) او (3dlat)



المصدر...