زوجة اخوي وآخوها

زوجة اخوي وآخوها

السلام عليكم ورحمه الله وبركاته
انا مشكلتي مطيره النوم من عيوني من استهتار الناس وعدم مبالتهم
القصه انو كان باقي لتخرجي شهر دقت مرت اخوي وقالت ان امي معجبه فيك وتبغا تخطبك لآخوي واخوها مبتعث فآمريكا يدرس ويشتغل
كان ردي لها انو انا مافكر بالزواج وانو اختي اللي اكبر مني ماتزوجت وانا ماراح اتزوج قبلها قالت تكفين اخوي طيب وحبوب ومن هالكلام قلت لها ونعم فيكم بس لا تحرجيني وانتي تعرفي رآي قالت الله يكتب اللي فيه الخير
بعدها بآسبوعين دق ابوها على ابوي وقال نخطب بنتكم لولدي لما يجي الولد من امريكا على رمضان ابوي قال كل شي بوقتو حلو وحنا نتشرف فيكم
آبوي مقتنع فيه وامي مقتنعه المصيبه مو هنا المصيبه ان هذا الكلام بشهر 2 والحين بشهر8 دخلت الفيس حق اخوي ولقيت حساب اخو زوجتو الولد متزوج بشهر 7 من وحده امريكيا واهلو داريين واخوي داري انه متزوج
واللي مجنني اكثر ان يجوني خطاب وابوي يقولهم انها مخطوبه مع ان ابوي وامي مافاتحوني بالموضوع
وامي كل من سآلها الت مخطوبه محد يدري ان الولد متزوج آلا انا واخوي اكيد يدري بما انه اخو زوجته
انا مابغا اتزوج ولا هامني بس فكرت انهم حاجزيني ابوي المسكين ينتظر وهم ما استحو على دمهم وكلمو وقالو ولدنا تزوج الله يوفقو ويستر عليه لكن بنات الناس مو لعبه عندهم

ايش رايكم الحين
فكرت اني اكلم مرت اخوي واقولها انو انا رفضت ورحتي خليتي اهل يخطبو والحين اخوك تزوج وانتو ساكتين لا تربطو بنات الناس وابوي مو لعبه عندكم تكلموه وتقولوله انو مافي نصيب
ولا اقوب لآبوي واخليه يعرف الحقيقه
انا مابغا اقول لآبوي عشان مايكرهه مرت اخوي ابوي كل شي عنده الا الناس اللي ماتلتزم بكلامها وتسكت

اعطوني مشورتكم تكفون انا عارفه ان كلامي مو مرتب بس اعذروني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[m ho,d ,No,ih

المصدر...