زواج فاشل للمره الثانيه

زواج فاشل للمره الثانيه

السلام عليكم

انا متزوجة من ثلاث سنين ولله الحمد جميله متعلمه فيني مميزات كثير حلوه ومفتخره فيها وكنت مبسوطه من نفسي مره واحمد ربي على ذي المميزات اللي اعطاني اياها ربي تطلقت وانا صغيره وبعد ست سنين تزوجت مره ثانيه وللاسف الشديد خدعت من اهلي او بمعنى اصح مايعرفونه كويس او لانه شخص بالمختصر يحب يهايط ويبين انه شخص فاهم وكويس يعني يخدع اللي حوله
تقدم لخطبتي وكنت رافضه تماما وغير مقتنعه فيه واستمريت ارفض بس والدي واخي الكبير ضغطو علي ووقتها كان ابوي معصب مني وزعلان وقال لو ماوافقتي ماراح تتوفقين لاني ماراح ارضى عليك وعشان كذا وافقت وداخلي يقول لا رغم انهم مدحوه بزياده

هو متزوج واكبر مني بكثير بنته بعمري وعنده اولاد كثير وافقت وتزوجت وكل يوم اكتشف فيه صفات اكرهها اسلوبه مختلف عني تماما تفكيره مختلف عني تماما انسان اناني يحب نفسه كثير بكل شي كثير الانتقاد اسلوبه جارح جدا همجي احواله الماديه مو كويسه رغم انهم قالو لي غني واحواله ممتازه مايفهم علي كثير الكذب مخادع يسب والفاظه وسخه مهمل ومايهتم فيني كثير يحب يستفزني بالكلام مايروح لمكان لا لسوق ولا للبحر ولا نطلع نتمشى ونغير جو يعني المرات اللي طلعنا فيها معدوده ووقتها قصير جدا

ببداية زواجي كنت اسكت على كل تصرفاته من كثر الصدمه اللي انا فيها بعدين صرت ابكي واقوله ترى كذا غلط وكذا انا مااحب وكذا يضايقني بس مايفهم ابدا وكل مااحذره من شي يرجع يكرره

صرت اعصب واتناقش معاه وكمان لا حياة لمن تنادي شخص مايستوعب شي يسوي اشياء بلهاءواشياء تجرحني وتثير غيرتي من غير احساس

جربته بكل الاساليب بالطيب بالهدوء بالبكاء بالعصبيه مانفع معه شي

فيه حل يمكن كان يخلصني منه بسهوله هو الطلاق بس اهلي وخصوصا والدي مايحبون الطلاق يشوفونه جريمه اهلي ناس حساسين وراح يرفضون الطلاق وراح يتعبون هم كمان خصوصا راح اكون مطلقه للمره الثانيه وعندي طفلين

بس انا احس اني مدفونه فعلا مع شخص بعيد عني كثير كرهت نفسي مره وصرت تعيسه وماارتاح بنومي احس بقلق وتوتر طول الوقت احس راح يضيع شبابي وراحتي عند ذا الشايب من غير فايده يعني ياليته من الناس الكبار العاقلين الفاهمين الصادقين

برايكم ايش الحل في وضعي ؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,h[ thag gglvi hgehkdi

المصدر...