تعقيب للمره الاولى أخـتي تكلـم شاب بالجـوال

أخـتي تكلـم شاب بالجـوال

السلام عليكم ،
انا صاحبة هذي المشكلة.

http://forum.z4ar.com/f116/t417192.html

حبيت أشكركم كثير على سدادة رأيكم و اللي سويته ان فعلاً فكرت و ما لقيت جدوى من اني اخبر اخواني.
ف انتظرت لين خلصنا اختبارات.

و رحت لها يوم و قلت يا فلانة قبل أبدي كلامي عندك شي بتقوليه؟ انا أسمعك. قالت بس لا تقولين لاخواني.
طبعاً حاولت أكون بمستوى عاطفتها لان هي شايفة ان اللي تسويه مو غلط وانه يحبها و انهم بيتزوجون.

( طبعاً لما رجعت لمحادثات الجوال عرفت ان الولد باول سنة جامعة، و انه من أسرة و لاهي يم طبقتنا الاجتماعية - و اعتقد ان هذا من أسباب إعجاب اختي به-
و ان اختي مواعدته تخرج معاه اذا جت الفرصة،
و اللي عرفته ان اختي ما عمرها شافت صورته و دايم تقول لا مابي أشوفها لانه قايلها انه شين هههه ، في حين ان اختي لها صور سيئة عنده) طبعاً ما قلت لها اني ادري عن ذَا كله.

حاولت أخذ وأعطي معها و بصراحة استخدمت العاطفة كثييير لانها حساسة و حاولت اذكرها ب وش كان يسوي المرحوم أبوي لانه كان يخاف علينا من هالطريق. و بكت بكا لين بكيت معاها هههه

و ارتحت كثير بعده ما ابدت ندمها. و ان خلاص ما بترجعله. وعدتها اني ما بقول لاخواني و سويت زي ما
قلتوا لي أعطيتها جوها وأنها بأمان
لكن للأسف الوضع ما استمر غير يومين و بعدها بدا الشك يساورني، تصرفاتها مريبة احسها مو ع طبيعتها ، تطول بالحمام، تنام عكسنا و احيان أتظاهر اني ابي شي من الغرفة و الاقيها صاحية و لا بعينها نص نوم. صرت أشك ان عندها جوال ثاني

باختصار جايني شعور اني مخدوعة و أتمنى اني غلطانه.
مادري وش أسوي الحين ؟ افتح الموضوع ثاني بنبرة تهديد؟ اخاف انها لسا بطريقها و ما ألحقها بيوم بعد ما يطيح الفاس بالراس
وأنا والله فعلياً تعبت جايني الم بقلبي و نفسي يضيق كثير من بعد السالفة. و أقول بكيفها تقع و تقوم و بعدها تعرف الصح ثم أضرب نفسي كيف وشلون فكرت كذا.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

HoJjd j;gJl ahf fhg[J,hg

المصدر...