إلى كل أخت غير منتظمة فى الصلاة تعالى هنساعدك

اللي لسه مش منتظمه في الصلاه ونفسها تنتظم اقرأي الموضوع دة
كونك أصلاً مضـايقه من إنـك مش بتصلي و عـايزه تحـافظي على صـلاتك ده أكـبر دليل أنـك جـواكي كـويس و قلبـك حي و بيخـاف ربنـا
هسـألك سـؤال , هـو إحنـا بنصلي ليه ؟!!
هتقـولي علشـان ده فـرض و ربنـا قال كده , مـاشي انا معـاكي ده سبب
بس عُمـرك مـا فكـرتي فيهـا بـ طريقه تـانيه , ازاي , بُـصي هـو لو واحـد صمم أله و الآله ديه محطـوطه في مصـنع , و هـو كُـل يوم بيجي 5 مـرات يقعد يصلح في الاله ديه و يظبط أي غلطـات فيها , و يتابعها أول بـ أول , الاله ديه هتبـوظ !! , أكيد لأ , طـب و لو باظت مين أكتـر واحد هيبقى فاهم فيها , الـ صممها صح !!
ولله المثل الاعلى ..
هـو بينـادي عليـكي 5 مـرات ليه ؟ انـتي فاكره صلاتك هتـزود عند ربنـا حاجه ولا عدم صلاتك هينقص من ملكهُ حـاجه , لا والله ,
ده هـو بيعـرضك عليه 5 مـرات علشـان يصلح فيـكي , علشـان هـو لما يكـون قُدامك في الصلاه نـوره يـوصلك , فـ يطهـر روحك و قلبك و نـوره ده يعينك على الدنيا ,
ليـه تحرمي نفسـك من نـوره , أيه فـ الدنيا يسـوى نـور من أنـوار ربنـا ,
يعني لمـا الاذان يقـول الله أكبـر , ربنـا بيناديك بيـقولك تعالى انا عـايز أقابلك , عـايزك تُقفي قُدامي , عـايز أشـوفك محتاجه ايه و أعملوهلك , عايز أشـوفك ساجده بين أيديه و بتقولي يـارب و أقـولك لبيك عبد ,
لمـا الاذان بيأذن الشيطـان بيقف قُدامك و يقولك ( يا أنا يـا ربك , يا تتسجيب لـ ندائي يا تسجيب لـ نداء ربـك ) ,
تخـيلي كده نفسـك يوم القيـامه و أنتي واقفه قدام ربنـا و ربنـا جاب اللحظه ديه , لما الاذان أذن و الشيطـان وقف قدامك و قـالك يا أنا يـاربك , و أنتي سمعتي كلام الشيطـان , هيبقى منظـرك قدام ربنـا ايه !؟
هتـقولي ايه ساعتها ,
عـارفه هتعملي ايه , هتقعدي تعيطي , لآن ربنـا هيقولك أنا كنت جمبـك و مكنتش بسيبك أبداً , رزقتك الصحه علشان تقدري تصلي و غير محرومه منها ,
رزقتـك البيت الـ تصلي فيه , رزقتك المايه الـ تتوضى بيها , و لو مفيش صحه صلى و أنت قاعد ,
و لو مفيش بيت صلي في أي ارض الارض كلها مسجد , و لو مفيش مايه تتوضى أتيمم ,
سهللتلك كـل حاجه علشـان تصلي , علشـان أقابلك , , و أنت بخلت عليه يا عبدي ,
مـوت الفجأه أنتشـر و ممكن كمـان ثانيه تلاقي ملك الموت قدامك , والله ساعتها هتقول رب أرجعون , بس مش هينفع ,
بصي أول مـا تسمعي الاذان قولي لنفسك يمكن ده يكـون أخر أذان أسمعه في الدنيا , و أفتكـري إن الشيطـان وقف قدامك و أتحدى نفسـه أنك مش هتصلي , و بيقولك يا أنا يا ربك , أفتكـريها و أفتكـري إن المنظـر ده هيكـون قدام ربنا يوم القيامه ,
في الاول هتبقى صعبه ,لآن الشيطان مش هيرحمك , بس لازم تجـاهدي نفسـك
والله والله ليكي ثـواب كبير على جهـاد النفس و أدعي ربنـا كتير أوي بالثبـات , و كل ما تصلي فـرض أسجدي سجدة شكـر بعدها أن ربنـا وفقك و صـليتي ,
و حـاولي حـاولي , و أستغفـري كتـير أوي , بنيـة إن ربنـا يفتح عليـكي في الصـلاه , و كُـل ما تحسي انك بدأتي تسيبي الفـروض تـاني ,
أستغفـري ربنـا ,
و أفتكـري إنك بتفوتي ( مُقابلة حبيبك علشـان ترضى عدوك ) ,
إفتكـري إن الملايكـة سجدت ليكي علشان أنتي كـبيره عنده ,
و إن الكون أتخلق علشـانك علشـان انتي كبيره عنده ,
و إن الجنـه أتعملت علشـانك علشـان أنتي كبيره عنده ,
و أن بيغفـرلك أي ذنب مهما كـان علشـان أنتي كبيره عنده ,
فـمينفعش ميكـونش هـو كمـان كبير عندك

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...