مخنوقه حيييل ومتحسفه على اجمل سنين عمري

مخنوقه حيييل ومتحسفه على اجمل سنين عمري

السلام عليكم ورحمة الله وبركاته


انا امراه متزوجة من 10 سنوات ولدي طفلين والحمد لله
تزوجت وعمري 17 سنه والان عمري 27 سنه
مادري من وين ابدأ بس بحاول اختصر بقد مااقدر
مشكلتي مع زوجي مجموعه مشاكل وتراكمات الى ان وصل بي الحال اشعر اني كرهته للاسف
اول 5 سنوات زواج كان الكل يحسدنا على بعض وبالاخص زوجي يحسدونه علي يابختك فيها وباين عليك الراحه حتى مظهرك تغير وزوجتك رومنسيه وحلوه وو
مابي امدح نفسي ولااوصف شكلي بس والله كامله والكمال لله وحده
ولكن المشكلة تتلخص في 1- عدم النظافة 2- البخل 3-العاطفة والجنس
لاحظت على زوجي من فترة الملكة لمى يزوني ريحته كريهه جدا كانت اكبر صدمة بالنسبة لي خصوصا اني من ايام الدراسه مجرد اشم ريحه ببنت بصراحه انفر منها بشكل كبير
كيف هذا الشخص بيكون زوجي؟؟؟ قلت في خاطري اذا كذا من الملكه والمعروف ان الشخص يكون باحلى طله امام زوجته ومن الان وهو كذا ريحته شلون بعدين؟؟
صرت اهديه مجموعه عطورات بالمناسبات المفاجاه ان ماكان يستخدمهم عطاهم اخوانة يكشخون فيهم يقول عجبتهم المجموعات ويستخدمونهم قبل يروحون لزوجاتهم لان كانو مملكين كمان
اكتشفت ان هذا الانسان يكره النظاااافة قلت معلش يتغير بعد الزواج شوي شوي -تزوجنا بالبدايه قمت المح له بعدها صرت اقول له بمزح واضحك علشان ماينجرح بعدها صرت اصرح له بس بدون فايدة ابدااااا انا الان الوم نفسي اقول يمكن لوصرحت له بدايه زواجنا يمكن تغير بس بحكم صغر سني وخوفي على مشاعره ماتجرات قمت بس المح وتعود
المشكلة مو بس بالريحه حتى اسنانه ماينظفهم ابدااااااااا يمكن مره بالغلط كل شهرين متخيلين وضعي ؟؟ اسنانه مليانين جييييييير لدرجة انه اذا تثائب الى نهاية لسانه اشوف الجير اعزكم الله نفرت من الجنس والمداعبات بانواعها واحس نفسي محروووومه من ابسط حقوقي صرت ابكي على نفسي 10 سنوات بين تلميح وتصريح وصرت اتعمد اجرحه الفتره الاخيره لعل يحس ويخجل بس بدون اي نتيجه
قلت له بصريح العباره انا متزوجه اعف نفسي بالحلال وانت زوجي ابي افرغ اللي بداخلي كله فيك حس فيني ولاكاني اتكلم
سيارته زباااله وقسم لدرجة استحي اخلي احد يركب معاي تجيني افكار انزل الشارع افتحها وانظفها من داخل بس اتعوذ من الشيطان لان شكلي بيكون موحلو ابد
ماينظفها بحجه ان العامل ماينظفها كويس ولو راح لمكان التلميع والتنظيف بياخذون فلوس كثير
-الموضوع يطووول بس علشان مااطول عليكم بنتقل للنقطة الثانيه وهي
البخل- ياجماعه انا تربيت على الدلاااال بس امي الله يحفظها ربت فيني القناااعه بنفس الوقت
اول ماتزوجت وزوجي احسه بخييييل بس قلت يمكن لان لسى عريس وحاب يقتصد مرت الشهور والسنوات وهوا نفسه الكلمه اللي اسمعها بس ماعندي فلوس وراتبه حلو ؟
لورحنا مطعم لازم يكشر لان بيدفع حتى لو الطلب قليل
لوصرف مبلغ يبلع ريقه وتتغير الواااانه والمبلغ لايذكر
ولاعمره جاب لي قطعه ذهب اوخاتم اقلا -متدرون ماشرا لي الاجوال الملكه بس -باقي الجوالات من فلوسي
كل كلمه والثانيه الفلوس والفلوس صرت اعزمه على حسابي وتنازلت عن كثير اشياء واقول الدنيا ماتسوا
صرت اعطيه من فلوس المكافاه علشان اساعده لان يقول لي ماعندي فلوس
بس بالنهايه اكتشفت ان مواقتصاد بخل حقيقي ؟؟؟
ياجماعه عادي يطلع بجزمه مقطوعه علشان مايشتري جزمه جديده ؟؟
ملابسه معدودات انا اقضي له ملابس من والى بفلوسي -لواعتمد عليه مايشتري شي ابد
انا ابوي ماقطع مصروفي ومرفهه حالي وهالشي ساعدني كثير وزوجي للامانه يعطيني مصروف احيانا
بس تفكيره بالفلوس كلامه فلوس ووين الارخص وانا عكسه الفلوس ماتهمني اصرف الفلوس لسعادتي اشتري البس اكل
هوا عكسي يحب حياه الاقتصاد بشكل كبيييير - حتى مصروفي يقول لي ادخريه شلون اعيش ؟؟؟
بعت جزء من ذهبي علشان اشتري لاطفالي ملابس؟؟ وهوا يقول متاخرين الرواتب
انا الانسانه اللي مااحب اطالع غيري صرت اناظر غيري للاسف حسيتني دفنت نفسي معاه بالحياه توني وعيت
بعد 10 سنييين ضاعت احلى سنوات عمري
معاه حسيتني عطيت وضحيت لشخص مايستاهل -تجيني افكار لو اني مع شخص غيره هذا مايستاهلني
عنيد واناني وبخيل ومونظيف ومتشدد بالديييين ويحب يطالع الحريم
انا الانسانه اللي كنت رومنسيه وكلي حنان صرت جافه ومااقدر اعطيه شي لادلال ولاحنان لاني تعبت من العطاء طوال هذه السنوات
وانا ابسط حقوقي مسلوبه
مجرد تصير بيننا مشكله اثور واغضب بقوه احس من داخلي بقهر احس موعايشه معاه لذه الحياه
مااحس معاه بالامان --- الشي الوحيد اللي فيه انه للامانه حنون لوامرض يداريني كثيير
اناعارفه لبوصله الشخصيات وقرات كثيير -وشخصيتي قويه لكن عندي مرونه ايضا
بس انا مكتومه اعتبروها فضفضه ولوعندكم حلول اعطوني جزاكم الله خيرا

ارجوكم يااداره نزلو موضوعي باسرع وقت لاني منهاااره جدا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lok,ri pdddg ,ljpsti ugn h[lg skdk ulvd

المصدر...