ماتوقعت الزواج كذا

ماتوقعت الزواج كذا

مساء الورد ~
انا بنت حالمة رومانسية أحب الشموع والقصايد والتأمل تزوجت وكنت حاطة ببالي انه بيصير شريكي وحبيبي وأول إنسان يحس فيني لاتضايقت ويدور رضاي اللي صار زوجي كان كويس شهر العسل بس بعدها صار بعيد عني بمشاعره ماحس انه صديقي ولا حبيبي حتى اذا مرض ماخاف عليه اقوله أمسك البيبي شوي عني ابي اتقهوى شوي يقولي تعرفي كيف تكلمين شخص اكبر منك وزوجك بعد ؟ يحسسني اني أذنب لما أكون على عفويتي مايعطيني هدايا وماسك عالقرش مو بخيل بس يجيب لي الأساسيات ، مايسمعني غزل يشوفني اتعب تعب في البيت مايقولي يعطيك العافية يشوفها واجب ، حسّيت اني خدامه بس اطبخ انظف أبدل حفاظات عيشة مملة ، اقوله دور لي وظيفة تخصصي مطلوب يماطل ويهمش رغباتي ولا يحب أناقشه بموضوع هو مقتنع انه صح ، اخر مرة دعيت عليه قدّامه لانه غدر فيني ومالتزم باتفاقنا بمنع الحمل ونزل بأيام التبويض والحين أعصابي تلفت استنى الدورة تنزل خايفة أكون حامل وانا توني والد قبل كم شهر ، مو بس كارهه الحمل لانه توني والدة كارهه الحمل لاني اشوف الحمل رابطة سامية بين شخصين يحبون بعض مو شخصين بعاد عن بعض مابي اخلف منه وجايني احباط احباط فظيع يااخوتي كل آمالي تحطمت لاني اللي قادرة اتقبله ولاني اللي قادرة أتراجع ، يمكن السبب لانه كثير الانتقاد حتى شكلي مايعجبه كنت قبل الزواج شخصية سعيده واثقة من نفسها منتجة الان مكتئبة طول وقتي بالمنزل يمنعني من اغلب الاجتماعات العائلية ، أغار لما اشوف زوجة زوجها مدللها ويحبها اقل معقولة فيه كذا ؟ ليش اللي عندي مو كذا والله البيت نظيف وبخور والاكل لذيذ وشكلي مرتب والبيبي نظيف ، خلاص مالي نفس اكتب زيادة عطوني حل لحد يقول الأغلبية كذا ادري اغلب الازواج كذا بس انا مارضى بكذا وضع ولحد يقترح الطلاق لو بيدي كان طردته من حياتي من زمان بس الموضوع معقد من هالناحية

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lhj,ruj hg.,h[ ;`h

المصدر...