تفكير زوجي

تفكير زوجي

السلام عليكم

وش الحل مع تفكير زوجي يا ناس !!!
انسان أذنه لبرا من أصدقاء من اهل من شارع صايره تحوم كبدي منه و من حركاته لو معي قيمة المهر والله لا اعطيها له و اتركها ممكن تشوفونه تافه بس تخيلو نفسكم مكاني و تعيشونه
يعني انفصام مرض ما قد مر علي !
استغفر الله العظيم بس والله ما عاد اقدر أمسك نفسي قدّامه و انا امثل البرود و انه عادي و لا هز بس خلاص الواحد له قدره !

كنّا حلوين بشهورنا الاولى الين جا بدون مقدمات يقول شوفي يا فلأنه انا ادري انك تغارين من امي و خواتي بس عادي معك عذرك كل الحريم كذا !
اصغر خواته عمرها 37 بيني وبينها 15 سنه ماهي اصغر مني عشان اقول أغار منها !
مدري وش المناسبه ما بيني و بين اهله شيء !
و لا قد جا طاريهم ببيتنا و لا قد سولفت عنهم بمدح او ذم و لا قد سألته عن اخبارهم و لا شيء
اليوم اللي بعده يقول لا تتملكيني انا عندي اهل و عندي شغل و عندي أصدقاء و عندي عمل
بالله حسسني ما أقوم من جنبه !
متزوجته و لا اذكر من ملكتنا ليومنا قد سألته وينك رايح ولا وينك جاي و اذا سافر ما اساله متى بتروح و لا متى بتجي و لا من معك و لا دق علي تاركه الرجال على راحته يسافر يسهر يروح يجي و لا قد خذيت منه تقارير
لانه اصلا يتضايق اني اساله عنه حتى لو اني داخله فيه فساكته عشان ما تقولون يبي يلفت انتباهك له

يجيب كلام مدري من وين
اذكر مره قال اسمعي لا تقعدين تتشرطين و تتدلعين و تصدقين عمرك عشاني احبك و تقولين حط وتتحكمين بالأثاث قلت من قايلك ان ابي أتحكم قال خويي ! قلت قل لخويك لا يمشي علوم بيته علينا و صحصح و ركز اني مادري وين بسكن فيه اصلا مع اهلك و لا برا عشان اتحكم فيك وش بتسوي فيه و لا قد سألتك وش الألوان و لا وش بتسوي عشان اتحكم ! قال ايه صح

المره اللي بعدها جا قال لا تحاولين تغيريني على أمي الحرمه بدالها حرمه اما امي لا قلت وليش اغيرك عليها وش علي منك ومنها قد جبت سيرتها انا قد قلت لك لا تروح و لا تجي و جلست استفزه قال امي تقوله و الحريم يعرفون بعض امي تدري

والله ماني راعية ابيك خاتم بأصبعي و لا بصيح اذا سافرت و لا طلقني لين رحت و لا مدري ايش و لا جبت خبره و لا خبر اهله و لا خويه و لا دنياه كلها ما اسولف له الا عنا و عن بيتنا انا وياه
بس صايره تجي منه حركات اذا صرت حليوه معه و جيت أكلمه بأسلوب و اهتم الرجال يقلب 180 درجه و يكلمني بجفاف و اسلوبه مو مقبول و اذا سحبت عليه و سفهته و لا اتصل و لا ارسل و طنشته ينهبل يركض وراي و يصير مافيه احلى منه
جربت أكلمه يعصب و يأكلني و يزعل و اذا خلصنا يوم و بعدها يرجع بحركاته
لحد يقول تطلقي لان لو معي 40 حقت المهر رميتها و تركته و ريحت راسي منه لاني وحده ما احب اتعب راسي باتفه شيء
صرت أشك بعقلية الرجال والله ما كان كذا تفكيره وحتى لو كلام امه و خويه صدق صاحي يقوله لي !
وش اسوي معه محوم كبدي يوم انه معيش نفسه انه متزوج وحده نشبه و لزقه ووحده تتمشكل مع اهله
قسم بالله ساحبه عليه و عايشه يومي و مشغوله ببيتي و نفسي و لا بيني وبين اهله اي مشاكل او حركات رسميين جدا مع بعضنا كلنا الانفصام هذا من وين جاي مادري !

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jt;dv .,[d

المصدر...