زوجي طمعان براتبي اللي لسى ماجا

زوجي طمعان براتبي اللي لسى ماجا

صباح الخير والسعادة ، زوجي يعمل بوظيفة مرموقة وراتبه لاأعلمه حتى الان لانه في كل مرة يعطيني رقم مختلف ويتعذر لي بالقروض الى اخره ، تزوجته منذ مايقارب العامين ولدي طفلة ، طبعا وقت ماتزوجته كنت حديثة تخرج (طبيبة) وتعرفون انشغلت بالحمل والولادة وشح الوظائف ، هالفترة قررت ابدأ بالبحث عن وظيفة وبديت اسمع منه مواويل وحديث مبطن بخصوص راتبي ، احسه مستكثر علي المبلغ ذَا بحكم رواتبنا عالية ويشوف نفسه أحق فيه او في جزء كبير من كما يقول وأحس السبب تعليقات اللي حوله ( واو ماخذ دكتورة بتغنيك ومدري ايش)وشكله طويل العمر زارع آمال وأحلام وردية، المشكلة اني ياجماعة الخير ماني مادية والله ناوية ادفع راتب الخادمة وسواقي وحضانة طفلي ومصاريفي الشخصية وبشاركه بتكاليف سفراتنا السياحية او تمشياتنا ، يعني فعليا قاعده أشارك كثير ولا !؟ ولاني مطالبة بهالشيء مو معقولة ياجنس آدم نحمل ونولد ونعتني بالاطفال والله حتى نوم ماننام زي العالم وننظف البيت والملابس ونحضر الطعام وفوق هذا تطمعون بالراتب ؟ طبعا ماأعمم لازال فيه رجال انفسهم مترفعه وعفيفة عن مال زوجاتهم وهذي الفئة أكن لها احترام لانه فعلا من مواطن الرجولة النادرة بهالزمن ، لاني للاسف اكتشفت ان كثير من السيدات والزوجات يعانون نفس هالمعاناة، زبدة الحكي كيف أتصرف ؟ حاليا رفضت التعليق عالموضوع حتى أَجِد الوظيفة المناسبة ثم أتناقش لاني خفت يمنعني منها ، اللي مقلقني بالموضوع ان زوجي صعب النقاش جدا ومستحيل يقتنع بشيء هو يشوفه من حقه او من صلاحياته ومتسلط ، وانا ودي أعيش حياة مسالمة مالي حيل لمناطحته ولاأبيه ياخذ الراتب ويتصرف فيه كيفكا يشاء على قولته لانه الأدرى بمصلحة الاسرة؟! انا مصرة على رأيي واخاف انتهي بالطلاق اذا لم ارضخ لمطالبه لانه إنسان الطلاق عنده بقرش بمعنى في كل سوء تفاهم يهدد بالطلاق ، تحياتي لكم سأقرأ كل رد بتأني وأخذ في نصايحكم فبليز عطوني حلول اقدر اطبقها وربي يكتب لكم السعادة ،

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d 'luhk fvhjfd hggd gsn lh[h

المصدر...