طريقة عمل بيتزا سي فود, خطوات تحضير بيتزا سي فود,اسهل طريقة لعمل بيتزا سي فود

المقادير

• 4 x كوب دقيق
• 3 x عدد فص ثوم
• 2 x كوب ماء (دافى)
• 2 x معلقة صغيرة خميرة
• 2 x كيس جبنة موزريلا
• 2 x معلقة كبيرة سكر
• 2 x عدد فلفل أخضر حلو
• 1 x رشة ملح
• 1 x كيلو جمبرى (مقشر)
• 1 x حزمة زعتر
• 1 x كيلو طماطم (طرية)
• 1 x معلقة كبيرة زبدة (بيضاء)
• 1 x معلقة كبيرة زيت ذرة
• 1 x معلقة كبيرة عسل نحل
• 1 x معلقة صغيرة ملح
• 1 x رشة فلفل اسود مطحون

الخطوات

1. هندفى الفرن لمدة 10 دقايق و نقفله.
2. هنجيب طبق غويط و نحط فيه الخميرة و العسل و نص كوب ماء دافى و نقلبهم و نغطيهم و نسبهم فى الفرن الدافى من 20 دقيقة لساعة.
3. هنجيب طبق و نحط فيه الدقيق و السكر و نص معلقة ملح و الخميرة و نعجنهم و نزود ميا دافيه شوية شوية لحد ماتبقي العجينه ماسكه كويس. ممكن نحطها فى العجانه تلت ساعة او نعجنها بايدنا اكتر وقت ممكن. و بعدين نغطيها و نسبها فى الفرن الدافى نصف ساعة.
4. هنقطع الفلفل الأخضر بالسكينه الحامية شرايح رفيعه جدا .
5. هنجيب الطماطم و نقشرها و نقطعها صغير . و هنشيل ورق الزعتر من الأعواد.
6. بعدين نجيب طاسه و نحط فيها معلقة الزيت و رشة ملح و رشة فلفل أسود و الطماطم و معلقة كبيرة من الزعتر. و نسبها على نار هاديه تلت ساعة.
7. هنطلع العجينه من الفرن و نسخنه على درجة حرارة عالية. و نتأكد ان الشبكة فى النص أو أقرب للجزء السفلى من الفرن.
8. هنطلع العجينه من الطبق و نفردها فى الصاج.لحد ماتبقى متساوية. الفرد لو صعب و بتشد معاك و ترجع صغيرة تانى ده دليل انها معجونه كويس. افردها ماتستسلمش.
9. هنفرم فصوص الثوم ناعم و نحط الزبده فى الطاسة و معاها الثوم و رشة صغيرا ملح. اول مالزبده تسيح هنطفى عليها و نفردها على العجينه.
10. هنحط الجمبري على العجينة و بعدين نرش الصلصة عليها.
11. هنضيف الفلفل و بعدين الجبن الموتزاريلا المبشورة و نرش فوق معلقة كبيرة زعتر
12. هنحطها فى الفرن نص ساعة و نتأكد ان وشها أحمر, وبكده تبقى جاهزة للتقديم.

ملاحظات


ممكن نزود إضافات زى طماطم ناشفة, فلفل ألوان. بصل. زيتون أخضر. مشروم فريش. تكون متقطعه رفيع و تضاف مع اضافة الفلفل. و ممكن نبدل الزعتر الفريش بناشف أو نعناع أخضر و زيت زيتون. ممكن نخليها سبايسي بشطه حمرا على الصلصة او هوت صوص.

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...