بيت العمر

بيت العمر

سلااام

انا حابه افضفض بلي في خاطري واذا عندكم حلول او كلام يساعد قولوه انا ساكنة بملحق عند اهل زوجي غرفة نوم وحمام ومطبخ وسيب صغير جدا عندي اطفال صغار اهل زوجي ناس طيبين بس ما احتك فيهم دايم بتقولون وين المشكلة مشكلتي اني دااااايم اتمنى واحلم في بيت العمر واتخيل غرفتي وغرفة عيالي وصالة نجتمع ونسولف ومطبخ خاص فيني وحوش اشم هوا فيه وغرفة ضيوف استقبل فيها اهلي والي احبهم منااااتي وربي اهلي مايجون الا نادر اعياد مناسبة لاني ما استقبلهم الي بمجلس عمتي وفوقها ما اخذ راحتي والله لان عندهم اخوان عزابين ومتزوجين يجتمعون في البيت حتى المطبخ لابغيت اروحه اسأل اذا في ناس او انادي ولدي عشان يسمعوني ويروحون فاضطر انا الي اروح لاهلي كثير منه ازورهم ومنه اخذ راحتي وزوجي الله يرزقه راتبه قليل ومايكفي ولا عنده امكانيه وعنده قرض الزواج والسيارة مع اني ما ابين له كثير والله لانه يتكدر ويتضايق من هالسالفة وانا حاسه فيه بس احيان يجي علي بالصدفه اتصفح بيوت واثاث ومانقدر ناخذ شقه اولا راح يكلفنا كثير فوق طاقتنا وثانيا مايبي ابعد عن اهله اذا حتجت يكونون قراب مني

ومن غير احيان تجي ايام ما اشوف فيها الشمس لان ما اقدر اطلع الحوش واخذ راحتي لانه مشترك واخاف يطب علي واحد من خوانه ودايم ما اطلع الا ونا لابسه جلال الصلاة ومرات اصد في خوانه بالغلط وانا بنص الحوش وربي استحي واحرااج هو يروح وانا ارد لغرفتي زوجي احيان يسألني اقوله صديت بالغلط بخوك وربي يعصب علي ويركبه جني ويحط الغلط علي مع اني اكون ساترة بس هو كذا يغار علي موت حتى لو كان مالي ذنب فبطلت اقوله اذا صار شي حتو لبغيت اطلع لازم اسأل اذا في حد واطلع ما اخذ راحتي ابدا
غير ان اطفالي صغاار ولازم يطلعو يتمشو ويشمو هواء بالحوش ينكتمو من الغرفة فاضطر احيان اكون وراهم او اراقبهم من بعيد لانهم صغار وباقي مايفهمو

وزوجي طيب وحنون وكريم معي فباقي الاشياء هو الحين قاعد يجمع شوي شوي وشي ذا ضغطني اكثر وتنازلت ع اشياء ع شان البيت مع اني ابي بيت صغيرون ع قدنا مو فله كبيرة بس متى ياررررب تكفووون ادعولي وادعو لزوجي وان الله يرزقنا بيت مبارك عاجلا غير اجل لنا متزوجين 8سنه وعندنا ولد وبنت وابغى اشياء نسويها تزيد الدخل وانا استغفر كثير بنية ان ربي يرزقنا المال الحلال والبيت المبارك والحمدلله ع كل حال

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

fdj hgulv

المصدر...