السلام عليكم،
مشكلتي يا اخواتي و اخواني، هي اني بعمر 17-20 كنت في علاقة عاطفية عن طريق النت، انتهت هذي العلاقة من 3 سنين بإرادتي و رغبتي لاني كنت اكره أعيش فالظلمة ، و كنت طول الوقت خايفة و طبعاً الطرف الثاني ما صدق لانه كان عارف انه ما يقدر ، او بالأحرى ما كان يبي يتزوجني. عمري الحين 23.
انا يا جماعة كنت بنت صاحية و مالي فالخرابيط، و من بيئة محافظة او ممكن نقول متشددة كنت حتى أغاني ما اسمع ما كنت اعرف غير كتبي و كيف أطلع الاولى بس وقعت و محد سمى عليّ. المهم اني انسانة لابعد الحدود حساسة و عاطفية و الله وحدة يعلم وش تجرعت في هذي ال3 سنين في سبيل اني أنسى، ما يحتاج اقولكم تبعات هذي النهاية من اكتئاب و رغبة حياة صفر كلشي أهملته حتى صحتي. الحين هذي النهاية صفحة و طويتها لكن في مشكلة دايم تعكر حياتي؛ من بعد هذا العلاقة و هي رغبتي بوجود رجل في حياتي. مستحيييل يمر رجل لا من شرق و لا من غرب بحياتي مرور الكرام، الا و انسج عليه القصص و الخيالات. لا بسوق و بمستشفى و لا بالنت كلشي. و لا احكيكم عن الرجال اللي مجبرة اكلمهم من فترة لفترة، يعني باختصار تفكيري اللي بيني و بين نفسي عبارة عن فشلة. مثلا حالياً انا عايشة وضع اني احب واحد و اجنبي بعد و مره حتى شكل فستان الزفاف اخترته!! و اذا صار تجاهل من هالشخص على رسالة مني هههههه أصير العاشقة الزعلانة و ينقلب مودي و هو ما درى عن هوى داري
يالله و الله ماني مستوعبة تفاهة تفكيري من ذي الناحية، عاد تصدقون يضربون بي المثل ع اني البيت الرزينة ههههه ما دورا عّن حالي. انا وشلون صرت خفيفة كذا؟ مدري .. يجيني أوقات افكر بالموضوع احس بغثيان لما اشوف وش كثر انا رامية نفسي و عواطفي كلن يتواطاها و اوسوس اقول لو ما انهيتي علاقتك كان أبرك، و اتسائل لو اني ما مريت بتجربة كان بيكون هذا حالي؟ انا طبيعية يا عالم؟ و كييف اساعد نفسي و أوقف هالتفكير؟
'vdrm jt;dvd fu] hkjihx ughrm pf
المصدر...
5th December 2016
طريقة تفكيري بعد انتهاء علاقة حب
تقرأ وترحل شارك معنا برد أو بموضوع
العرض العادي
