رفضت احمل وزوجي واهله زعلانين؟؟

رفضت احمل وزوجي واهله زعلانين؟؟

يسعد مساءكم جميعا..
ياجماعة وش رايكم في وضعي هذا هل يحق لزوجي يزعل عشاني رفضت احمل؟؟
زوجي يعمل في منطقة أخرى تبعد عنا حوالي 600 ك وانا اعمل في منطقتنا وقاعدة في بيت اهلي.. والدي مسكين يمشور بنا انا وولدي ومتحمل مسؤوليتنا وهو كبير في السن وتعبان وانا احزن عليه لما يمرض ولدي ويوديه ابوي للمشفى آخر الليل والا لما حملت وقعد رايح جاي فيني للمشفى هذا غير لما قربت ولادتي واستأجر لي اسبوع بجنب المستشفى لانه بعيد عن بيتنا هذا غير دوامي كل يوم.. المهم انا حزينة على ابوي اقول وش ذنبه هو يتحمل مسؤوليتنا وقررت اني ماعاد احمل.. عندي بس هالولد وعمره ٥ سنوات عسى الله يحفظه.. والله العظيم تنقصني انا وولدي اشياء كثيرة ولا اطلب رغم ان ابوي الله يشفيه ويحفظه مايقصر لكن انا استحي واتثاقل نفسي عليهم.. اهل زوجي استغفر الله اشغلوني بموضوع الحمل.. وانا ماغير اصرّفهم اقول اني تاركة الحبوب بس مادري ليه ماحملت.. طيب هم وش دخلهم دام ماعمرهم كلفوا على انفسهم وسألوا عنا انا وولدي وعمرهم مازارونا او جابوا لنا اغراض رغم انهم قريبين مننا..
لكن زوجي الله ياخذ عدوّه راح علمهم اني كذابة وانه تعب يقنعني وانا رافضة احمل.. بعدها صرت صريحة اذا احد سألني اقول مابغى لين يتقاعد زوجي ويقعد عندنا.. وهو زعلان يقول كل الحريم حملوا بعدك وجابوا اثنين ثلاثة الا انتي.. قلت لا ما ابغى وروح تزوج.. احيانا لما نتهاوش ع ذالموضوع نجلس بعدها شهر مانتكلم ولاننام سوا وكل واحد مو طايق الثاني.. وهو حلف انه يتزوج.. وانا بصراحة ماعاد يهمني اصلا ماستفدت شي من زواجي منه.. لا استقرار لا راحة لاسعادة.. حياتي نفس ماهي قبل الزواج.. بالعكس قبل الزواج احسن كنت بس لحالي عند اهلي والحين صرنا 2 واحس خلاص ثقّلنا على اهلي..
بالنسبة لظروف العمل هو بداية الزواج كان يعمل في مدينة غير وكان من الممكن انقل عنده لكن قبل سنتين نقلوه الى مدينة ثانية وصار من المستحيل انقل عنده او هو ينقل عندي يعني مافيه أمل لاتقولون نقل.. اجازات برضه موقّفة في عمله.. يعطونه بس رخصة ثلاث ايام كل اسبوعين يجي يزورنا ويرجع.. وسلامتكم..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

vtqj hplg ,.,[d ,higi .ughkdk??

المصدر...