حلول وخبرات مطبخيه لمشاكل الطبخ خطيره

وان شالله كمان انتوا تفيدوني ،،،،،،،،،بالنسبه للمنظفات للدهون انا استخدم منظف اسمه فورنيت هو للافران لكن استخدمه للشفاط والسراميك ورا الفرن مذيب عجيب ابخه ع المكان واتركه 20-30 دقيقه بعدين افركه والمكان يرجع نظيف ويلمع ،بالنسبه للطبخ اجيب صحن وصحن مخصص لهذا الشغل ويكون بلاستيك قوي لما اقطع الدجاج او اللحوم اغسلها واحطها في جنب من الصحن واقطع البصل فيه وابشر الثوم فيه والخضار يكون اصلا مقطع صغار واحفظه في حافظات بلاستك واحط من تحت وفوق الخضار مناديل بيبقى اسبوعين واكثر مش بيخرب حتا الكزبره المهم اخذ من الخضار واغسله وع الصحن وابشر الجزر فيه يعني كل حاجه اجهزها فيه جنب الفرن بعدين ابدا اطبخ حتا لوطبختين ثلاث اضاعف الكميه وع الحلل ع طول والملعقه احطها فيه عشان مااوسخ المكان واستخدم ملعقه وسكينه وحده لكل الطبخ ،الدواليب اجيب السولوفان واغلف الدواليب خاصه الي قريبه من الفرن بس بشكل مرتب ومشدود وتجلس شهرين اواوكثر واشيلها والدولاب نظيف طبعا كل ظلفه لوحدها تنفع قبل رمضان وليله العيد تشيليها كانك تاعبه في الغسل من فوق الدولاب قصدير اخصص جزء من الدولاب للمواعين اليوميه الي استخدمها ومااستخدم غيرها وارجعها مكانها وباقي المواعين لما يكون فيه عزومه عشان استخدم اكثر وبكذا الدولاب يبقى متقفل ونظيف ،امممممم ايوه انا استخدم بدل شبك المواعين لما اشطفها مااعرف ايش تسموه المهم اجيب 3 فوط كبيره وافرش وحده للمواعين وكل غسله اشيل الاولى المبلوله واحط الثانيه والمبلوله انشرها في اي مكان او انشفها في النشافه واغسلها مره في الاسبوع ،الفرن احط عليه قصدير وع الزجاجه الي تعتبر غطا عشان الدهون واغيره من مره الى مرتين بالاسبوع حسب الاحتياج ممكن تمسحيه لو دهون بسفنجة المواعين ،الايدامات الي هي الكوسه والجزر والفاصوليا اجيبها واغسلها وبعدين اقطعها واقسمها في اكياس وع الفريزر ولما احتاجها اعمل الكشنه او الشوربه وع طول في القدر لاتسيبها تفك لانها بتسود ،الطماط افرميه وع اكياس وع الفريزر ،جيبي بخاخ وحطي فيه فيري ومويه وكلور وبخي ع طاولات او رخامة المطبخ بعدين اغسلي المواعين وارجعي امسحي بس وتصير تلمع ،الحلويات السينبون اخبزيه وبرديه واحفظيه في اكياس وع الفريزر وطلعي جزء قبل الاستخدام يفك ساعه تقريبا وحطي الخلطه بس يطلع زي القطنه ومايتغير طعمه صلصة البيتزا اعمليها وع الاكياس وع الفريزر واعملي البيتزا اقراص صغيره وخرميها بشوكه بدون صلصه وع الاكياس وع الفريز وطلعيها تفك وحطي الصلصه والجبنه وبسزعه ع الفرن .كلها مجربه وناجحه هذا الي تذكرته الحين ياليت كمان انتوا تشاركوني وجزيتم خيرا

المصدر: منتدى عدلات - من قسم: خبرات ونصائح مطبخية

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...