السلام عليكم
بطرح مشكلتي خلاصه الموضوع امي الله يهديها كلما احد تقدم لخطبتي ترفض بدون ماتأخذ رايي وتشاورني واحيانا ماادري الا من اختي تقولي جاكي عريس بس امي رفضت واحيانا انا اسمعها تكلم وترفض واحيانا تقولي فلان الفلان تقدم لك بس رفضته لانه يدخن مانبي مدخن وانا ساكته لاني خجوله بذات بموضوع الزواج وكان الخطاب اللي تقدمو لي كثار وترفضهم الى ان وصل عمري ٣٢ قل عدد الخطاب ولا تزوجت ومقهوره من امي وقلبي يشغل النار وساكته مابيها لامي اني متضايقه منها الا بعد ماتقدم شخص لخطبت اختي اصغر مني وافقت امي مع انه يدخن بكذا ماتحملت انفجرت كلمت امي بدون شعوري قلت لها وافقتي ومع انه مدخن وقبل كنتي ترفضين قالت مو دايم نرفض قلت لها ليه انا ترفضين ماردت علي سكتت قلت لها اذا تزوجته شووفي وش راح اسوي مع اني يعلم الله اني مبسوطه ان اختي انخطبت وافقت امي بس من القهر اللي فيني توافق لاختي وانا لا قلت لها تفرقين بيننا زعلت وبكيت قالت امي رفضناه لما سالنا عنه طلع مو كفو مع اني اكثر وحده من خواتي تخدم امي ولا ارفض لها طلب اهم شي عندي رضاها ،،وخالتي (اخت امي)كلما شافتني تقولي تزوجي دايم عند امك وتقول اذا بشرتني امك بزواجك برقص بصالتي وتقول كلن تزوج الا انتي شووفي بنات خواتي وبنات اخواني وهم اصغر منك تقولي هالكلام قدام مجموعه من اقاربي ودي الارض تنشق وتبلعني من كلامها حتى بنات خالاتي وخوالي المتزوجات قاطعوني ماعاد يبوني لاني ماتزوجت ويرمون علي كلام يقولون لي لما البنت توصل الثلاثين مافي احد يتزوجها الا المتزوج ولا مطلق عنده عيال اما الشباب يبون وحده صغيره
هل كلام بنات خالاتي وخوالي صحيح ؟؟ خايفه اتزوج واحد متزوج وانا مابي متزوج
شو الحل مع امي ورفضها للخطاب اللي يتقدمون لي ؟اعتقد امي ماتبيني اتزوج مو عارفه السبب
اسفه طولت عليكم واتمنى من الاداره تنزل موضوعي واحصل حل عنكم
الحمدلله ع كل الحال
la;gjd lu hld
المصدر...
4th March 2017
مشكلتي مع امي
تقرأ وترحل شارك معنا برد أو بموضوع
العرض العادي
