ضميري يعذبني

ضميري يعذبني

السلام عليكم

يا جماعة انا زوجي الله يرحمه توفي من ست شهور واحس اني انا السبب و ضميري مو مرتاح و لا راضي يرتاح
زوجي كان مريض قلب بس مرضه ما كان خطير وكنا متزوجي من عشر سنين وعندنا بنتين و ولد البنت الكبيرة عمرها تسع سنوات و كان حنون على اولاده لابعد الحدود و الله و بصراحة كان جيد معي ايضا لكن مع وجود بعض المشاكل العادية الي تحصل بين اي اثنين متزوجين
الموضوع قبل لا يتوفى بيومين حصلت بينا مشكلة على موضوع تجديد اثاث البيت و تطورت لقطيعة لمدة يومين ما نتكلم مع بعض
في ليلة وفاته جاني غرفة النوم يصالحني و انا قلتله تبي نتصالح تجدد عفش البيت هو قال يا بنت الحلال اوعدك قريب ان شاء الله و انا قلتله لا باكر نروح السوق و نشتري قام قال ما اقدر هنا انا عطيته ظهري ونمت وهو قام راح المجلس وجلس شوي و رجع نام. في نص الليل سمعته يناديني يا فلانه و انا طنشت لاني احسبه يبي يحاول يقنعني بتاجيل الموضوع وعملت نفسي نايمة بعد فترة قمت باصلي الفجر لقيته نايم قلتله ابو فلان صلاة الفجر ما رد رحت صليت ورجعت قلتله يا ابو فلان لا تضيع عليك الصلاة ما رد وما كانت عوايده لمسته لقيت جسمه بارد و ما يرد دقيت على الاسعاف و على اخوه جو و للاسف كان الوقت تاخر قالولي بالمستشفى انه مات حوالين الساعه 2 الفجر انا بصراحة خفت اقول لاحد عن المشكلة وايش صار والله ضميري يذبحني و بنتي الكبير لها ست شهور مريضة بانهيار عصبي و اعصابها تعبانه و احس كل هذا بسببي
انا كتبت لكم لان ابي افضفض و ابي احد ينصحني وش اسوي لاريح ضميري
اقول لاهله وش صار معنا ؟ ابي ضميري يرتاح مو قادرة اعيش و الله بهذا العذاب
احد ينصحني ارجوكم وش السوات

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

qldvd du`fkd

المصدر...