السكري يخرب حتى العلاقات

السكري يخرب حتى العلاقات

السلام عليكم و رحمة الله و بركاته،

خواتي خواني موضوعي ما هو بمشكلة بقدر اني أبيكم تقولولي اللي أسويه صح او خطا؟ تشتت والله و ضميري يانبني


امي مصابة بالسكري من 20 سنة، لكم ان تتخيلوا ان اول 15 سنة من اصابتها به ما كانت تأخذ علاج و لا متبعة اي نظام غذائي، من الاخر كأنها شخص مش مريض (امي تكره فكرة انها تأخذ علاج، تحس حالها مريضة حيل اذا اخذته بالاضافة الا اننا كنّا صغار و محد مستوعب فكرة السكري و مضاعفته، ف محد كان يتابع معاها )
موخراً صارت نوعاً ما تلتفت للعلاج بعد ظهور بعض المضاعفات و لكن للأسف كان الموضوع يحتاج ابر خلاص و لكن ايضاً رفضتها ( كسرت خاطري احس الهم في وجهها وقت ما يجي موعد الابره) المهم و كلمنا الطبيب و رجعها على الحبوب بجرعة اكبر بس بعد ما تنتظم ع العلاج ممكن يمر يوم تاخذ فيه غير جرعة وحدة بس مع انها4 جرعات
و ان كلمتها و بديت بهدواة ينتهي الموضوع بزعل و هواش منها و مني، كلنا حارين عائلتنا شطة.

انا ياخواني تعبببت والله كل يومي مكتئبة من هذا الموضوع من يوم اصحى من اول كاس شاي تاخذه و كله سكر الى العشاء اللي كله نشويات.
طبعاً انا شخصياً عندي فوبيا من السكري بعد ما شفت انه سبب و ان كان غير مباشر في وفاة 2 من خوالي
ف مثلا صرت قدامها اتعمد شرب الشاي مر و احافظ على اكل صحي
بس ابد و الله تصب السكر صب قدامي ههههه و انا اللي اشرب الشاي مر
الله وحدة يعلم وش احب امي افديها بصحتي
يوم افكر فيها مانام الليل و الله لكن هالموضوع مؤثر حتى علاقتي الودية معاها
و طبعاً بتسالون وين اخواني؟ اخواني متزوجين و حتى هم مايطلعون معاها بشي يوم يتكلمون معاها يا ينتهي الموضوع بزعل يا بجملة " يماه انتبهي لعلاجك" هي عنيدة الله يحفظها

اخيرا انا صرت اكره نفسي ما عندي اُسلوب و صرت بس عصبية من كثر ما اتزاعل معاها و اخر مره قالت اخر زمن الواحد صار يحسب حساب عياله ، هالجملة قتلتني والله و زعلت من نفسي كثييير و تمنيت ان ما عمري ناقشتها بشي
الحين افكر خلاص اترك الموضوع كله لها لاني مو مستفيدة شي لاهي اللي تاخذ العلاج و فوق كذا تزعل مني. انا صائبة في هالقرار؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hgs;vd dovf pjn hgughrhj

المصدر...