صبري وصل حدة

صبري وصل حدة

السلام عليكم ورحمة الله وبركاته
بدخل لكم في مشكلتي بدون مقدمات
انا متزوج لي سنتين الله ما رزقنا بالذرية لحد الان
والحمد لله على كل حال عمري 25 وعمر زوجتي 23
احب زوجتي واعزها واحترمها حصل بيننا مشاكل كثيرة
مثل اي زوجين تحصل بينهم مشاكل لكن سرعان ما تنحل مع الايام مشكلة زوجتي الي ما حصلت لها حل لحد الان*
مهلمة في البيت ومهملتني بشكل كبير يعلم الله يمر شهرين وثلاث وأربعة انها ما تتكشخ لي ولا تلبس مع اني
شهريا اوديها اسواق وتاخذ ملابس ومكياج وعطورات
جلست معها صارحتها يا قلبي ألبسي لي لبس حلو غير البجايم حطي مكياج خفيف وكحل إذا ما تعرفين تعلمي ادخلي نت تابعي مقاطع وتعلمي لكن هي تعرف بس ما تبي تشكخ او تتزين لي والدليل على انها تعرف اذا بتروح زواج ولا لوحدة من صديقتها تشكخ كشخة مشاء الله واحس بالقهر هنا انها تكشخ لصديقاتها وانا مسحوب علي
الموضوع الثاني سيئة جدا بالطبخ ولا تجيد الطبخ 80 في المية اكلنا من برى* ناقشتها وقلت عادي الواحد مو عيب يتعلم اجيب لك كتب ولا ادخلي النت ومع الوقت راح تصيرين طباخة ماهره تقولي طيب لكن ما فيه اي تنفيذ !!! وإذا طبخت تعفس مواعين الطبخ فوق بعض لمدة يومين الى ثلاث ايام في المطبخ بدون تنضيف وفهمتها وتناقشت معها لكن تتعدل اسبوع وترجع على حالها يعلم الله احبها واعزها وما ودي اخسرها على هالمشاكل التافهه الي ذكرتها لكن ماهي راضية تفهم او تسمع كلامي جلست معها صارحتها يا زوجتي يا حبيبتي انا جلست معك كثير وتكلمت معك كثير بموضوع الطبخ والمطبخ وانك تكشخين لي ليه ما تسمعين الكلام انا وش مقصر معك فيه هل انا ظالمك انا طلبت منك شيء غلط طلبت منك شيء فوق طاقتك تقول لا طيب ليه ما تسمعين الكلام وتنفذين كلامي تعبت يا اخوان الجنس اصبحت لا اطيقه معها باردة بشكل فضيع فقط مستلقية على ظهرها بالبجامة الي اسبوع ما تغيرها وانا الي ابوس واداعب وإلى آخره وش الحل هددتها بالطلاق واني بوديك اهلك جلست تبكي وتتعدل اسبوعين زمان بالكثير وترجع لوضعها مع العلم سبق واني طلقتها بسبب مشكلة قديمة طلقة واحدة وجلست في بيت اهلها شهرين ورجعت اعتذرت مني واعترفت انها غلطانة وطلبت الرجوع وراح تتعدل رجعتها وتعدلت شهر زمان* ورجعت حليمة لعادتها القديمة انا احبها ومابي اطلقها ثاني لأني سبق وجربت فراقها لمدة شهرين لكن تجيني أوقات فعلا اقول يا ليتني ما رجعتها لما طلقتها الطلقة الأولة وافكر باني اطلقها ومعاد ارجعها نهائي تكفون يا اخوان عطوني الحل الي يريحني والله استعلمت كل الطرق معها لكي تتعدل كلام حب باقات ورود هدايا سفرات ما نفع* وإذا هددتها بالطلاق تتعدل فتره وترجع لوضعها السابق ابي حل نهائي وانا فعليا افكر بالطلاق لاني مليت من هالحاله لحد يقول لي جيب لها خدامة عندي استطاعة أجيب لها خدامة لكن رافض نهائيا امرأة غريبة تدخل بيتنا شوروا علي وربي يجزاكم خير واتمنى من الإدارة تنزل موضوعي بأسرع وقت

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

wfvd ,wg p]m

المصدر...