مشاكلنا كل يوم كل يوم.....

مشاكلنا كل يوم كل يوم.....

السلام عليكم ورحمة الله

انا تعبت من المشاكل حياتنا اول كانت تمام بس الحين كلها مشاكل تزوجت زوجي صغيره مع وجود فارق السن بيننا لكنه كان حنون ويحبني جدا ماشاء الله وماقصر علي بشي كان قبل ما اتزوج به اذا سمع اني انخطبت يجن جنونه ويقولي كان يدعي بسجوده اني اكون من نصيبه

وتزوجنا وحياتنا سمن على عسل بس بعد ماخلفنا صارت الشاكل بيننا يوميا ومشادات ع اسباب تافه وانا كنت اعاني ضغط شديد من ناحية اطفالي فاهملت زوجي قليلا وربما هذا الي ضايقه وصار يطنشني كثير لدرجة اقول هذا الرجل غير الي تزوجته صارت بيننا مسافة وحاجز عاطفي بعد ماكان ينضرب فينا المثل بالحب صرنا مثل الصغار كل شي تافه نصرخ عليه ونعصب بسرعة وللامانة انا الي تسببت وبديت بالصراخ والعصبية وصارت روتين من حياتنا مستحيل يمر يوم من غير مانعلي اصواتنا لدرجة والله صرت احيانا احط يدي على اذوني من كثير الصراخ وبس ابكي لين ارتاح ويجي بعدين زوجي يلطف الاجواء ونرجع عادي تمام ماكأن حصل شي بينا ودايما زوجي يقولي انتي عنيدة متكبرة ماتبادري بالاعتذار ودايم تشوفين نفسك اناي الصح وانا الغلط وانا كمان اشوفه زي مايشوفيني وفي الاخير مدري مين الصح مين الغلطان والله بجد تعبت من المشاكل والصراخ على الاشياء التافه ابغى حل لنا لان زوجي هجر البيت وصار بالاستراحة دايم بحكم ان العيال يزعجوه طبعا انا الي يعصبني انه احيانا مايقدرني مثلا اقوله العيال تعبوني او تنظيف البيت يطفشني يقول عادي كل الحريم كذا وانا ادري ان الكلام كذا بس ابغاه يقولي كلام حلو يخفف علي هو احيانا مايقصر مع العيال يعني عادي يقوم يفطرهم احيانا او يعشيهم وينومهم ويشوفه نفسه خلاص ختم الواجبات مع انهم طول اليوم ازعاج عند راسي وماياخذهم عني لو شوي خواته مايحبون احد وبيتنا بعيد عن الحدايق المشكلة حتو الطلعات معد نطلع الا بالحسرة وكمان عشان عيالنا متعبين لاطلعنا بس يبكون ويتعبون ودي اسافر اغير جو بس الظروف مو بصالحي وكمان هو شغله متعب مالقاه الا كم ساعة باليوم وهالساعات ي هواش او نوم

انا احبه جدا وهو حنون معي بس انا كرهت المشاكل الي بيننا كل مرة تزيد عن الي قبلها لدرجة صارت تجي ايام انا اطلب منه يطلع عنا شوي عشان نفتك من المشاكل عكس اول كنت اترجاه يجلس معنا لو شوي وكمان والله متعبتني غيرته يغير علي بدرجة مجنونه وما يطلعني الا اغطي كل شي فيني حتى يوم سافرنا شهر العسل زعل علي هناك عشان تكلمت مع نادل المطعم وقلبها نكد علي وقتها عشان كذا صرت اشوف جلست البيت احسن من الطلعة والهواش الي يصدع الراس

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lah;gkh ;g d,l d,l>>>>>

المصدر...