تعقيب للمره الاولى هل أنا فعلا عاقه !

هل أنا فعلا عاقه !

السلام عليكم ورحمة الله وبركاته
هذا تعقيب لمُشكلتي اللي نزلتها من شهر تقريبا / هل أنا فعلا عاقه؟
http://forum.z4ar.com/f116/t451118.html


..
أول شي، شكرًا شكرًا شكرًا لكل من رد علي
و الله يجعله بميزان حسناتكم؛ وشكرًا بِـ عُمق لكل من دعا لي
- لكم من دعائكم النصيب الأجمل بإذن الله - ��

أعتذر لأن موضوعي ما كان واضح لأن وقتها كنت متضايقه جدًا؛ حسيت عيوني انعمت عن كل شيء جميل بالحيـاه!
بالله قولو لي وين بلقى الراحه والسعـاده واهلي مو راضين عني ��
مهمها كانت ملذات الحيـاة و فضل الله علي كبير، بس احس كل شي ناقص و ماله معنى من غير أهلي ����
" لا اذاقكم الله مكروه في أنفسكم و لا فيمن تحبون؛ والله يجعل السعاده دوم في طريقكم ما تفارقكم "
,

ردي على العضو " ليه كذا " + " F. O. M
لم كنت صغيره في عمر الثامنه تقريبا كنت دايم قبل ما انام اكتب رساله لأمي و ابوي " بدايتها طبعا كلام حب و وسطها سؤال و ختامها حب " ❤ ؛ كان أيّ حدث سيء يحصل معي بِـ يومي كنت اكتبه لأمي و ابوي في ورقة انه ليش صار كذا وايش التصرف السليم اللي ممكن اعمله عشان اتلافى حدوث هالشيء مره اخرى .. لكن لا يوجد رد
كل يوم كل يوم ع هالحال و ابد ما سئمت الى ما وصل عمري 11 سنة
و بعدها صرت اتجرأ اكلم امي ؛لأن امي ما كانت تعطيني مجال اني اناقشها .. و ابوي مسسستحيل اني أتجرأ أكلمه ! اخاف منه خوف فضيع ومع ذلك عُمري ما قسى قلبي عليه " مهما كان يضل ابوي ، لو يذبحني بقول حلاله "
* طبعًا / الرسايل ما كنت كل يوم اعطيها لأمي؛ ع حسب مزاجها و جو البيت .. كنت احطها جنب الكومادينا حقتها مع شوكلت او ورده اي شيء، بس بعد ما أتجرأ اعطيها بيدها؛ لأنها بتقطعها قدامي او تقطعني بكبري.

- حاليـا لا يوجد نقاش بتاتًا؛ حتى لو بهدوء ما يتقبلون ابببد!

..

/ أتم قآسي

انا كنت سابقًا في طفولتي حساسة جدا بسبب الاشياء اللي تحصل معي
وبعدها بديت احسن نفسـي من حالي و أقوي نفسي .. والحين احس بديت اكون حساسه وانطوائيه اكثر بسبب الامور اللي واجهتني الفتره الاخيره ، اما عن سالفة اني اضخم الأمور ابد والله ما ضخمتها و لا اعطيها اكبر من حجمها واصلا احاول قد قد قد ما اقدر ما افكر باللي حصل - بس الواحد احيانا من كثر الضغوط اللي عليه و كثرة الكتمان ينفجر ع شي تافه - و بالنسبة عن اختيار الوقت المناسب ! الحمد لله في هذي ابد ما غلطت - شكرًا لك.


..

للعضو / alnaloty .
* ذكرت في مشكلتي؛ اني انخطب كثير بس دايم يرفضون من غير سبب .
لو الكيف كيفي كان تزوجت من زمان وريحتهم مني.
..


بذكر لكم بعض المواقف و انتظر آرائكم / صَوِّبوني ان كنت على خطأ .. لأني ما كتبت هالموضوع الّا لأني محتاجه نصيحتكم "()

- موقف مُخلد في الذاكره مهمَا حاولت أنساه او أحاول ألقى مُبرر للي صار بس ما القى، أنطوي على نفسـيّ ��

في فترات من فترات عمري من 3 الى 9 سنوات - أُصبت في التهاب بالكلى كان جدًا مؤلم " كان الله في عون جميع المرضى - * لدرجة " وانتوا بكرامه " كان في الغالب البول يكون دم جدا مؤؤؤلم!
المهم وقتها كنت تعبانه مره وكليتي توجعني حيييل / أمي حطت لنا عصير انا و أختي، اختي شربته بسرعه و انا ما كان لي نفس من الألم
و كنت اغصب نفسي اشربه عشان ما يعصبون علي " كنت اشربه بشويش " فجأه كذا ما حسيت غير بأبوي سحبني للغرفه و نزل علي ضرب بكل شي قدامه " العقال + عصا + خيزرانه لدرجة انها تكسرت علي .. الخ كل شي قدامه قام يرميه علي ويصارخ " فشلتينا قدام الناس .. بزر .. ما تعرف شي.. كل اللي بعمرك عايشين طفولتهم و انت تسوين لي مثل الكبار" تشربين بشويش " !!! شايفين السبب الجميل هذا ؟ وغيره وغيره
المهم كنت اصيح و من الخوف قمت اناظر في أمي ابيها تكلمه او تقول شي ع الاقل : نظرت لي بنظرة استهزاء وقامت تضحك! وقالت خساره تمنيته يضربك اكثر !

- موقف اخر كنت وقتها عُمري 5 سنوات جيت ولقيت امي تضم اختي وتلعب وتضحك معها ، جيت انا من الفرح اركض لحضن أمي " دفتنـي عنها بقوه؛ وقالت بصراخ " ابـعـدي عنّـي .. أكرهــك أعوذ بالله منك "
و كملت لعبها مع اختي! - كنت متعوده على ردتت فعلها و ما انفعلت فقط ,رحت لسريري و دموعي هي من تواسيني !

- دايم تكرر علي كلمة أكررهك و انت اساس البلا ، مافيك خير .. الخ
هذا و انا توي ما كملت 5 سنوات!

- ما اذكر ابد انها ابتسمت لي او كانت على الأقل عادلة و مُنصفه * وبالمثل ابوي.

- اذا دخلت عندها غرفة النوم تكشف لي عن بطنها وتقولي شوفي : هذا انت السبب! انت اللي دمرتي عيشتي! انت اللي سببتي لي المشاكل, انت اللي حرمتيني (" تقصد اثار الحمل و التشققات ")
كنت اناظر و انا مذهوله و ارجع بخيبتي ابكي بصمت!

- مره سمعتها تكلم وحده من صحباتها كانت تقول لها : اول ما جبتها جاتني حاله نفسيه من بطني .. كرهتتتتها، و كنت اضربها و اجلس اهززها بقووه و اقول لها انت السبب. " عاد اقنعوني ان سبب كرهها لي من 18 سنـة عشان بطنها " !!!! المشكله انه الحل بسيط اي عمليه كان ممكن انها تصلح هالتشققات لأنه شي بسيط مُش مرا .. وليومكم ذا داااايم تذكرني! صح انه انا البكريه .. بس يعني اخواني ما خربوها من بعدي .. 18 سنة وللحين انا السببب! و دايم تقولي تعذذذبت في وقت ولادتك طلعتي روحي �� اول ما ولدت جلست يوم كااامل ما رضعتني الى ما دخل الدكتور عندها وهزئها لأن وصلت لحاله جفاف!

- انا ما احكي هالمواقف عشان يجي في بالكم انه اووه قلبها اسود وكله حققد وللحين تتذكر؛ بقول لكم انا قلت كذا عشان تكونون على بينة انه هالأفعال كلها من صغري و من وقت ولادتي !

- اول ما بلغت كنت مرره صغيره بلغت بدري تقريبا عمري 9 سنوات!
ما كنت عارفه ايش هذا الشي؛ خبرت امي .. سحبتني بقوه وهي معصببه كنت في حالة رعب! المهم بس اعطتني غيار البسه وتركتني
كنت ابي احد حولي؛ يكلمني؛ يفهمني يعلمني .. ابي شي دااافي بس اشربه او آكله ؛بس من الألللم مو قادره اتحرك " و فوق هذا كنت اصلي و اتعذب حيييل وقت الوضوء والصلاة " - لا تضحكون ترا ما كنت ادري وش السالفه " المهم بعد ما طهرت قامت تناظرني بنص عين وبضحكة استهزاء قالت أجل تبين العِـرس !!! بدري يا ماما اصلا محد يبيك
- ما كنت فاهمه وش قصدها - و من بعدها من استجواب لإستجواب
مع مين رحتي؟ وين كنتي؟ وش تسوين مع فلان! انا عارفه اصلا انه انت وفلان - صار بينكم اصلا - *تقصد انه انا رحت لأحد عشان يلمسني و انت اصلا قح** !!!!!!! ياربيه يا لطيييييييف! كل ذا وانا ما كملت 9 سنوات و الله العظيم والله اني ما كنت افهم بهالسوالف اببد!

- اذا ( جتني * العذر الشرعي ) تخليني اقوم انظف و اغسل الملابس واشيل اشياء ثقيله اجلس اترجاها وابكي عند رجولها بس تخفف عني, لكن لا حيـاة لمن تنادي!
و للحين ع هالموال, تخليني احمل اشياء ثقيله واغسل البيت كااامل و اشياء كثييير ما تطلبها غير لما تجيني عشان اتعذذب اكثر - ظهري يموتني من الالم وانا جالسه كيف لو تحركت و شلت شي ثقيل!
مره خلتني اغسل البيت 4 مرات ورا بعض تقول ما عجبني شغلك
او تجي توسخه وتقول لأبوي تعال شوفها كم مره قلت لها تقوم تغسل! !!!

- وقت ما بلغت طبعًا تغير جسمي وبدت تظهر ملامحي
و من وقتها صارت تعاملني و كأني ضرتها قسم بالله مو بنتها
اذا جاء ابوي وانا جالسه تقومني و اذا رحت انام تجي الغرفه وتقفل الباب و تقولي يا ويلك لو ابوك يجي! مو لأنها خايفه علي .. بس لأنها تشوفني كَـ ضره لها! اذا لبست وتكشخت تجي تقول لي تدرين اني احلى منك و ان ابوك يمووت فيني! بالله هذا كلام أم يا ناس أم لبنتها! تجلس تقارن جسمي بجسمها!

وغيره وغيره وغييييره
بالأول كنت اقول يمكن انه هي اسلوبها كذا، او ما تقدر تتمالك اعصابها بس لم شفت تعاملها مع اخواني قلت هذا فعلا كرهها لي!

. . .

في فترة من الفترات تعرضت لتحرش جنسي من تخطيط أمـي! !!
اه ياربي اه .. الله العـالم بكمية العذاب والألم النفسي اللي سببوه لي
- حسبـي الله ونعم الوكيل - لا خلوا ليلي ليل ولا نهاري نهار عذبووووبني تدمررت تحطمممت انجنييييت ؛والله العظيم كل الاشيـاء اللي صارت بكفه و تخطيـط أمي بكفـــة ثـاااااااانيه !!

اول ما صار هالشيء كنت مرعوووبه! ما قدرت اتكلم
و بعدها بشهر صارحت أمي! - منظرها مسسستحيل يغيب عن عيوني و لا ابتسـامتها! ما ابي احكي كثير لأنه خلاص شي وراح وما ابي تفاصيله ترجعلي .. المهم بعد سنـة كامله هاللعين خطبني!!!
- ما اخفيكم فرحة امي / لأنها كانت تعششقه!

- كانت هذي هي المره الأولـى اللي اقول لأمي و أبوي لا ما ابغى!
طبعًا هالكلمة جريمه بالنسبه لهم!
كانوا يغصبوني ع الروحه له وكانوا يحاولون يضبطون الوضع عشان يفتكون منّي " امي عشان تقدر تستفرد مع عشيقها؛ وابوي لأنه يبي الفكه مني " ما اذكر غير ان ابوي كان يسحبني من شعري على الدرج! من الدور الثالث الى الأول وبعدها يغمى علي من الضرب.

لأول مره اهلي يوافقون ع خاطب!
كان وقتها عمري 13 سنة! و هو عمره 50 سنة !!!!!!
يعني حتى لم وافقوا , وافقوا ع واحد .... !

والله لو لا افعاله وقذارته كان وافقت!
* اللي يغبن اكثر اني انخطبت قبلها لشباب صغار لساتهم بالعشرين و عندهم بيت مُستقل - و سياره - و وظيفه و براتب حلو!
كل هذا ما ملى عيونهم؛ وعذرهم انه يبون مصلحتي وشباب هاليومين مافيهم خير ولعابين! يـاااارب صبرني
انا والله مو ميته ع الزواج بس اللي معقدني فكرتهم هذي!

* الخلاااااصه من الكلام هذا كله /
كيف اتعود واتقبل حياتي هذه؛ لاني وصلت لمرحله انه خلاص مهما سويت هذي هي امي وهذا هو ابوي مرح يتغيرووون لو ايش ما صار! الا برحمة الله و قدرته طبعا.
صرت دايما متشائمه وبس ابكي! ما احس بأي طعم للحياة
بس عايشه بخوف وهلع وعذاب نفسي ��

مرات اقول خلاص بتزوج مين ما كان حتى لو كان يعذبني - اتقبل انه شخص غريب يعذبني ولا اشوف امي وابوي اللي المفترض هم الامان و الحياة انهم يعذبوني - يكفي العذاااااب النفسي - !

ايش اسوي عشان اتقبل حياتي؛ وانجح في حياتي العمليه؟
بسبب معاملتهم لي، ماني قادره اركز ولا انجز شي بحياتي ع طول حاسه بكمية ضغط و افقد تركيزي سريعا - بسبب الضغوطات النفسيه -

وشكرا جزيلا؛ وجزاكم الله خير ()

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig Hkh tugh uhri !

المصدر...