تصرفات زوجي معي

تصرفات زوجي معي

السلام عليكم
لو سمحتو هل انا مبالغه انا متزوجه من 4 أشهر أو اقل و ساكنه بشقه كل العماره فيها اخوانه و بيت امه جنبنا من ايّام الملكة و شهر العسل كان يقول تزورين اهلك مره كل أسبوعين بدون نوم لكن بعدها صار يخليني انام الخميس و الجمعه و يرجع لي السبت ولما صرت ارفض اروح انام عندهم جاء الحين قال انا بسافر لشغل كم يوم و روحي نامي عند اهلك مع ان اهلي بنفس المنطقة لكن اكتشفت انه يكذب و جالس ببيت أهله

اول شيء زوجي ممنوع عنده الزيارات للجارات و الصديقات بس اهلك و اهلي
ثاني شيء انا اتركه براحته و لا قد قلت له اجلس عندي و الا لا تطلع و اذا طلع ما اتصل فيه و لا ازعجه اتركه براحته ( مع ان ما عنده أصدقاء يروح لإخوانه و امه ) بس معيشني جو اني اروح لأصدقاء و انا عطيته جوه







الشيء الثالث بتقولون ليش ما تروحين لاهله والدته و خواته يحبون الخصوصيه و يرفضون زوجات اخوانهم و عيال اخوانهم انهم يحضرون اجتماعاتهم و يشاركون رحلاتهم و طلعاتهم فقط يأخذون اخوانهم بدون زوجاتهم و عيالهم بكل اجازه و ويكند
بس انا اللي مضايقني وانا مالي شهور ليش يرميني عند اهلي بالايام و لا يسال عني و عادي عنده أغيب عنه
والله أقفل على نفسي من اهلي صاروا يجلسون يقولون وش فيه عليك بينكم شيء و الناس اذا زاروا اهلي يقولون شفيها من بين خواتها دايم عندكم لا يكون زوجها عايفها


انا باختيار زوجي و كان مبسوط معي ومني و متلهف بس من رجعنا من شهر العسل صار كذا
* العلاقه الحميمية مو تمام بينا ( لاحظت عليه ملاحظات ان ما عنده خلفيه صحيحه بالكيفيه و يتأزم اذا جاء وقته و ما يكون مسترخي و داخل الجو فاحسه يحاول يعوضني بالمداعبات و الحضن ) وانا ما ناقشته ولا حسسته بشي و معطيته وضع اني مبسوطة بقربك و باللي يجي منك


صرت آشك انه ممكن يوديني بيوم و لا يرجع لي المشكله احبه
انا خايفه انه يفكر يطلقني يوم يبعدني عنه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jwvthj .,[d lud

المصدر...