مشكلتي مع صاحبي !!

مشكلتي مع صاحبي !!


السلام عليكم

بختصر لكم الموضوع وانتو احكمو بتصرفي

السالفه ومافيها انا وصاحبي تعينا سوا في منطقه بعيده شوي عن اهالينا

طبعاًً هو يعرف ناس في هالمنطقه وانا اعرفهم بس بشكل لزم يعني من بعيد لابعيد

وهو يعرف واحد منهم زين مازين ...طبعا اول يوم جينا قلت له احنا بنبات وبكره نشوف لنا حل نشوف شقه او شي

المهم انو صاحبه ذا دق عليه وقاله تعالو عندي (ماقصر طبعا رغم اني نبهت صاحبي لاتككلم احد هالليله لن كنا جاين من سفر وتعبانين ومالنا خلق نروح رسميات ونسهر ورانا صحيه الصباح عشان نباشر مكان عملنا )

المهم دق صاحبه وجا اخذنا لشقتهم ..طبعا من بكرا رحنا نباشر وفي الطريق قلت له احنا نبي نسكن لوحدنا مانبي نرتبط في احد ..(طبعا الي ضيفنا عندده هم 4 انفار بشقه ..ومتحاشرين ..وجنبهم 3 شقق يعرفونهم ..والشقه هذي الي احنا فيها الكل رايح جاي عليها مزار ومافي راحه ابد لا بنوم ولا غيره انا طفشت من الوضع وزهقت ..) وقلت لصاحبي لازم نشوف لنا شقه لوحدنا احسن المهم تمت الامور وااخذنا شقه واستاذنا من الي سكنا عندهم انو بنطلع لحالنا واحنا اصلن ضيوف اعتبرني عندهم ..وصاحبي كان متفق معاي انو يطلع معي ...وكل شي تمام ..طبعا انا ماارتحت لشقتهم لن دخان وازعاج وقلق وكل شوي فيها ناس جايين علينا ولعب ورق وماادري ايش المهم انو ماارتحت ابدا ..وانا انسان مااحب الازعاج والحشره والدخان وضياع الوقت ...لما طلعنا كنا نزورهم مافيها شي ابدا ...لاكن صاحبي مشكلته يسمع الكلام حق الناس وا وا ...ولفوو عليه وبدا يقتنع وجا صاحبه وقال احنا نبي نسكن معكم (يعني باالعقل لو احنا كنا مرتاحين معكم ماطلعنا ...لاكن تلحقني بشقتي بعد حركه مالها داعي ابداً ...(طبعا انا مو ماارتحت لشخص لا للوضع واخوياه مااعجبني جوهم ) المهم انو صاحبي ماكان عنده مشكه (هنا انا حركه ماحبيتها قد اتفقنا انا وياك نطلع ونسكن لوحدنا وانت ماكان عندك مشكله في اي شي ابداً ..و) والي ماحبيته كمان لو كانو يبو يسكنو معنا من اول قولو طيب نبي نكون سوا ..مو يوم طلعت واثثت شقتي ..(خلص اجار شقتهم وجو عندنا يعني باالعربي ملحجه ! .) المهم صاحبي اللحين مقتنع معهم رغم اول مابين لي كذا ابدا ..من اول كنت مرتاح ومن اول انت متفق انو نبي نطلع وقدامهم بعد ..حتا ماشاورني انو يجو عندنا المهم ..صارت بينا حساسيه هو يبغا معهم ..وبصصراحه صاحبي ذا بخيلل حبتين يحب الفلوس ! ...قلت له كل مازاد العدد مو معناته توفر باالعكس كل شي بشقه بيستلهك اكثر مو زي لما نكون اثنين ..طبعا الاجار رخيص مو غالي ابدا ..فرق بسيط يعني تبيع راحتك وخويك عشانه ..؟ وسوا حما قلت له خلاص انت اذا مرتاح لهم براحتك حاولت ممعاه بكل الطرق اقنعه مانفع يعني معقوله تترك صاحبك عشان ناس تو جيت عندهم ..وانا يشهد الله ماقصرت معه بشي كنت اعده مثل الاخو وروحاتنا سوا وجايتنا سوا وكل شي فجأه كذا ! المهم انا ماعدت اهتم لن تعبت افهمه ..وانا يوم جيت المكان ذا اصلن لي اخويا كثيره ولاكن قلت له انت خويي ماراح اتركك لحالك وتسكن لوحدك ..بنكون سوا دام جينا سوا وعملنا سوا وكل شي ..حسيت اني تحسفت اني بديته على نفسي ومارحت عند اخوياي الي كلهم يقلو تعال اسكن معنا خليت اخوياي زياره وجلست معك واستاجرت معك واثثت كل شي معك ! ..واللحين هو الي مخطط يتركني ! وش رايكم ..ادري الموضوع طويل عريض بس اتمنا تفهمتي علي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gjd lu whpfd !!

المصدر...