امي كسرت قلبي وما ترحمني

امي كسرت قلبي وما ترحمني

امي تكرهني وما تحبني تعست حياتي ونكدت عيشتي
وقفت بطريق سعادتي ولا رحمت مشاعري تضربني على وجهي وراسي بأقوى ما عندها
تعين اخواني علي وتتشمت معاهم علي ، كل فترة وفترة يذكروني بخطيبي السابق
ويتشمتوا فيني وامي تشتمني بأبشع وأفرغ الشتائم تسبني بكلمة يا قــ..... ويا شــ..... وكلام كثير يخليني احس اننا احنا مو اوادم ولا كأننا عيلة محترمة ولينا سمعتنا
للأسف امي من الناس اللي يعشقوا الذكور واحب تذل اللي يخدمها وانا والله العظيم شايلة كل البيت فوق راسي وبعض خواتي بس نايمات وتحترمهم لان لسانهم طويل واخواني يسبوا امي ويسبو الوالد
وتدعيلهم بالهداية وانا تدعي علي بأبشع الدعاوي تقولي الله ياخذك الله ينكد عليك
الله يحرمك السعاده الله يرزقك بزوج ينكد عليك عيشتك ويضربك صبح ومساء
والكل يتفرج وبلا سبب ، احنا ناس مرضى اي اتكلم جد امي لو قلت لها كللام عادي لازم تخلله زين وافكر عميق وبالاخير اتهمني اني اقصد كذا وكذا وانا يعلم الله اني ما قصدت غير اللي نطقت ولا جت ببالي كل اللي دار بعقلها
تظن بي سوء لابعد الحدود اذا شافتني اصلي بالليل اتهمني اني قاعدة ادعي عليها بالموت، تقول انت تدعي علي عشان اموت وتروحي تهملي وتشردي مع الرجال ، تتهمني تهم باطلة ، ما كفاها انها كسرت قلبي وخرمتني من خطيبي بسبب مشكلة بينها وبين الوالد ومن باب تأديب الوالد حلفت اني ما اتزوج لانها شايفة قد ايش الوالد فرحان ومستعجل وحاس أن البنات حمل ثقيل عليه وخائف علي من ضرب امي وامي عاقبته انها تحرمني وسوت اللي براسها وظلمت خطيبي معايا مالنا ذنب سوى أنها ما تحبني ولا تقدرني انا مسخرة بالبيت لاني اشتغل حتى إذا اشتغلت يهمزو ويلمزو علي وينادوني يالشغالة وامي كل ما شافت اخواني المعاقين تزيد مشاكلها علي وتتشجع اكثر قدامهم انها تهيني وتضحك علي معاهم ، بدون أي إحساس في مشاعري تجرحني وتخزيني قدام اخواني تقولهم هذي فاطرة بكرة ما عليها صيام ، امي غريبة حتى اذا جيت ابوس راسها ما تطيقني رغم أنها تجري ورا اخواني تبوسهم حتى لو سبوها وانا تبهدلني وكل شوية تقولي انا ابغى اقول للناس انك انت عاقة وتسوي كذا وكذا اخلي الناس تلعنك

يا ناس ايش اسوي امي ما ترحمني ولا تحس فيني انا تعبت من الحياة
تعبت من كل شي مجروحة وحزينة ومعايا هموم بقلبي ما يعلمها غير الله وامي كل يوم تزيدني بدون سبب على كلمة تخللها غلط على اي شي تافه على طول تتهمني بأشياء باطلة

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld ;svj rgfd ,lh jvplkd

المصدر...