انا في حالة انهيار زوجي

انا في حالة انهيار زوجي

انا متزوجه من ثمان سنوات وعندي اطفال وعمري 31
انسانه وصلت لحالة كره شديدة لزوجي وحقد وتصرفات طفوليه تصدر مني لدرجة انقد ع نفسي بعض الاحيان لكن قلبي غير نظيف عليه ابدا كرهته واكرهه بسبب مشاكل قديمه وكلمات قالها لي وسب وتجريح واهانات كثير وسلسله من الظروف معه ع الرغم انه عصبي ويندم بسرعه ويعتذر بطرق مختلفه وفيه بيننا حب متبادل لكن الحين اكرهه كره العمى واتمنى زواله وانكساره وادعي عليه ليل نهار لدرجة انتقمت منه بحركة نزلت من قدري بعين نفسي اهنته بوسط بيته وكنت قاصده اكسر عينه من وراه ودخلت بدوامه من الانتقامات رحت اتعرف ع زملاءه اللي بينه وبينهم خصومه عشان بس احرق قلبه وهم مايعرفون اني زوجته وصرت اتغزل فيهم ويطلع مني كلام ماعمري قلته لاحد لكن ندمت ندم شديد مو عشانه بس عشان كنت انسانه صالحه وملتزمه وكرهي له وداني بداهيه لكن الحمدلله العلاقات بحدود النت ماعدا شخص مايعرفه جبته للبيت بس ماحصل بيني وبينه شي بس قهوه وكل مااتذكر اني جبته للبيت احس بنشوة انتقام صرت مااصلي فتره وكلها من نفسيتي الزفت ورحت لاهلي لكن رجعوني عشان عيالي والحين متورطه بكرهه عقب ماكنت اموت واعشق ترابه وش قلب حالي كنت اعشقه الحين اكرهه واسب بشكله واقارنه بالرجال الحلوين ومع ذلك هو بدا يسكت ويمشي الوضع وانا مو مرتاحه ابي اعيش حياه حلوه انا مب. راضيه عن حياتي معه نهائي خلاص قلبي قلب عليه افكر اهرب منه افكر باطفالي اتراجع الان اكل حبوب الاكتئاب وماسكه نفسي معه اول كنت احاول اوضح له واحاول اتقرب له وابي حياه رومنسيه معه لكن ماعطاني فرصه او اني مافهمت شخصيته مزبوط لكن الحين مابي شي منه بس اطالع في جيبه يعني اقول زين استفيد منه
مع العلم ان عليه ملاحضات شرعيه قويه ومايصلي للاسف بعض الاحيان لكن انسان طيب وفيه خير للناس كثير ويحب اطفاله وماقد خان او غدر فيني لاني اراقبه بشده واتجسس عليه بشكل مايرضي لين عرفت هالنقطه وهوانسان عملي وطموح وعمره جرحني بشكلي او استهزيء فيني لكن وقت المشاكل مايحترمني وقد ضربني لكن من النوع اللي يتراجع بسرعه ويندم انا احس المشكله فيني عين او سحر لاني تحولت من انسانه ملتزمه الى العكس واحلامي مخيفه جدا واشوف ظلال يتحرك واطنش وصرت اسمع اغاني ابي انظف قلبي من الحقد اللي بدا يتعداه ويوصل للناس كرهت الناس كلهم صرت انسانه عدائيه بشكل قوي
انا كيف انسى وابدا صفحة جديده معه ابي ارجع احبه ابي مشاعري ترجع لي وسكينتي فقدتها :(
ابي ارجع انسانه ملتزمه اللي اقوم الليل واختم القران كل اسبوع وش حصل ابي تفسير !!

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hkh td phgm hkidhv .,[d

المصدر...