سلام عليكم ورحمة الله وبركاته
كرهت حياتي بسبب اهلي ويحطون الغلط علي ابوي يوم نكون انا وياه لوحدنا يصير كويس معي ويعاملني كويس واحلى معامله حتى امي زيه ولكن يوم اجي عندهم كل واحد شايف نفسه اخوي الكبير فيه حركات غير طبيعي الحين سيارة ابوي اذا سقتها وابوي اساس هو قالي رح يجي هو يقعد يطالع بنظرات ويروح يعلم ابوي ويطلع كلام عني وابوي يصدقه ويسحب السياره مني ويصرفني يقول لعد تسوق مصدق كلامه حتى امي اذا جيت اوديها ابي ابر فيها ابي اكبر في عينها يجي ينافخ عليها هو مايكلمني متزاعلين المهم ينافخ عليها مامسكت نفسي قمت سبيته راح علم ابوي وجا ابوي جلدني لين ماعظيت الارض اقوله يقعد ينافخ على امي كان واحد ماكل حلاله وتبغاني اسكت قال كان علمتني تكرر ذا الموقف ورحت علمت ابوي ما قال شي حتى سيارته اذا مريت من جنبها يقعد يفحصها فحص حتى اهلي مع انها قديمه وماهي له ولا دفع فيها ريال وحركاته ولله تقهر ودي امسكه واذبحه هو بنيته ضعيفه واقصر مني ولكن امسك نفسي وماارضاها ادعي عليه واروح يقول انا البيت فوق ظهري ومدري وش ويقول انتم ماتسوون شي وهو جالس تحت المكيف ولا داري ابوي يطلع الديره وياخذ اخوي الصغير معه ويترك 4 بنات واميفي ظهري يرسلوني اربعه وعشرين ساعه ويقول كل شي فوق ظهري لحد يقولي يخاف عليك ولا شي انا حصلي موقف عرفت فيه من معي ومن ضدي انا قدر الله علي وانكسرت يدي سوو لي عمليه وعانيت رجعت البيت محد قالي الحمدلله على سلامه الا ابوي وكلهم طز وقتها المدرسه بعيدا جدا عن بيتي كنت اداوم الروحه يوديني اخوي وهو ماله نفس وفي رجعه ابوي يقول دق عليه دقيت عليه يقول انقلع كعابي ولله العظيم رجعت شايل الشنطه بيدي والثانيه مكسوره قعدت على هل حال ترم كامل ولله العظيم مافي احد عضد لي ويكون سند الا اخوي الصغير مافي احد غيره وكلهم ماهم فاضين همهم نفسهم ولله كرهت حياتي وكل شوي اهددهم اخش عسكريه واقول عشان تفتكون مني وافتك منكم ماودي انكب نفسي على ناس ماتستاهل عمري 18 خلاص يعني كبرت يمديني اكون لي حياه مستقله عنهم وش الحل معهم احاول اكون طيب مانفع اكون عصبي مانفع صرت انطوائي وصرت معد اطلع من الغرفه جا ابوي كلمني قال رح اطلع حارق اعصابك على شي مايستاهل وش الحل اسوي نفسي ثقيل بس كيف؟
;vij pdhjd fsff o,hkd ,o,hjd
المصدر...
22nd June 2017
كرهت حياتي بسبب خواني وخواتي
تقرأ وترحل شارك معنا برد أو بموضوع
العرض العادي
