متزوجة مهمومه وحياتي غلط بغلط

متزوجة مهمومه وحياتي غلط بغلط

ابكتب ابفضفض والله ع مااقول شهيد ع كل كلمة


متزوجة وبالثلاثين وعندي اطفال ومسؤليات وماشيه بطريق مادري وش اسميه لااقدر اقول انه غلط لاني ماسويت غلط واضح ولا اقدر اقول صح لاني حاسه انه ابدا مب صح
اللي خلاني اكتب مشكلتي مع زوجي شغل بالغلط حاجه مو زينه مع انه هو ع نياته ولكن فيه شخص الله يشغله بصحته مؤذي بالرسايل الوصخه الزبده اني ثرت وماخليت شي وقليت الدنيا فوق تحت واللي تعب بالموضوع اكثر هو انا اول شي هو مايفهم اني اغار عليه يفهمها اني ابتحكم فيه بس لااكثر
بعد المشكله انا التفت لنفسي شوي قلت يمكن الله يعاقبني باغلاطي طبعا انا زوجي ممنوع اي برامج انزلها ومخليني ع راحتي ومعطيني الثقه ولا يفتش علي بس انا امشي اخطي مادري شفيني كثير قالو مس بس انا مااعلق اي شي بالامراض الروحيه انا فيني خلل مب عارفه وين
ومادري من وين ابدا اولها ان ماعندي حواجز مع الرجال نزلت برامج بدون علم زوجي وانفس عن نفسي فيها واشوف فيها كل شي واشوف فيها مالايرضي الله واتعرف واسولف وادق حنك مع العالم واضيف سناب واصور نفسي بس طبعا شي مو مخل بس احاول اجذب العالم واتراجع مااستمر معهم ولا احس تجاههم اي شعور ولا ادور عندهم رغبات او شي احس عندي نقص واللي يكلمني بقلة ادب اهزأه واحظره مع اني انا اوصلهم للشي هذا لكن شلون اتخلص من المرض اللي انا فيه ابي اعيش لااطفالي واهلي وحياتي ابي التفت لنفسي وبس ابي اتوب مو عارفه شلون وكيف اذا تذكرت زوجي يشوف بالواتس مقاطع وكذا واذا تذكرت تجريحه لي انقهر واحس اني اخذت حقي بالاشياء هذي وانا اظلمه صراحه بحركاتي واخون ربي وثقة زوجي مع العلم هو ماعنده برامج وواتس فقط ويوتيوب ويوريني كل شي بس انا مريضه فيني مرض عقلي
ماقدر افضفض بالموضوع الحساس هذا ابي احد ياخذ بيدي نصيحه او دعاء ابي اتخلص من الشي هذا مو قادره مو ضروري اعيش ب برامج والله ماشيه حياتي بدونها بس ادخل اوسع صدري واشوف الجديد بالدنيا والاخبار بعدين اجر لنفسي شوي شوي ابي احد يوجهني كيف اتخلص من العالم والبرامج ابس اقناع اكتب لكم وانا ابكي اقول يمكن ربي معاقبني بزوجي ونفسيتي

دايما احس اللي انا فيه عقوبه كيف اتوب وارجع كيف اكفر عن اول كيف استغني عن البرامج بدون ماارجع لها لاني احذفها وارجع

شكلي وانا احذفها من ورا زوجي مره سيء
انا مو متوفقه لا بصلاة ولا عباده وانا اقرا القران يوميا بس عندي عله
مو متوفقه ولا متوظفه مع اني متخرجه من تخصص فوق ممتاز
هواياتي اندثرت نفسيتي جدا سيئة واخذت حبوب نفسيه وتركتها ورجعت اخس من اول لاتقولون من الحبوب انا قبل اكل الحبوب كذا شكلي ونفسيتي وماعندي ثقه بنفسي ولا شكلي عشان كذا احاول الفت الانتباه
تكفون فيدوني واللي يقرا يدعي لي بينه وبين نفسه انا تعبت انا فكرت اخلص من الدنيا ذي اتمنى اليوم قبل بكره حياتي متناقضه
حياتي مع اطفالي زفت مو معطيتهم الي يبون ويحتاجونه
زوجي مو مقصر من ناحية اكل وشرب ولبس ولو ان الماديه ضعيفه بس انا مايهمني الماده كتبت عشان الكل يكون بالصوره انا عجزت افهم الرجال هذا ادري انه يحبني بس مهمل ومايعبر واهتماماته غير عني مشغول بالناس وبالعمل وبخدمة العالم وفزعات لهم واذا قلت شي قال أنتِ تحبين الخرابيط والافلام
وانا شخصيتي اموت اذا مالفت الانتباه عندي خلل بالنفسيه كيف اعالجه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lj.,[m lil,li ,pdhjd yg' fyg'

المصدر...