تصرفات خطيبي الغامضة أرشدوني يا رجال..

تصرفات خطيبي الغامضة أرشدوني يا رجال..

السلام عليكم ورحمة الله وبركاته
عمري 20 سنة تملكت من شهر على رجل يكبرني بـ5 سنوات،
رأتني والدته في محفل كبير ثم خطبتني له، يبدو لي من قرائن متعددة إن والدته بالغت في وصفي له حتى ربما تخيلني من الحور العين! وهذا خطأ صراحة لأنه كان متحمس جدًا للعقد والزواج، لكن بعد الملكة انصدمت منه مررة
في نفسي قلت وين اللي يقولون الملكة أجمل أيام العمر!
آخ بس
يعني صارت أشياء غريبة مناقضة للوضع بالكامل أشعرتني أنه ما ارتاح أو إنه وافق عشان يرضي أمه لأن أمه تعلقت فيني تعلق شديد حتى قالت للوالدة بالحرف الواحد (قلت له -تقصد خطيبي- إن كانك ما تبيها باخذها لأخوك)!
بسرد الأمور اللي لاحظتها وأفيدوني خصوصا الرجال هل تحليلي صح ولا لا:
- أول لقاء بعد الملكة تخيلوا إنه ما يحط نظره علي إلا ما ندر يعني يطالع الطاولة والكنب وينزل عيونه تحت لكن يشوفني لا !
وصراحة أشعرني بعدم الاطمئنان والارتياح على الأقل لا يتكلم، لكن يحسسني بنظراته الحانية والمعجبة إني مرغوبة حسيت إني رجال جنبه مو زوجته أو أنثى أمامه تميل لها النفس بالفطرة !
وأنا متأكدة من صلاحه وبيئته وإنه ما يطالع لا أفلام ولا غيره عشان أقول مستغني ولا حتى قد سافر برا..

- الشي الثاني 70٪ من الجلسة كلللها يمدح نفسه ويرفع لنفسه ويباااااالغ جدا في الاطراء على نفسه وفلان مدحني وقال كذا ومدري ايش (يمدح نفسه بطريقة منفرة جدا وانا ما علق علي ولا بحرف كأني مزهرية قدامه)

- الشي الثالث يكرر اكثر من مرةخلال الجلسة الاولى بس من الملكة: خالي فلان عرض علي بنته وال فلان عرض علي بنته عدد حول 7 ناس عرضوا عليه (مدري وش قصده من سرد هالكلام لكن اللي حسسني فيه اني تراي شخص مرغوب ويمكنك ما تستاهليني، يمكن ما يقصد كذا لكن طريقة حديثه فرضت علي الفهم بهذه الطريقة)

- لكم إن تتصورون انه رسمي جدا بمحادثته معي رسمي مرة مرة يعني يرسل صباح الخير وش اخبارك بس
طبعا ما يتصل علي بس بالواتس نتكلم
الا صدق مرتين بس اتصل وكان عند محل بياخذ رأيي على أمر من الأمور بالبيت..
وما يعطيني مجال صراحة اني آخذ وأعطي معه جاب لي إحباط صراحة، اكثر من مرة مثلا أحاول استرسل معه واسولف ألقاه يسحب ولا يرد أو يرد كلمة ورد غطاها.

- الشي الاخير الامور اللي ذكرتها فوق لاحظتها لما زارني أول مرة بعد الملكة يعني بجلسة وحدة بس لاحظت الملاحظات السابقة في الأعلى، والأمر اللي زاد غرابتي لما شفته رسمي كذا قلت يمكنه مو حق واتس ومكالمات يعني مو من طبعه التطويل والتبسط فيها، فعرضت عليه يزورني لكنه يتعذر بعذر كل مرة، مرة قلت له قالت تعبان مزكم، ومرة ثانية قال مشغول تفشلت صراحة لما كررت له مرتين طلب زيارتي وكأني ميتة عليه وأنا والله ما ابي الا افهم هالرجل الغامض.
أفيدوني خصوصا الرجال يمكنكم تفهمون لبعض..

وامي تلح علي بالانفصال تقول ما يستاهلك، انا ما ألوم أمي لأنها أم وتغلب عليها عاطفتها لبنتها؛ لكني ما أبي استعجل ابي موقف عقلاني من ناس خارج صندوق المشكلة
وللعلم الحمد لله معاييري مقبولة وخطابي كثير من وأنا صغيرة يعني تقدم لي غيره 20 وما قدر الله أصير الا من نصيبه وليته يقدر..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jwvthj o'dfd hgyhlqm Hva],kd dh v[hg>>

المصدر...