هل قد حان وقت الزوجة الثانية ؟

هل قد حان وقت الزوجة الثانية ؟

السلام عليكم ورحمه الله وبركاته


صراحة ترددت كثير في مشورتكم بس يوم شفت الردود ومدى مصداقيتها وحثها على حل المشكلات بعيداً عن التعصب بين الجنسين توكلت على الله وكتبت هذي الاستشارة

انا متزوج عمري ٢٨ وزوجتي ٢٥ وبيننا طفل عمره سنتين، ومشكلتي بان زوجتي ما تهتم في نفسها وما تعرف تخلص امورها من ناحية اختيار ملابس اختيار مكياج اختيار اثاث بيت او التخطيط لشي مستقبلي او اي شي و ما اقدر اعتمد عليها في اي شي حتى في تربية طفلنا والاهتمام فيه، مره لقيتها معطيته حلاو مو مناسبه لعمره الي ما تنهضم بسرعه وهو عمره سنه وقلت لها ليه قالت هو يبي، واحيان ياخذ اشياء ويحطها في فمه وهي ولا على بالها تقول بكيفه انا قلت له وهو ما سمع الكلام وكذا مره افهمها واهواشها ومافيه فايده. وبالنسبه لنظافتها كذا مره فهمتها وعلمتها ومع ذلك لا حياة لمن تنادي، كذا مره اقولها احلقي الشعر الي طالع من خشمك لان شكله مقزز جدا وما اتحمل اشوف احد بهذا المنظر، وفيه امور ثانيه تتعلق بالنظافه الشخصية ماودي اتعمق فيها وذكرت الي قبل شوي على سبيل المثال لا الحصر. ومن الامور الي تضايقني انها احيان ما تطبخ وانا من النوع الي ياكل من اكل البيت، يعني مثلا ٤ ايام تطبخ وجبتين في اليوم واليوم الخامس تقول ما قدرت خلاص. وطبعا ما عندها قابلية تتعلم اشياء جديده وياما فهمتها وعلمتها وصرت انا الي ادور ع وصفات واتعلمها واعلمها لانها ما تتعلم بسهوله وتحب تعتمد على شخص ثاني انه يبحث ويسعى ورا الشي عشان تلقا الشي جاهز. وايام الويكند اكثر شي ينرفزني فيها انها تشوف وش الي يناسب اخواتها وازوجتهم في الطلعات والروحات و تقرر بدون ما تشوف الي يناسبني وكذا مره افهمها باني ماراح امشي ع كيف اختها وزوجها مو دايم الي يناسبهم يناسبني لارتباطي بالعمل والدوام ومع ذلك تسوي مشاكل.
اعتذر ع الاطاله بس هذي كانت نبذة بسيطه وسريعه.

حاليا انا افكر في الزواج بالثانية لسببين:

السبب الاول اني احتاج زوجة اعتمد عليها واتعلم منها وتتعلم مني وما تكون تعتمد علي في كل شي كاني ابوها ،ويكون لها شخصيتها بحيث مو كل من هب ودب لعب في عقلها سواءاً من طرف اهلها او من طرف اهلي.
السبب الثاني اني احتاج زوجة تهتم في نفسها وتكون مملوحة او جميلة
السبب الثالث باني احتاج يوميا وجبتين في اليوم ماعدا يوم او يومين في الاسبوع (طبعا نادرا اني اتقهوى او احلي لان المصون ماتقدر تسوي اكثر من شي في يوم واحد)

لكن الي واقف في طريقي ان زوجتي الاولى بتسبب مشاكل وبتطلب الطلاق وانا ما ابي اطلقها صحيح اني ماحبها بس عشان العشرة الي بيننا والولد ما يتشتت.

وهل لو طلقتها هل تتوقعون بان الثانيه بتنسيني الاولى ؟ احس ماراح تهون علي العشرة ابدا
وهل الطفل فعلا بيتشتت ؟

طبعا كتبت لكم وانا مجرب جميع الحلول ودخلت اهلي واهلها في الموضوع كذا مرة

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig r] phk ,rj hg.,[m hgehkdm ?

المصدر...