تعبت وانا لسى صغيره

تعبت وانا لسى صغيره

السلام عليكم ورحمة الله وبركاته
انا لا اعترض على قضاء الله ابدا بالعكس احمد ربي دايما وابدا وان شاءالله ربي كاتب لي الخيير
انا عمري 18 وقريب على 19 كنت انسانه طبيعيه الكل يحبها وكنت ملفته للناس بصغري اهلي يقولون كذا
المهم يوم عمري 6 سنوات ارتفعت رجلي يعني انشدت الاعصاب صرت امشي على اطراف الرجل يعني كأني لابسه كعب اهلي يقولون انوا كنت امشي زيهم بس بعدين فجاءة ارتفعت وبعدين يوم صار عمري 11 سويت عمليه تطويل عصب وبعدها المفروص اروح امرنها بعد العمليه بس رحنا مستوصف كذبوا علينا وماسووا شيء وانا كنت صغيره وقتها المهم بعد العمليه انشدت اكثر ماصرت اقدر احط الكعب على الارض ابد
وسمنت مرره حتا الكل يعطيني اكبر من عمري ونفسيتي انعدمت وحتا صديقاتي محدودات وكلهم عشان مصالح احس اني وحيده وثقتي في نفسي مهزوزه مره عند الناس وما اقدر البس جزمات اللي ابيها او حتى بنطلون او فستان قصير كله بسبب رجلي ما ابي احد يشوف هشيء حتى الناس القريبه مني يستنقصون فيتي يحسسوني اني ناقصه مايعتمدون علي يخافون اطيح شيء او اكسره واكره شيء عندي احد يناظرني نظرة الشفقة لا ترى انا انسانه طبيعيه مافيها شيء والله ليه يسوون كذا بالمدرسه اطيح كثير بالبيت بكل مكان لازم اتفشل لازم يصير لي موقف يحرجني
ما اقدر اسلم على احد زين لاني ما اثبت على رجلي اتهزز ما اقدر اوقف ثابته لازم اتهزز اهلي يقولون عين بس رحت عند مشايخ كثير ولا فاد سويت علاجات طبيعي ولا فاد رحت مستشفيات كثيره كلهم يقولون وراثه لانوا سويت تحاليل لبريطانيا وقالوا وراثه فا خلاص ماخذينها انوا مافي حل
صرت دايم افكر محد يبيني حتى بالمدرسه اخجل من البنات صرت ما امشي معاهم دايم جالسه بالفصل مااشارك نفسيتي مدمره حتى شعر راسي شيب شوي حتى الصلاه اصليها وانا جالسه بسبب رجلي لانها مشدوده ما اقدر اجلس على ركبتي ما اقدر اقوم الى لازم اتركى على شيء ركايه او جدار بعدين قبل 3 سنوات جاني مرض كرونز والحمدلله على كل حال سنتين كنت اعيشها بعذاب بسبب هالمرض ما اقوم من السرير كله بكاء من الالم امشي بالعربيه هو في القلون ويعتبر نقص مناعه رحت للطبيب وعطاني ادويه استمر عليها مدى الحياه لانه مزمن هالمرض والحمدلله تحسنت كثيرر الحين اقرب وحده لي بتتزوج وهي اصغر مني الله يوفقها جولها قبل 5 خطاب ورفضتهم بس انا محد جانيي للحين وابي اتزوج بس كيف ورجلي مين بيقبلني مين يبغاني ؟حتى الحريم يشفقون علي كيف يبغوني زوجه لاولادهم ؟ انا عارفه ان الزواج قسمه ونصيب وهشيء ربي كاتبه بس نفسي اتزوج الحين اتمنى انكم تدعوون لي بزوج الصالح اعتبروها فضفضه اخت لكم وانكم تساعدوني بأي شيء تعرفونه يحل مشكلتي لو حتى شوي او دعم او كلام يجبر بخاطري لاني مكسوره حيلل ودعواتكم لي ان ربي يشفيني ويحقق لي اللي ببالي يارب والله يجزاكم خير استودعتكم الله

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

jufj ,hkh gsn wydvi

المصدر...