لماذا زوجي يتعامل هكذا؟

لماذا زوجي يتعامل هكذا؟

السلام عليكم..

انا وزوجي متزوجين من 5 سنوات. لكن في طبع ما استطاع ان يتخلى عنه منذ اول ايام زواجنا وإلى الآن

اهله يسكنون في منطقة بعيده ولما نروح لهم نقعد يومين تقريبا لكن كل ما نروح لازم مشكلة بسببه

يصبح يعاملني معامله غير لائقة ويتمصخر علي قدام امه واخته و زوجة اخوه..

حتى احس امه ما تحترمني ودايم تحاول تغير في شكلي.. احس انه مش عاجبنه شكلي لانه مره قال ان ابوه يقول الجمال نقمه.. واذا تزوجت جميله تعيش حياتك في قلق..!

حريم اخوانه كلهم جميلات وانا اقلهم جمال

واستنتجت من هذا كله انه لا يراني جميلة.! لا تقولون اهتمي وما اهتمي وجددي.. ثيابي اغيرها بين فتره وفتره وشعري اغيره.. ومن يوم تزوجنا وعمره ما شاف لا شعر منكوش ولا وجه بدون مكياج حتى لو خفيف ولا لبس مكرر.

زواجي كان تقليدي وانا اكبر عنه وشافني نظرة شرعيه لكن زواجي واضح الهدف منه لاني متوظفه وهو وظيفته لا تغطي تكاليف المعيشه

الحين طلع موال جديد.. امه من نطلع لحد ما ندخل وهي تمدح في بنتها قدامه !! في جمالها وشكل جسمها وتوصف.! والبنت فعلا جميله جدا.. بس ليش هالمدح المبالغ من نطلع لحد ما ندخل..

المهم.. ليش الزوج تتغير معاملته فجأه اذا رحنا عند اهله ولازم يكدر خاطري..

وعندي في البيت عادي..

هالمره ارسلت له رساله انه لازم يحترمني قدام اهله وما يكلمني بهالطريقة
. ما رد علي ومن اسبوع ما يكلمني وصار ينام غرفة ثانيه.. وكل وقته برا؟
احس انه انتظر اني ازعل وما صدق..

اتمنى تجاوبوني ليش يصير كذا يوم نروح عندهم؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

glh`h .,[d djuhlg i;`h?

المصدر...