ضيعوني أهلي

ضيعوني أهلي

احترت كيف اكتب مشكلتي ومن اين ابدأ
اهلي ضيعوني ما اعرف اختصر كل الكلام من عمر 18 تقدمولي الكثير ودايما اهلي يرفضون بحجج غبيه
مرات لشكله وطوله ومرات امه فيها عيوب والاكثر سببا يطلعون عيوب فخلق الله شكله طوله اخته امه وصل عمري
28 تقدملي شخص محامي ولا يوجد فيه اي عيب قلت ل اهلي اني موافقه هاجموني بدون اي سبب مقنع وقالت لي امي لو تبيه جد روحي المحاكم وابوي معاها رفض وقالتلي نحنا مب راضيين عليكي دنيا وآخره ولا نبي نشوفك فبيتنا وروحي استقبلي الناس فبيت ثاني واطلعي برع البيت .. طبعا كنت احاول فيهم فتره بعدها
فقدت الامل وصعب افهم الناس اللي صار واتفشل قررت انسحب واترك الموضوع وفعلا تركته وكان آخر شخص تقدملي والحين مرت كم سنه وصار عمري 32 من شهرين تقدملي شخص يصغرني ب خمس سنوات عسكري وراتبه محدود ومديون وشهادته متوسط ما كمل دراسته المدرسيه ولكن يملك بيت واهله سمعتهم طيبه وهو شخص سمعته جيده حسيت انها الفرصه الاخيره ووافقت لأن حياتي جحيم مع اهلي قلت لهم اني موافقه هاجموني انه لونه عبد وانه العبد للعبد وان اهله شكلهم يخوف وانهم سحره اتهمو الناس بالسحر بدون وجه حق ولا يوجد اي دليل على خرافاتهم وسمعت نفس الكلام بينا المحاكم واطلعي برع البيت ومب راضيين عليكي دنيا وآخره عطيتهم مهله اسبوعين احاول فيهم اصرو على كلامهم قلت هالمره ما راح اعديها عمري يعطيني حق فدولتي اسوي اللي ابيه بدون ابوي تواصلت مع المحكمه وتأكدت اني اقدر اتخذ قراري بنفسي وفعلا طلعت من البيت ورحت لبيت اختي قعدت شهرين تواصلت مع اهل الرجل وقدرت اتواصل مع الرجل نفسه وتفهم الموقف وراضي انه نروح المحكمه قلت بعطي اهلي آخر فرصه وقررت ارجع لهم واحاول اقنعهم لآخر مره رجعت وليتني ما رجعت فالبدايه استقبلوني بالكلام الطيب وقعدت كم يوم قلت بفتح الموضوع فتحته قالتلي امي تبينه بنطلب 150000 مهر وبيت فمنطقه ثانيه غير بيته اللي يملكه وانه ابوي حالف ما يملك فيني وانه اخوي يكون مكانه وشروط تعجيزيه انصدمت هم يبون يطلبون هالاشيا عشان يتراجع ويرفضني تعبت نفسيا احس اني ضعت هل ارجع وآخذه فالمحكمه وبدونهم وبدون هالشروط التعجيزيه ضيعوني اهلي ضيعو عمري ابي شوركم قبل ما اتخذ آخر خطوه وسامحوني ع الاطاله واللي كتبته هذا ربع معاناتي ..
ملاحظه ( انا حاملة مرض فيه ناس ترفضني بعد ما تعرف مرضي ونادر الناس ترضى وهالشخص رضى فمرضي وكل عيوبي )
وجزاكم الله خيرا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

qdu,kd Higd

المصدر...