طاح من عيني

طاح من عيني

السلام عليكم انا متزوجة من ٤ سنوات وعندي اطفال.

زوجي تعبني كثير..

اولا والادهى والامر كان علاقاته المحرمه.. ودخلنا في مشاكل ودوامه كبيره لحد ما قررت اني اسامحه وحفظت سره ومافي احد عرف بالموضوع. يعني عانيت بيني وبين نفسي.

ثانيا دايم كان ياخذ من فلوس بكميات كبيره. حتى السياره انا اشتريتها له وباسمه هو. لكن بعد اللي سواه قررت ما يشوف مني فلس. لانه هو يشتغل وله راتبه. وسوى لي ضجه في البنك انه اسحب له ورفضت..
وقعد يسمعني كلام زي السم.. وبعدين اعتذر..

يعني لا استقرار مادي ولا عاطفي.. مش قادره اصير معاه زي قبل.. قبل اذا دخل حضنته وجهزت اكله والحين اسلم ببرود. قبل انا اللي ابادر والحين صرت ما ابادر وصار ما يقربني.. طاح من عيني وما احس اني مع رجل اقدر اعتمد عليه.. وهو مش فارقه معاه قربته ولا لأ. احبه وفي نفس الوقت اكرهه.

وفوق هذا شايف نفسه علي.. دايم يقول انه هو احلى مني.. وامس يشتكي لي ان عمته زمان ما خلته ياخذ من بناتها.. **على اساس انهم عايله جميله ** ويشوف اهلي ناس متخلفه..

ايش الحل؟ ٤ سنين واهلي واهله يحسبوناننا مرتاحين

يعني اذا كلمتهم بيكون هذا حل؟ انا صراحه ما احس ابدا بحاله نفسيه جيده وتعبت

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

'hp lk udkd

المصدر...