تزوجت والضيقة والحسرة ملئت قلبي

تزوجت والضيقة والحسرة ملئت قلبي

السلام عليكمورحمة الله وبركاته
اتمنى تتفهمو وضعي لأني تعبت تعبت جدا على قدر ما حاولت نسعد نريح بعض لكن الأن لم تعد تفرق معي نبقى أو ننفصل
تزوجنا شهر الحجة اعمارنا ٣٦ موظفين كان هناك فترة ملكة شبكة كم شهر قبل الزواج تقريبا عرفنا اطباع بعض شوي اتفقنا على خطوط عريضة بحياتنا بعد الزواج
منها على سبيل المثال .. الخصوصية التامة .. عدم رفع الصوت .. عدم النوم بعيد عن بعض وقت الزعل..و حل مشاكلنا بهدوء وعدم ادخال احد بيننا وغيرها من الأمور
البنت كانت على احسن ما يكون تفهم .. وخطاب ولباقة.. وحتى مساعدة قالت محتاج شيء بساعدك سواء مادي أو معنوي قبل الزواج بيومين حسيت تغير جينا وقت الزواج اخوانها ولا أحد اهتم أو يتواصل معها بس جايين يتصورو ويجلسو انا اضطريت أترك الرجال وقت الزواج وقت كبير لأجل أصلح مشاكل وأمور بقاعة النساء هي منسقتهاوكان المفروض أحد من اهلها يكون واقف معها فاضطريت وقلت خلها تفرح وتكتمل فرحتها وأنها حسرة علي لحد الأن لما ستعرفونه لاحقا
انتهت الليلة انبسطت قدام أهلها صحباتها رحنا فندق وحاجز جناح شهر عسل لكم يوم على بالي بيكون عسل .. اول ماجلسنا على السرير وهي بفستان الفرح قاعده تحكين عن فلان وعلان ما ضبطو هذا تمام وكويس انك كلمتهم ومدري ايه ولا كأننا عروسين جدد مع بعض حمحمت أحاول افهمها بعدين شفتها مطنشه قلتلها نبغى نستمتع بلحظتنا والله أشياء كثير سويتها لها لأجل تنبسط هاللليلة واشياء فكرت فيها ولأجل نسويها اخرتها تهرج ففلان وفلتان..
إلا بكل برود لما جيت أمسك فستانها تقولي معي ذيك الدورة.. أنا هنا جاتني صدمة كبيررة وقلت لا خلك عاقل احسن منها .. قلتلها نعم كيف وليش قالت جاتني قبل الزواج بيومين... حسبي الله بس قلتها طيب وين اتفاقنا وين اللي قلتلك لأن لا اخذت حبوب ولا اي شيء ولا اهتمت.. يعني احسن ليلة دمرتها من البداية بعد كل هالخسائر
طيب مشيت الوضع سافرنا من بداية السفره لنهايتها قلبتها نكد وزعل.. البنت اتغيرت ٣٦٠ درجة
المتفهمة الواعية الناضجة صاحبت الفكر السليم كله راح وانتهى
من يم رجعنا بيتنا راحت ونامت لوحدها وقفلت الباب بس كذا مزاج ..
صار على بالها تسبق الأحداث يعني تخاف انا ازعل اروح لوحدي هي تحاول تسبق رغم مالي نية لأي شيء زي كذا
حاولت اطنش اداري المواضيع ما ازعل مشيت اول ليلة وما حسستها بشيء .. لكن ما بعدها أمر وأمر

اتمنى تركزو بهالكلام وتنصحوني وتفيدوني بحاول أختصر المشاكل الحالية وبعضها ممكن بسبب التراكمات السابقة

معقوله وحده بهالعمر ما تعرف دورتها متى تجي ومتى تروح انا ما صار لي أي رغبة اقرب منها أو اجامعها أحس نفسي مغصوب عليها انا ما تزوجتها عشان جمال لأن شكلها عادي بس تزوجتها لأجل ما سمعت عنها وشفت من رزانه وهدوء وتفهم وتقدير قبل الزواج واخرتها أغلبه عكس لأن كان كلامها خلقها طباعهاتخليني اشوفها احلى وحده الآن جد جد ودي وحده تكون جميلة على الأقل جمال حتى لو في طبع سيء.. لأن زوجتي الآن اي شي تقلب بوزها على طول منظرها يكون سيء سيء جدا ..

اي موضوع يخصنا سفر ريحه جيه طلعه أهلها لازم يكون عندهم خير وامها متابعه معنا على طول الطريق أهلها طيبين لكن مو معقوله لصقه لحد هالدرجة
طبعا الآن سبب عدم قربي منها أحيانا ما تدري متى جاتها وتجي تقلي بتجي ذيك وتبغاني اقربها أو مره قالت لي خلص العذر واخرتها طلع لسه باقي انا صرت اتقزز بصراحة كثيييرة عادي دورة وكذا معك انا واوقف معك وكل شيء ولا اقول فيها شيء هالعادة.. لكن تجي تبغيني نمارس وهي فيك !!!! ولا انتي متأكدة باقي ولا راحت فهمتها بالتلميح بالكلام الحلوة اخرتها اعطيتها كاش ..
صارت عنيدة مره تفتعل المشاكل لأبسط الأمور
متسلطة شكاكة .. ظنها سيء أغلب الوقت
ما هي قايمه بالبيت انا اضطريت اجيب خدامه
ماني حاسس بأي حنان اي احتواء سلبية مره
قبل الزواج راحت وعملت أشياء تجميلية بسيطة وانا من ذاك الوقت أحس وجهها غريب كنت متقبله ومرتاح له قبل.. الأن مره قبولي له ضعيف جدا جدا ... وفعلا اتمنى أحيانا وحده غيرها.. لما انظر لها اشعر بسعادة وراحة .. على الأقل لو تعرفي ما فيك مقومات جمال كبيرة على الأقل عوضيني بكلامك باحتوائك بحنانك مو افتعال مشاكل بورود تصرف ..
وبصراحة فيه موضوع كلمتها عليه كثيير ولا أدري وش الحل ليت تفيدونا فيه لما اقرب منها ابغى اقبلها بخدها بشفتها اتقززز وابعد أحيانا احاول انسى واتناسى بسبب وجود شعر بانفها ظاهر مره وكلمتها عليه أو هي ممكن كلمتني بالأصح بالاول عليه وقلتلها عادي ليزر ممكن أو أي شيء.. راحت كمان تسوي شيء فوجهها بدون اذني وقالت انت قلتلي وتركت الشعر!!! تتبلى علي استغفر الله اني قلت لها غير من خلقتك وانا ما سمحت لها ... بالله فهموني كيف تفهم هذه..

أنا ما حولت ادخل أحد أو اكلم أحد من اهلها رغم كثير افكر اكلم ابوها انا اقدرهم ويقدروني ونحترم بعض وما يدرو يمكن عن المعاناة اللي معيشتني بنتهم من مشاكل وشك لأبسط الأمور
وصارت ديدنها على طول طلقني طلقني ما ننفع لبعض لازم ننفصل .. وتجلس تعقل يوم يومين ثم تقلب والله العظيم فجأة فجأة

اريحها أبسطها بالليل الصباح اجي اودعها بروح دوامي تقلب فجأة وتعمل مشاكل لا حول ولا قوة إلا بالله

طبعا هذا زواجي الثاني وما كنت اتوقع كل الأمور تصير لأن اتفقنا وحطينا خطوط عريضة من قبل الزواج وقلت كبيرة وشهادة ومتوظفة اكيد فاهمه خاصة بناءا على ما شفت ...
وبعد الزواج شائت الأقدار أن ننفصل أنا والأولى .. ولم اكتب هذا بالاول لأجل لا أحد يخرج عن الموضوع ويتكلم بعاطفية وتقلك خليك هذا اللي يتزوج.. الناس ظروف وأحوال لا تعلمها انت ولا انا وليس لنا إلا الدعاء بالطيب لبعض ..
أنا الأن اشوف نفسي بين أمرين إما أمشي الأمور لحد ما ينهيه الله والمكتوب تتعدل أو لا الله اعلم وبسببها صرت اكره الزواج الحريم اعرف ما أحد له ذنب بس صابتني عقده ولا ودي أحد أحيانا يقلك طلق مرتين لأن الأولى مالي ذنب لكن الناس متعاطفين مع الأنثى.. وحالي الآن كما اخربتكم

أو اصبر شوي واخلي اهلي يشوفو لي وحده بمواصفات احددها لحد ما الله ييسرها أو أتزوج من بره
لأن والله والله تعبت حالتي النفسية سأت مره وأحس ضيقه وكتمه داخليه مو طبيعيه كل ما زانت قلبت.. سفر بيت مشاكل وقلبت بوز على ايه اجل زواج .. صرت اتنرفز اعصب.. وهذا كله ما ابغى بس خلاص صرت مضطر على الأقل أحس أني أنفس عن نفسي شوي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

j.,[j ,hgqdrm ,hgpsvm lgzj rgfd

المصدر...