نفاس على بوابة الطلاق

نفاس على بوابة الطلاق

السلام عليكم
انا متزوجة من خمس سنين
او ثلاث سنين كنا مثل العشاق الحب يبان في عيوننا كانت حياتنا واضحة للجميع من قوة علاقتنا
صارت مشاكل كثيييييير قبل سنة وتدهورت علاقتنا الى الحضيض
اللي خلاني اكتبلكم ما ادور حل لأن كل الحلول تصكرت في وجهي الا رحمة ربي اللي ارجوها
لكن اتمنى تواسوني وتدلوني ع طريقة اقدر اعيش فيها هالفترة لأني مكسورة حيل حيل حيل
ابد مو ضعيفة وشخصيتي حلوة بين الاهل والاصدقاء لكن المرحلة اللي وصلتها الحين محد يشوفها غير زوجي ومو مهتم ولا تحركت فيه شعرة
طبعا انا عندي اثنين الله يحفظهم ( حاليا في فترة النفاس توني والدة من اسبوع)
والمشاكل مستمرة وما اشوف احد ولا احد يشوفني في البيت لحالي وزوجي ينام في غرفة ثانية واصلا مايجي الا اخر الليل بس اللي استجد انه قرر يطلقني بعد النفاس ( انا طلبته الطلاق في فترة المشاكل بالذات وانا في التاسع كنت كارهته وكارهة تعامله وتهميشه لي قال لا بس عشان الاولاد وكم مرة يصرح انتي بخليك للاولاد وانا بتزوج اشوف حياتي ) المهم انه الحين قرر يطلق وانا ما كلمت احد ف الموضوع بس احس بانكسااار ما اعرف هذا الشي صح او غلط لأن معاملته معاي جدا سيئة نظراته لي ان ناظر اصلا بتكبر او اشمئزاز ما اعرف ايش مهمشني لدرجة كبيرة ماتتصورونها الاهالي علاقاتهم مقطوعة وقد سبق كتبت مشكلتي في بداية حملي فما اقدر ادخل احد من اهله او اهلي واصلا ما اظن شي بيرجع زي قبل بس افكر في اولادي افكر في نفسي وف علاقتنا اول تعبت كثير واحيانا اقول يمكن احسن لأن اللي يترك زوجته في هالفترة ما اظن منه امل بس فيني ضيقة مايعلمها الا الله ساعدوني كيف اتأقلم كيف اعيش ع الاقل هالفترة لين اخلص النفاس صحتي تتدهور وماني قادرة اسيطر ع نفسي من الهم ( والدة عملية وكانت صعبة وحصلت مضاعفات اثناء العملية وهو يعرف بس ما تحركت فيه ذرة من الرحمة رغم ان زمان مجرد تدمع عيني يشيلني بعيونه شيل )
يارب رحمتك

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

kths ugn f,hfm hg'ghr

المصدر...