الحلقه الاولي من مسلسل يوميات زوجه سعيده

السلام عليكم ورحمة الله وبركاته


أول حلقه فى الكورس انهارده عنوانها (( الرجل أحادى التفكير ))


الرجل بطبيعته احادى التفكير يعنى ميقدرش يعمل او يفكر او يركز فى كذا حاجه فى وقت واحد بخلاف الست ممكن تعمل كذا حاجه وتركز فيهم فى كذا وقت
مثال : ان انتى ممكن تبقى بتطبخى وبتتكلمى فى التليفون

او بتطبخى وشايله ابنك يعنى تقدرى الى حد ما تركزى فى كذا حاجه مع بعض
طيب ليه بنقول الكلام ده لان فى ستات بتقولك انا بحس ان جوزى ساعات بيحبنى وساعات مش طايقنى ساعات بيتكلم كويس وساعات بيتعصب اوى

لو انتى لقيتى زوجك بيعمل حاجه ومركز فيها اوووووى بلاش تقطعيه نهاااااااااااااااااااااائى لانه طبيعى ممكن يتنرفز او نحسى من كلامه بتجاهل وده شئ طبيعى لانه حاطط كل تفكيره فى الشئ لى بيعمله


وتكوين الرجل غير الست فى العاطفه وديه حاجه منقدرش نغيرها
يبقى أول حاجه فى الواجب العملى

اوعى تقطعى تفكير زوجك اذا كان بيعمل حاجه حتى لو كانت صغيررررررررررررررررره لان تفكيره فى الوقت ده بيكون متجه ليها

استودعكم الله انى احبكم فى الله اخواتي