|
|
|
25th May 2020
|
#1 | |
|
مدير ومالك المنتديان
|
يأس .. ميول انتحاريه
السلام عليكم ورحمة الله وبركاته
انا بنت عمري 24 سنه مريت بظروف في حياتي صعبه جدا انا بنت وحيده بين اولاد اكبر واصغر مني احس اني ما عاد اقدر اتحمل اي اذى زياده اهلي جدا سيئين معاي بكل الطرق ولاني قادره احس بحياة البنت الطبيعيه من صغري ماحسيت بالاهتمام كان كل شي للاولاد وكل شي هم صح فيه حتى لو هم غلط وهم ملائكه على الارض مقدسين الي كملها بعد علي والدي ماخلاني اكمل دراستي الجامعيه وهالشي كسرني جدا رغم اني حاربت وحاولت بس مافاد دايم كان فيه بعقلي فكرة اني بصبر واتزوج والقا احد يفهمني ويحبني احد اقدر احبه واعطيه كل الاشيا الي انا فقدتها وماقصر معاه خلصت الثانوي وبعدها بدت الناس تتقدم لي من اهلي تفاجات انه ابوي رافض رفض تام فكرة زواجي اول واحد قلت يمكن عارف عنه شي بس بعدها اكتشفت انه كل احد يجي يرفضه وكلهم ناس كوبسين خوالي وجدي وامي ضغطو عليه ليه ترفض قالهم بنتي ومالكم علاقه فيها انا كلمته وماعطاني وجه ولا رد علي حتى قلت له اني واقف بطريقي وان ربي بيحاسبه بس اذا رد علي الجدار رد هو عموما ضيع مني كم شخص تقدم لي كانو بالنسبه لي كل شي اشوفه بالرجل والحين احنا لا طلعه ولا روحه ولا جيه ولا صديقات ولا بطيخ انا وهو وامي مقابل وجيه بعض حرمني دراستي وحقي وارخص نفسي يعني الحين كل الي جو رفضهم وانا ما اطلع والناس يشوفوني غير بالسنه مرتين او ثلاث وادري انه مهما ومن تقدم لي انه ليرفض وبيحط مية عيب وانا انسانه ماقدر اجر اهلي بالمحاكم ولا اقدر حتى لو فكرت لانهم متحكمين باصغر التفاصيل في حياتي يا ناس انا واعيه وفاهمه وعاقله وادري اني مكسب لكل احد ادخل بحياته وادري اني لو تزوجت مين ماكان بتوفق بعد اذن الله وادري ان لي في قلوب الناس محبه وقدر بس انا تعبت نفسيا ولا عاد اقدراتحمل وضعي مخنوقه ولا ابي افكر اني بعيش باقي عمري على هالحال وبهالوضع :blo-hear::blo-hear: الموت ارحم ياناس ما تتخيلون الشي الي عايشته امنيتي اعيش حياة بنت طبيعيه وفعليا ما عاد اقدر ولا عاد عندي قدرة تحمل تحملتهم 24 سنه ولا عاد اقدر اتحمل زياده ليه ياناس فهموني بايش اخطيت وش سويت عشان القى هالمعامله انا انسانه كويسه وداخلي نظيف ليه قاعده اعاني ليه احس نفسي بطريق ماله نهايه تعبت من الالم تعبت من الضغط النفسي حتى بابسط التفاصيل ثقل الدنيا كأنه فوق صدري ياناس احتاج ارتاح تراودني افكار انتحاريه واقدمت كم مره بس بلا فايده واهلي حتى مادرو عني او حسو علي هل كثير علي اني اعيش حياه طبيعيه ليه كذا كثير مره الاشيا الي مو حلوه في حياتي كل شي اسود باسود باسود وقاومتهم وقاومتهم بكل قواي لاني احب الحياه واحب الناس لو غيري كان ماتت انا فيني حيل غير عن عن غيري لان عندي امل بس الحين تلاشى وخلصت طاقتي ودام هم مارح يوقفون وراح يضلون بهالمعامله ليه انا مارح نفسي واوقف هالعذاب .. وان مت ربي على الاقل ربي عارف ويعلم ان الشي الي مريت فيه مو قليل :blo-hear: انا اسفه لكل الناس الي تعاني ومابيدها سلطه ولا قوه وانا اسفه لنفسي اني ماقدرت اخذ حقها والله انه حظن واحد من غير حتى كلام كفيل بانه يبعد هالافكار عني حظن واحد اقدر احس فيه انه فيه احد معاي واحد حاس وعارف الي احسه احد يلمس الخوف والوجع الي جواتي حظن يحسسني بامان ويطفي عني هالمشاعر وهالميول .. كثرت بالشرح وبالكلام بس احساس اني اقدر اتكلم واحد يسمعني تملكني كثير احاسيس ومشاعر جواتي متضاربه وملخبطه صعب جدا اني اوصلها لكم قد ما عشته المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين dHs >> ld,g hkjphvdi المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض الشجري