خيانات زوجي هل تستحق الصبر الذي لايطاق صبر الاهانه والتمادي

خيانات زوجي هل تستحق الصبر الذي لايطاق صبر الاهانه والتمادي

السلام عليكم

مشكلتي اختصرها وباذن الله اني مااطول فيها وسالتك بالله يالمشرف لاتحذف ولاتختصر شي

انا متزوجه من خمس سنوات وعندي طفلين

بدايه ثاني شهر من زواجي اكتشفت ان فيه محادثات بين زوجي وبين مرت اخوه وكاتبه له وشفيك متغير علي انا مانسى الساعتين اللي عشتها معاك احلى ساعات حياتي كان هالشي سبب لي صدمه نفسيه وواجهت زوجي بها نكر وحلف مافيه شي وبعدها سترت عليه كون اني حامل لي شهر ومابي اخرب بيتي توني عروس

واكتشفت زوجي بعدها يراسل حريم ويكلم فقط مكالمات بالجوال لاني رجعت افتش جواله عشان طبيعي وقع شك بقلبي من مرت اخوه فاكيد بترجع له كاتبه له انا عارفه انك التزمت وماينفع اني استمر احبك من طرف واحد وادري انك تبت بس اوعدك افتح صفحه جديده معك وننسى كل شي

طبعا من قريت الررسايل ماتحملت شي ع طول واجهته وحلف انه مابينه وبينها شي وانها هي كذا تحب تسوي مشاكل ... بس قلب الزوجه دايم مايكذب على احساسها شي كنت حاسه فيه شي كبير بس سكت وماعلمت اهلي وانقطع عنها وماعاد زرناهم فتره سبع شهور بس ماحد يدري السبب من اهله غير انه كان يصرفهم بشغل او كذا مشغول ولما جبت طفلي الثاني بعد سنتين

وام زوجي كانت زياره عندي وعلمتني ان زوجة اخوه رايحه تحضر زواج بفندق لزميلتها

ماهتميت لاني على كلام زوجي خلاص وثقت به

راح زوجي يجيب لنا عشى ورجع بعد ساعه وثاني يوم نام زوجي ورحت فتشت جواله عجزت اتحمل الشك وماحد بالدنيا يتحمل يشك وينسى لقيتها مرسله له بالسناب عجبتك صورتي ياليتك جيت امس الوضع فوق التمام ماكان احد فيه ليه ماجيتني

انا ع طول راسلتها واتس من جوالي كتبت لها اذا تبين طلبات ارسلي ع جوالي قالت وش فيه مافهمتك قلت تعالي خاص بالسناب قالت ماعندي سناب قلت لها تعالي اوريك صورتك قالت اي صوره وش فيه انا اصلا ماعندي صوره لها بس المح لها اني عارفه فيه شي
هي قالت لي اي صوره مافهمت وش قصدك

اخ بس لاني تعبت من هالانسانه زي الشيطان بحياتي وزوجي لو موقفها عند حدها ماتمادت بس انا متاكده انهم طايحين بالحرام بين بعض ليه مابلكها زوجي من السناب وش يبي فيها

قلت بالسناب ماعندك ياليت اقدر اصدق كل شي تقولينه

ع طول هي ارسلت لجوال زوجي وكان معي جواله وهو نايم كتبت له بسرعه انت ورطتني مع حرمتك انت مسحت صورتي او لا شكلها شافتها طمني انا متوتره

وانا هنا قطعت باليقين كل شي خلاص ان زوجي حيوان وحمار وخسسيس

ولما صحى من النوم طلبته يوديني لاهلي سال ليه قلت مشتاقه لامي

لاني ناويه اهرب من جحيم خيانة الاخوه وماتحمل اعيش لرجال يتعرض عرض اخوه

وكنت قبلها قاريه له رسايل يقابل ويطلع مع حريم وانصقعت وواجهته وحلف لي وحب رجولي انها نزوه بس اخ بس عقب ايش ليته يتعظ من ولده

حاليا احنا نعيش وقت حظر عشان كورونا

واذا افطر بعد الساعه 10 الليل يروح للممشى ويرجع لي 2 الليل ويحلف لي انه رايح للممشى وللعلم احنا مقفلين الاحياء يعني انا مابي اقول اني اصدقه وامشيها له

انا اعيش لحظات قلق وتوتر وارتباك وبكاء يومي وتعب نفسي جدا من هذا الانسان حتى مره بلحظه انفجر علي وعصب وقال مالك دخل تفتشييتن جوالي لاني لقيته يراسل وحده من الشرقيه انه مطلق وزوجته نكديه وراعية مشاكل واني من اختيار اهله

راسلت الحرمه هذي من جواله بس ماتدري اني زوجته وشفت شكلها ومراسلاتها له وطلعت ع علاقه جوال مكالمات وصور من سنه ونص يقول عني هذا الكلام

وهو مسبب لي صدمه عصبيه مع زوجة اخوه وخيانات متكررره مع الحريم وكلما تعرف ع وحده بالتويتر والا اللنستقرام قال لها انه مطلق وعنده ولد وان زوجته نكديه وراعيه مشاكل

ووالله العظيم اني تزوجت ابي اعيش واحافظ على بيتي واعيش زي الاوادم

ولو ماكنت احبه ماسترت على خياناته مع زوجة اخوه على فترات متباعده يحلف لي انه حذف رقمها وهي تلاحقه ويراسل حريم


انا عن نفسي متجدده احب الحياه والاهتمام بالاولاد والبيت والنظافه والريحه واحب له الهدوء عن ازعاج عياله واذا جلست معه صرفني شوفي لك شغل نظفي لك شغله مايبي قربي

واخر مره تهاوشت معه قبل اربع ايام بس اذا جاء الصبح قفل باب المجلس بالمفتاح ويكلم وحلف لي انه مايكلم حريم ولما تركت جوالي عنده تسجيل صوتي اتصنت عليه ولما طلع رحت اخذت جوالي لقيته فعلا يكلم برمضان يعني يوم اجلس معه واغير له جو يصرفني ومايبي ينشغل معي وبس يكلم الحريم اكرهه حياتي معه

للعلم انا ماتجسس عليه حركاته وطرداته لي توحي لي بالقوه انه يكلم اخرتها قال لي اطلعي فارقيني واعطيك كل موجلك

بالليل رجع راضاني وحلف لي حلف يمين انه حذف السناب ومايكلم حريم وانه زوجه زيي ماتنلام تصير طول عمرها عايشه بشك بسبب خياناته وانه اعتذر لي عن كل تصرف صار منه وحلف لي بالله مايكلم حريم ابدا وانا سكت ماقلت شي

وثالث يوم رجع قفل المجلس ومتاكده انا انه يكلم بس صاير حريص مني مره اني مامسك عليه شي


بس انا تعبت جدا جدا ماقدر اتحمل اعيش معه

وانا بعرف استشيركم لاني تعبانه نفسيا وخايفه من اسئله اهلي عن سبب طلاقي منه ماقدر افضح فيه بعد هالصبر ابدا بسكت عنه عشان عيالي مايعيشون منبوذين او مكروهين من سوايا ابوهم ابدا مستحيل افضح فيه كاني فاضحه نفسي ادري لو اعلمهم ماراح استفيد الا تستاهلين من قالك اصبري وخيانه محارم وووووو ووو ووو ....

فابيكم تدلوني على شي كيف افهم اهلي ان هذا الشخص مابيه بدون ماعلم وش فيه هل امثل عليهم اني اكرهه واشوفه نار واني قلبي يدق مايبيه بقوه
لاخر رمضان يقفل المجلس ويكلم

اخ بس بعد شايله هم كيف اعيش عند اهلي وارجع مع اخواتي بنفس المكان وازعاج اه ياربي بس صبرني

كيف اواجه الناس بطلاقي خصوصا ان الكل يحسبنا زي الكناري متصافين عمري مافضحت به ولاطلعت من بيتي زعلانه دايم ببيتي ومستوره بس هو والله مايبي الستر ساعدوني

وثاني شي بوقت الحضر كيف اخذ طلاقي ونفقه عيالي والحضانه اسالكم بالله العلي العظيم تحملون قصتي وتدلوني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

odhkhj .,[d ig jsjpr hgwfv hg`d ghd'hr wfv hghihki ,hgjlh]d

المصدر...