يومياتى فى الوصول الى الرشاقه

الثلاثاء : يا ريت ننساه ونبدأ صفحة جديدة
=======================================

الإربعاء :

الإفطار : 2 بيضة مسلوقة + نصف رغيف

الغداء : 2 كوب زبادى أكتيفيا قليل الدسم

العشاء: طبق صغير شوربة {كوسة+ كرفس + بصل أخضر} (بالماجى)
طعمها كان صعب قوى الحمد لله على النعمة

شربت ماء الحمد لله تقريبا 4 أكواب ، كوب واحد أعشاب
راضية عن اليوم الحمد لله

انا برده بقول كده ننسى الى فات كله ونبداء صفحه جديده


الاربعاء

الفطار
سندوتش فول +كوب شاى اخضر


الغداء

نقنقه(قطعة بيتزا صغيره جدا +1 كفته صغيره

لبن بالزنجبيل


العشاء
قطعتين بيتزا مش صغيره +كوب شاى

السلام عليكم ورحمة الله وبركاته

جزاكن الله خيرا حبيباتى

ريناد
دا الى انا كنت خايفه منه

وزن وطول وسن

ضرورى؟؟؟؟؟؟؟؟ بلاش احراج حبيبتى
ههههههههههه

ربنا يسهل اوزن غدا واكتب ان شاء الله

الله المستعان

ام احمد
حقيقى حقيقى دائما اتذكرك وانتى تنصحينى هذه النصيحه فاكره مانسيت
وكمان قولتيلى افطر الساعه 8 او 9 توقيت مصر

الحمد لله احاول الانتظام على الفطار ولكن للاسف احيانا انسى
بارك الله فيكن حبيباتى

اقتباس:
المشاركة الأصلية كتبت بواسطة ام احمد خالد


حيا الله أختنا الفاضلة ريناد نرحب بك أكيد وبمعلوماتك حتى يستفيد الجميع و أولهم أنا ، بارك الله فيكِ حبيبتى .

جزاك الله خيرا اختى أم أحمد على ترحيبك لى وقبولك لى معكم وان شاء الله اقدر افيدكم

اقتباس:
المشاركة الأصلية كتبت بواسطة ام عمار بن ياسر
السلام عليكم ورحمة الله وبركاته

جزاكن الله خيرا حبيباتى

ريناد
دا الى انا كنت خايفه منه

وزن وطول وسن

ضرورى؟؟؟؟؟؟؟؟ بلاش احراج حبيبتى
ههههههههههه

ربنا يسهل اوزن غدا واكتب ان شاء الله

الله المستعان

حبيبة قلبى أم عمار
ما تخافى بس انا قولتلك أول من هبتدى هبتدى بيكى غاليتى ومن شروط الرجيم معرفه الوزن والطول انت كنتى متخيله انى مش هسألك رغم إنك دليتيهم بس انا وراكى حبيبتى لا تقلقى فى انتظارك انتى والاخوات فى كتابه البيانات اللى طلبتها منكم
ومن بعدها ان شاء الله راح ابدأ معكم
وجزاكم الله خيرا

سلام الله عليكن ورحمته وبركاته
حياكِ البارى وبياكِ أخت ريناد ، سعيدة بمتابعتك لنا
طولى تقريبا : 156 سم
الوزن : اليوم صباحاً وزنت 72 كيلو
بس مش عارفة ليه مش باين عليا قوى ، لكن فى ملايس بالفعل وسعت عليّ بفضل الله .بس مش جداً . سبحان الله قبل الزواج على فكرة وصلت لمثل هذا الوزن لما سمنت جداً لكن الجسم كان متناسق , ربما الان من الولادة وتغيير الهرومونات, والله المستعان
فى إنتظار معلوماتك ..بس حابة اضيف ان بطنى بقى بها ترهل بعض الشئ وكذلك أرى هذا فى وجهى ، منتظرة نصائحك ريناد حبيبتى
&&&&&&&&&&&&&&&&&&&&&&&&&&&&

الخميس :

الإفطار : 2 شريحة توست محمص + حليب قليل الدسم


كوب أعشاب وشربت حوالى 2 كوب ماء
الغداء: (بامية ويكة) اكيد عارفينها { يا كسوفى أنا عارفة انها ما تنفع فى الرجيم } لكن لم أكثر منها

العشاء : ( )

السلام عليكم ورحمة الله وبركاته

حبيبتى ام احمد لا يصح اكل الباميه { وايه الكلمه الى جنبها دى } اثناء الريجيم ياريت تاخدى بالك

حببتى ريناد انا وزنت اليوم

والوزن .......
.......


............
................

90,5

الطول
حوالى 158
السن 31

اليوم الخميس
الفطار

قطعتين بيتزا صغيرين +شاى

الغداء
4 م مكرونه +قطعتين فراخ

1 شيكولاته

وبعدها عاقبت نفسى بكوب شاى اخضر بالليمون بالزنجبيل

وخرجت اتمشيت حوالى ساعه ونصف

العشاء
جبن قريش+شاى

سلام الله عليكن ورحمته وبركاته .

أختى ريناد نسيت أن أكتب لك إن كنت أعانى من أى امراض كما سألتى حبيبتى . لكن لا اعتقد أن ما كنت أعانى منه يكون مانعاً فى الرجيم ، منذ سنتين عملت عملية حصوة فى الكُلى ، وكنت أشتكى من إرتفاع فى اليوريك أسيد ، بس ما عملت تحاليل قريب لأعرف نسبته الان . وصداع أيضاً دائماً ملازمنى الحمد لله .
الجمعة :

كوب ماء صباحاً

الافطار : حليب قليل الدسم + 2 شريحة توست محمص

الغداء : سلطة + أرز بسمتى +شوربة خضار

كوب أعشاب

العشاء : نصف سندوتش فلافل ده أرغمت عليه من قريبتى لما كنت فى الحديقة {أرجوا المعذرة }
لكن المعذرة مِن مَن؟ أنا لوحدى بكتب

اقتباس:
المشاركة الأصلية كتبت بواسطة ام احمد خالد
سلام الله عليكن ورحمته وبركاته
حياكِ البارى وبياكِ أخت ريناد ، سعيدة بمتابعتك لنا
طولى تقريبا : 156 سم
الوزن : اليوم صباحاً وزنت 72 كيلو
بس مش عارفة ليه مش باين عليا قوى ، لكن فى ملابس بالفعل وسعت عليّ بفضل الله .بس مش جداً . سبحان الله قبل الزواج على فكرة وصلت لمثل هذا الوزن لما سمنت جداً لكن الجسم كان متناسق , ربما الان من الولادة وتغيير الهرومونات, والله المستعان
فى إنتظار معلوماتك ..بس حابة اضيف ان بطنى بقى بها ترهل بعض الشئ وكذلك أرى هذا فى وجهى ، منتظرة نصائحك ريناد حبيبتى

أختى ريناد نسيت أن أكتب لك إن كنت أعانى من أى امراض كما سألتى حبيبتى . لكن لا اعتقد أن ما كنت أعانى منه يكون مانعاً فى الرجيم ، منذ سنتين عملت عملية حصوة فى الكُلى ، وكنت أشتكى من إرتفاع فى اليوريك أسيد ، بس ما عملت تحاليل قريب لأعرف نسبته الان . وصداع أيضاً دائماً ملازمنى الحمد لله .
الجمعة :

كوب ماء صباحاً

الافطار : حليب قليل الدسم + 2 شريحة توست محمص

الغداء : سلطة + أرز بسمتى +شوربة خضار

كوب أعشاب

العشاء : نصف سندوتش فلافل ده أرغمت عليه من قريبتى لما كنت فى الحديقة {أرجوا المعذرة }
لكن المعذرة مِن مَن؟ أنا لوحدى بكتب

وعليكم السلام ورحمه الله وبركاته
حبيبتى انت ما لوحدك لكن أعتذر عن تأخيرى أنا فى الرد عليك انت وحبيبتى أم عمار
لكن التمسى لى العذر

وإليكم الآن بعض النصائح أو التعليمات وأرجوا انها تفيدكم
أولا بالنسبه لكل أخت عندها بطن كبيره عن الطبيعى
1 - التمارين الرياضيه وهى ضروريه جدااااا بالأخص لمنطقه البطن
نوع التمرين النوم على الظهر ووضع يديك تحت الرقبه متشبكين مع بعض وحد يمسك قدميك من
عند القدم وتقومى رأسك توصل لقدميك كل ده وانت مستلقاه على ظهرك وتكررى هذا التمرين كل يوم لمده من 15 إلى 30 دقيقه يوميا
ومشى نصف ساعه إلى ساعه يوميا إن أمكن يكون فى الصباح يفضل

2 - ممنوع منعا باتا أكل اى نوع من أنواع المعجنات بما إنى ما بعرف معنى التوست عندكم هل ده يعنى عيش أسمر والا نوع من أنواع الفينو
3 - ممنوع اى أكل وسط الوجبات بمعنى ( الرمرمه ) انا أسفه فى الكلمه ما حدا يزعل منى بس ديه معناها عندنا

4 - وده الأهم أولا وجبه الأفطار
بيضه مسلوقه مع قطعه جبن يفضل تكون نوع جبن خاليه من الدسم
2 ملعقه فول بدون زيت أو سمن أو بديل قطعه فلافل
مع 1 خيار او طماطم مع
ربع رغيف عيش اسمر بمعنى يكون به رده مع كوب شاى أو نسكافيه بلبن خالى الدسم

ثانيا الغداء
طبق سلطه به جميع أنواع الخضروات مع 3 أو 4 ملاعق أرز أو مكرونه مع قطعه من اللحم أو الدجاج أو سمك وهذا يكون مشوى وخالى من الدهون بالأخص اللحوم أو الدجاج والأرز أو المكرونه ممكن يستبدلوا بنصف رغيف عيش
ثمره فاكهه واحده فقط مع كوب أى نوع من أنواع الأعشاب المساعده للرجيم حسب ما تحبه أى نوع لكم الأختيار

ثالثا العشاء
أولا يكون قبل ميعاد النوم على الأقل بساعتين وهو
2 ثمره فاكهه أو قطعه من الجبن الأبيض وكوب زبادى ثم كوب شاى طبعا كل المشروبات يفضل تقليل السكر للى مش هتقدر تشرب بدون سكر يفضل نصف ملعقه سكر فقط
وهذا النظام يتبع لمده أسبوع فقط وإن شاء الله هيتغير كل أسبوع
وأتمنى إنى أقدر أفيدكم وأساعدكم بمعلوماتى البسيطه وأى أخت ليها أى سؤال أنا تحت أمركم فى أسئلتكم وأستفسارتكم

دمت بودكم وحبكم
أختكم فى الله
Renad