مشكـلتي | إكـتشفـت إنه زوجـي يُحـب أخرى قـبل ما يتـزوجـني !

مشكـلتي | إكـتشفـت إنه زوجـي يُحـب أخرى قـبل ما يتـزوجـني !

صعب ان تحب شخص لا يحبك والأصعب أن تستمر فى هذا الحب



بدايه مب عارفه من وين ابتدي بس بكلمكم عن نفسي انا عمري 28 متزوجه من5 سنين وعندي بنت جميله جدا والحمدالله ما افتخر الا باخلاقي والكل يشهد عليها
وايد مرحه ما احب النكد واحب احسن الظن لان الظنون الشينه تشقي صاحبها والحمدالله انسانه واثقه بنفسي وصريحه مع نفسي وايد واعرف الصح من الخطا والواجب والفرص =)
زوجي اكبر مني 5 سنين انسان عقلاني شال المسؤوليه وما يقصر علينا بشي طيب ومراات يصيير حنوون ويحب بنته بجنون
عموما انا انسانه عاقله مؤمنه ما في حياه تخلى من المشاكل وبالعكس احيانا المشاكل بعد حلها تقرب الزوجين لبعض وكل شي فيه خيره من ربي لكن في شي يا اخواني وخواتي متعبني نفسيا مع اني ما افكر فيه دايم لاني عارفه التفكير الدايم بيهدم نفسيتي وانا مابي شي يحطم نفسيتي لان الواحد اذا ما اهتم بنفسيته محد ملزوم اصلا يشل همها لكن المشكله اهنا..
يعني بالله هي واقع شلون ماقدر مايمر في البال
المشكله اني مب قادره انسى =( لما تزوجت كانت العلاقه بيني وبين زوجي يعني جدا بارده يطلع الظهر ويرجع الفجر مافي سفرات ولا طلعات مع ان زوجي مقتدر جددا ولله الحمد
كنت لما احاول اتقرب منه هو ينفرني كنت عارفه ان ماحبني ،الحب من الله ،بس كنت اصبر نفسي واقول الحب يجي بعد العشره اهم شي الرجال انسان فيه وانا عارفه قيمته
المهم لما كملت مع زوجي 6 شهور اكتشفت ان زوجي يحب وحده خطبها قبلي لما وافقت كان طااير من الوناسه (ماعرفت الا قبل شهر ونص) وللاسف رفضته قبل الملكه
وخذاها ولد خالته واكتشفت حبه لها لما كان عرسهم بعد عرسي ب9 شهور تهاوش معاي وقط كلام يسم البدن والله عيني تدمع وانا اكتب اللحين لكن الله كريم والعوض
في اليالي الجايه كان من طريقة كلامه مكبوت وانفجر ملخص الكلام ان احنا مانصلح نكون في بيت واحد وانه متحسف بس بطريقه غير مباشره انتي شرطتي بيت وطلبتي من بداية العرس ، وانا والله ما شرطت الا دراستي والجامعه ببس ، اما الباقي كله جاني من طيب نفسهم وانا ادري هو واهله يحبون يتباهون بالخير الي عندهم الله يزيدهم يا رب (هو واهله ناس وايد طيبيين الحمدالله )
من كلامه ،يعني مضمونه ، لو شليت اغراضي ذاك الوقت ورحت لاهلي هو الي بيفتشل من نفسه لان الغلط راكبه قال كم كلمه يعني اي ام واب في الدنيا محد يرضاها لبنته خصوصا انهم كانوا طايرين فييه وشايفينه بصوره ملائكيه ( هو والله طيب وانا مقدره تعب نفسيته بس الي قاهرني اني كنت مثل الاطرش بالزفه !!! )،سكرت منه وانا دموعي ما وقفت وقلت مهما كان ماراح ازعل واشل اغراضي وانا ما صار لي 9 شهور واخلي خلق الله تتكلم فينا خصوصا بيوم زواجهم والله العالم ان كسر خاطري مابيهم يقولون رفضته الاولى وهي بنت سنعه وسمعه وما عليها قاصر وترفضه الثانيه الي ما تم حد ما خطبها. المهم بعدها بشهر ونص حملت ببنتي وما كنت ابي الحمل بس هو كان يبيه ومصرّ واييد كنت اصلي وادعي واصيح واقول يارب ان فيه خيره لي ولزوجي نكمل تتمه على خير واذا مافيه خيره لنا يارب تعوضني وبعد 9 شهور جبت ملاكي بنتي حبيبتي .
انا نفسيتي وايد تعبانه والسبب اني عارفه قيمة زوجي بس هو مب عارف قيمتي والله اني متمسكه فيه لآخر دقيقه وثانيه مابي بكره اتحسف ، بس اتحسف على شنو واحد مهملني نفسيا ومعنويا جربت اتكلم وياه بس مافاد مع انه من النوع لو حب الشخص صج يطيره سابع سما ويدلعه ويتمسك فيه
انا بنت والله ماتزوجت الا وانا مستعده اتحمل المسؤوليه لكن ماعملت حساب للفراغ العاطفي هذا شنو يدده والله ماابي ارووح للحرام والحمدالله مافكر فييه بس يحزز بالخاطر الشخص الي اخترته والي كل ما حطيت راسي على المخده قلت هذا الي من بعد امي وابوي لازم اعيشه احلى عيشه واخليه يرتاح واشل همه ومستعده اوقف معاه في اصعب المواقف يعني شارييته صج
انا ابي نصيحتكم خواتي واخواني شلون اتعامل مع هالجرح الي ليما الحين ينزف
لا تقولين فاتحيه بالموضوع انا ابيه ينسى ما ابي اذكره مره ثانيه لكن تعبت اعيش مع هالحقيقه المرّه
ما ابي بكره لكملنا عشر سنين او اقل يطلقني او يتزوج علي بدافع الحب
انه ماحبني ويبي يحب حاله حال ربعه وغيره
لان هالشي صرت اشوفه وايد وأولهم ابوي للاسف =")

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;Jgjd | Y;JjatJj Yki .,[Jd dEpJf Hovn rJfg lh djJ.,[Jkd !

المصدر...