هل اطلق زوجتي ( تعديل العنوان )

هل اطلق زوجتي ( تعديل العنوان )

السلام عليكم

اسعد الله اوقاتكم بكل خير

المعذرة انا ببدأ مشكلتي مباشرة

انا موظف و الحمد لله وظيفتي كويسة و متزوج من 5 سنوات و عندي ولدين و لله الحمد .. من بداية زواجي الى مدة 4 سنوات تقريباً كانت حياتي مستقرة جداً و مرتاح مع زوجتي و لا عندنا امور تنكد علينا .. لكن اخر سنة و خصوصاً بعد ولادة زوجتي لولدي الثاني بدت تتغير جذرياً و اصبحت عدوانية و ترد علي و تفتعل مشاكل بدون سبب و تتعمد زعلي و انا مستغرب من هذا كله .. حاولت افهم منها ليش كذا و كل مرة ما تعطيني سبب مقنع او تسكت و صارت كثيرة طلعات و تطلع احيان بدون ما ادري .. اخر 6 شهور كل يوم مشكلة و باسباب تافهة و تضخمها لدرجة لو نسيت غرض من البقالة قامت القيامة بالبيت .. زعلت عليها و منعتها كذا مرة من الطلعة و المصروف ك عقاب و كانت كل مرة تعاند اكثر .. هجرتها بالفراش كذا مرة و كل مرة تبادلني نفس الشي لما ارجع لفراشي تطلع من الغرفة و تروح تنام عند العيال .. تكلمت معها كثير بحاول سبب تغيرها و كنت متوجس من مسألة تأديب الرجل لان تصرفاتها واضح انو فيه طرف ثالث يعبي راسها علي و كل ما اجلس معها اقول انتي بتخربين حياتنا و استقرار بيتنا و تنفجر بوجهي تقول انت تهددني بالطلاق !!!!!!

استعذت بالله كذا مرة و اصد عنها و ما فيها فايدة للأسف .. هددتها اني بنزلها عند اهلها يتفاهمون معها و اللي منعني مبدأ انا مسويه بحياتي و هو '' لحد يدري بمشاكل البيت ولا تطلع المشاكل برا الزوجين'' و كل مرة تتمادى لدرجة انو اقتنعت انو لازم احد من اهلها يتدخل يحل المشكلة و هي يتيمة اب و اخوانها شباب مش ناضجين و عمها انسان كبير و متزن .. رحت و كلمته قلت يا عم زوجتي كذا و كذا و تغيرت حيل و انقلبت حياتي فوق تحت و عجزت اتفاهم معها لو كلمتها بالتي هي احسن تشوف ليش صارت تتعامل معي كذا ،

عمها استغرب من البنت و قال غريبة و قالي خلني اكلمها و احل الموضوع .. المهم اتصل عليها و الظاهر هزأها و عاتبها و يوم سكر الجوال نزلت لتحت جتني طايرة و قالت من سمح لك تسوي كذا و ليش تقول لعمي و كنت عند الوالدة اتقهوى المغرب عندها المهم شد بيننا الكلام و صرخت بوجهها انثبري و اطلعي فوق نتكلم فوق مهو قدام امي لان امي مرأة كبيرة بالسن و مريضة قلب و سكر و هي تنفجر علي قالت انت بهيمة و حيوان ما تفهم لدرجة امي انصدمت من كلامها انا لا شعوري اخذت عصا مكنسة و كسرته عليه و ضربتها ضرب مبرح بيدي و رجلي ما تركتها لين اغمي عليها

قمت دقيت على عمها قلت تعال خذها و طلعت من البيت ..


الان لي 5 شهور من صارت السالفة مع العلم اني ما كلمت الا عمها بعد المشكلة بيومين و قلت كيت و كيت و سوت و فعلت و علمته كل شي و انا طايبة نفسي منها و طايحة من عيني و لولا الاطفال طلقتها ولا تقعد عندي يوم واحد .. المهم قال طول بالك يا ولدي ولا تطلقها و خليك انت لحد ما تركد الامور


لي 5 شهور من صارت المشكلة و للحين ما كلمتني و لا كلمتها و حظرتني واتس و محتار اطلقها او اعلقها


انا ما ابغى اجيها ولا اوقف عليها لكن كاسر خاطري العيال و بنفس الوقت ما ابغى ارجعها و وضعها كذا



ابي شوركم يا اخواني و اخواتي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig h'gr .,[jd ( ju]dg hguk,hk )

المصدر...